يوميات حسام وشرين

السلام عليكم ورحمه الله وبركاته
دى قصه قريتها فى احد المنتديات مش هقول عجبتنى دى ابهرتنى
ومتاكد انها هتعجبكم زى
اتمنى تفاعلكم معايا ولو عجبتكم هنزل باقى الحلقات
ونبتدى اول حلقه

الحلقه الاولى
مامى كلمتنى النهارده و أنا فى الكليه و قالتلى أن محمد ابن طنط انعام و انا مش عارفه محمد و لا حتى طنط انعام جاى الليله عشان يشوفنى و يتقدم لى
عشان كده ماما قالتلى ما بهدلش نفسى فى الشمس فى الكليه اوى و ارجع بدرى عشان العريس جاى الساعه سبعه و الحق اجهز
مش عارفه اول مره ييجى بيتنا عريس يتفرج
رغم ان اخواتى البنات متجوزين
يمكن عشان كل واحده فيهم كانت مرتبطه بعريسها قبل الخطوبه و كانت مجية اهله عندنا مجرد شكليات .

انما انا طول عمرى رافعه شعار لا للارتباط
قولوا على عسكرى بقه اى حاجه
لكن انا كنت شايفه انى لازم انتظر النصيب و ما فيش حد من اللى كانو عايزين يرتبطوا بيا شكله نصيب خالص
شكلهم كلهم ناس عايزه تتسلى و انا مش بتاعة تسالى
المهم روحت و لقيت الشغاله قاعده تلمع فى طقم الفضيه الشهير و مامى بنفسها بتطلع طقم الشاى النوريتاكى من البوفيه لحسن البنت تدشه والاستعدادات شغاله على ودنه

مامى : نعم يا حبيبتى

شيرين : مين محمد ابن طنط انعام و عرفنى منين؟

مامى : ما يعرفكيش يا حبيبتى و لا طنط انعام كمان دى واحده صاحبتى لسه متعرفه عليها النهارده الصبح هاها

شيرين : اي ده يا مامى احنا حانهذر ازاى يعنى النهارده الصبح

مامي : و الله كنت عند التزرى باخد التايير بتاعى قابلتها هناك و بعدين واناباخد بنطلونك اللى كان بيضيق سالتنى انت عندك بنات قلت لها اه عندى الدكتوره شيرين فى اعدادى صيدله قالت لى طيب ممكن نتعرف عليكم عشان انا عندى ابنى اصمله عليه مهندس بترول فى السويس و ما بيجيش الا كل اجازه وهوه هنا و عايز يشوف بنتك

شيرين : يعنى من غير اى اساس كده يا مامى دى حتى ما تعرفش احنا مين و لا عيلتنا و لا اى حاجه

مامي : لا ماهو واضح ان الترزى كان مضبط معاها المعاد و قايلها علينا ده هوه اللى كلمنى النهادره و اصر انى لازم اروح اخد التايير

شيرين : ماشاءالله ده كمان خاطبه

مامي: يعنى اهو وسيله الناس تعرف بيها بعضها و مش حانخسر حاجه

شيرين : خلاص يا مامى انا حاجهز و اجرب الموضوع ده هاها انا حاسه انى داخله انترفيو فى الجامعه ربنا يستر بقه و ما فضحكوش

مامي: لا انشاء الله تعدى على خير

و جاء العريس مع امه فى الميعاد تماما
كويس انا احب المواعيد الكويسه
بس كان جايب شكولاته كوفرتينا
انا بقه ما بحبش شكولاته كوفرتينا دى ربنا يستر بقه
و طلعت قعدت مع الناس و حسيت انى داخله على جهاز اشعه مش على انترفيو بس
يعنى طنط انعام قعدت تقيسنى من فوق لتحت بالقلم و المسطره و هى بتبوسنى حضنتنى جامد اوى مش عارفه ايه السبب وكان فاضل بس تطلعلى البندقه اكسرها بسنانى

بصيت للعريس و قعدت استنى تحصل حاجه زى اللى باسمع عنها فى الافلام و القصص
ما حصلش اى حاجه و لا كهربا و لا اى حاجه

بس الظاهر هوه حصل عنده عشان كان مش على بعضه خالص و عرقان ع الاخر
رغم ان الجو كان جميل

حكالى عن ظروفه و انه قاعد فى السويس عشان الشغل و ان مرتبه كويس و انه عايز عروسه تعيش هنا و تستناه لما يرجع من اجازته كل خمستاشر يوم
كل ده و انا عماله افكر
يعنى الواحد بيتولد و يفضل مع اهله من قديم الزمان لكن ينفع يختار اهل كده مايعرفهمش و يعاشرهم لحد اخر الزمان معقول
المهم القعده خلصت انهم اعجبوا بى خالص و انه نفسه ييجى تانى بكره لوحده من غير مامته يقعد معايا شويه
ماما وافقت و ودعناهم و نزلوا
و بعد ما نزلو مامتى سالتنى ايه رايك
قلت لها يا مامى ده انا باخد وقت اطول من كده عشان اانقى فستان عايزانى انقى عريس كده فى ساعه سيبنى افكر لحد بكره

ودى كانت الحلقه الاولى

ولو عجبتكم مش هتاخر فى تنزيل باقى الحلقات

[ندعوك للتسجيل في المنتدى أو التعريف بنفسك لمعاينة هذه الصورة]
كمل هيما
ياله مستنية باقي الحلقات
عاوزة اشوووووووف هيحصل ايه
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
تسلم ايدك هيما
go on

كمل يا فتى

قصة جميلة

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة] و مستنين منك باقي الحلقات بفااااااااارغ الصبر

معلش اتاخرت عليكم بسبب الشغل
بس جيت انهارده هحكتبلكم حلقتين كاملين علشان محدش يزعل ودى الحلقه التانيه

الحلقه التانيه

ودى الحلقه التانيه يا جماعه محبتش اتاخر عنكم

وبتحكى عن حسام الطرف التانى من القصه

عدل حسام من رباط عنقه و تاكد من وجود اوراقه فى مكانها بالحقيبه قبل ان يذهب
لتناول الافطار مع والدته .

الام : صباح الفل يا حبيبى انت نازل بدرى النهارده

حسام : ايوه يا ماما ادعيلى احسن النهارده اول مره ادخل سكشن و اشرح

الام : داعيالك يا حبيبى و انت قدها و قدود و تاكد ان ربنا مش حايضيع تعبك

يعنى معقوله المذاكره و الاجتهاد ده كله و اول دفعتك خمس سنين و تقلق من شويه

عيال فى اعدادى صيدله لسه جايين من المدارس الثانوى امبارح

حسام : الطلبه بتبقى عندها ميزان حساس بصرف النظر عن سنها بتوزن بيه المدرس

الام : و انت ان شاء الله تكون من الناجحين الموزونين ان شاء الله و اشوفك عريس يابنى يا رب

حسام : ماشى يا ماما عايزه حاجه انا نازل .

الام : خليك كده كل ما نجيب سيرة الجواز تتهرب .

حسام : لسه يا ماما ما لقتش واحده تخطفنى و تخلينى احس انى لازم اقضى عمرى
معاها .

الام : يا حبيبى انت حاتتقدم و يحصل تعارف و بعدين ان شاء الله يحصل القبول

حسام : نتفاهم بعد ما ارجع يا حبيبتى عشان انا لازم انزل سلام

و قبل حسام امه و نزل و هو يفكر فى كلامها , هل من الممكن ان يتزوج بهذه الطريقه

ان يختار شريكة عمر وحياه لمجرد ان اهلها ناس طيبين و انها حلوه و ست بيت بشهاده الشهود

لا احد يعلم ماذا يخبئه النصيب لكنه دائما يستطيع ان يتمنى التوفيق من الله

دخلت شيرين الكليه ساهمه و سالتها منال صديقتها

منال : انتى مش طبيعيه النهارده يا شيرى

شيرين : ايوه انا قلقانه اوى امبارح جالى عريس

منال : مبروك و اللى يجيلها عريس تقلق دى تفرح

شيرين : ما هو انا ما حستش اى احساس بيه و خايفه اظلمه يعنى بس اعمل ايه

منال : يعنى هوه لازم يكون حب من اول نظره

شيرين : ما قصدش حب من اول نظره لكن ع الاقل ارتياح من اول نظره , وهو جاى
النهارده تانى .

منال : طيب اديله فرصه يمكن من تانى نظره .

شيرين : مش عارفه انا قلقانه و مش مبسوطه و صليت استخاره امبارح و يعنى
حاسه انى مش مرتاحه .

دخل الطلاب الى السكشن و كان عددهم قليل بعكس المحاضرات فتوفرت لحسام
الفرصه ان يراقبهم عن قرب
السعاده الممزوجه بالترقب و الطموح فى اعينهم و معها الفخر بالانتساب لكلية الصيدله

فى جامعة القاهره العريقه لقد كان حسام احدهم يوما ووفقه الله الى كل ما حلم به

و بدأ حسام الكلام مع الطلبه و تعريفهم بمادته و بعد دقائق سمع قرعا على الباب

و ظهرت فتاتان متاخرتان عن الميعاد

و احتار ماذا يفعل هل يؤنبهما ام يتركهما تدخلان ام ماذا يفعل

ياه احداهما فى غاية الرقه و تبدو مثل الاطفال فى وداعتها و الثانيه متنمره و تنظر له بتحدى

ووجد نفسه يقول : ايه اللى اخركم عن السكشن

شيرين : متاسفين يا دكتور ما كناش لاقيين المكان

منال : معلش توهان اعدادى بقه .

حسام : احنا حانهذر يا انسه اتفضلى بره انتى و هى .

ايه يا حسام ليييه لماذا طردتهما ده اول يوم , يعنى كل اللى كنت بتعترض عليه فى حياتك زمان فى
الدكاتره بتعمله انت دلوقت لا حول ولا قوة الا بالله

و زاد احساسه بالذنب احمرار عينى الفتاه الطفله و اوشكت على البكاء

كان يريد ان يتراجع لكن هيهات خلاص دبح القطه و عمل سبع رجاله فى بعض يرجع
ازاى ؟؟؟

خرجت البنتان فى هدوء و خلفتا له شعورا بالذنب لا يوصف

بعد انتهاء السكش بحث عنها بنظره فى كل مكان و لم يجد لها اثرا
كان يريد ان يصالحها لكن هيهات.........

شيرين : انا عمرى ما حد احرجنى كده ايه ده ليه كده هوه الناس دى ربنا لما بيديها سلطه ليه بس بتتجبر .

منال : انا مش عارفه و الله ايه الالاطه بتاعته دى هوه ما فيش حد غيره حلو و شيك .

شيرين : حلو و شيك ايه انتى كمان انا مش طايقاه و لا طايقه نفسى .

و عادت شيرين الى المنزل منهكه

ووجدت امها تذكرها بمقابلة المساء المرتقبه

يييه ماهى ناقصه اصلها

بصى يا مامى انا مش حاقابل حد اعتذرى له لو سمحت باى حاجه

الام : ازاى يا بنتى احنا حتى ما خدناش نمرته و بعدين الناس تقول علينا ايه

شيرين : انا مش مرتاحه للموضوع ده و لا للشخص نفسه و مش عايزه اعلقه بى

اكتر, يبقى من دلوقت احسن ارجوكى يا مامى ما تغصبيش على
.
.
.

انتظرونى فى الحلقه الجايه ياترى ايه هيحصل بين حسام وبين شرين ويارب دى تعجبكم

الحلقه الثالثه

طبعا كالعاده انتهى النقاش بينى وبين مامى النهايه الحتميه الاكيده طلعت هى اللى صح ...

وكانت وجهة نظرها انى لازم اديله فرصه و اقابله تانى و لو مره واحده بس عشان هو ما يتعييبش و دخله ممتاز

و وسيم وماما مش قادره تفهمنى الشراره ما انطلقتش بيننا

انا لما اشوف جوزى او اللى حايبقى جوزى حاعرفه من وسط مليون واحد ان شاء الله

حاعرفه لكن يبقى قاعد على كنبة الصالون و ما اقدرش اتعرف عليه يبقى اكيد مش هوه ده

وجاء محمد فى موعده و معه شنطة هديه كبيره نسبيا

و اعطاها لى يا عم ما تزودش احساسى بالذنب بقه انا عماله احاول مش نافع خااالص

و بعد الشاى و الجاتوه و المقدم اتكلم معايا عن عمل المرأه وانه ممكن ما يوافقش عليه

عشان انا حلوه اوى ( على حد قوله ) و حايخاف على حتى انى اخرج من بيته

مين يا عم هوه انا اعرفك وكمان عن الست والدته و فضلها عليه

و ان هى اللى قعدت تدور لحد ما لقتنى وشويه كلام مديح كان بيقطع فى عشان انا كنت حاسه
خلاص انى اتخنقت

الرسول عليه الصلاة و السلام قال : انظر اليها عسى ان يؤدم بينكما

و انا مش شايفه انى قادره اتواصل معاه و مخنوقه منه من غير سبب

و بعدين انا مصليه استخاره كذا مره من امبارح يعنى لو كان خير كان زمانى قابلاه

و انتهت المقابله وانا على قرارى لن اراه مره اخرى حرام اجازته صغيره

و انا بذلك اضيع عليه فرص اخرى ممكن ان تفوته

كمان هوه صعبان على لسبب ما انا مش عارفاه و خايفه

يحس انه فيه عيب او حاجه لكن الحقيقه هوه ما فيهوش عيب مجرد عدم ارتياح

و بس وبعد مانزل قلت لمامتى و لبابايا كمان ان خلاص ما فيش امل

و انا مش قادره اتواءم مع فكرة انى اقضى معاه عمرى كله

و مامى قالت لى خلاص يا بنتى لما يكلمونا تانى نبلغهم بصنعة لطافه كده و خلاص

دخلت الاروبه بنت اختى الصالون و فتحت كيس الهديه و طلعتها اتفرجى يا مامىىى

ايه يا بنتى ردت مامى شفتى محمد جايبلى ايه طقم شاور جل و كريم و صابونــــــــــــــاه

طب ليه كده ده انا حتى لسه مستحميه النهارده الصبح فكرك لاحظ اى حاجه يعنى هاهاهاا

و راحت أمى هى الاخرى فى نوبه من الضحك و هى لاتصدق هذه الهديه

صحيح انه ماركه معروفه و ممكن يكون غالى و متهرب كمان من السويس

بس دى هديه حتى ما يجيبهاش واحد لمراته اللى بقالها عشرين سنه على ذمته

و بعدها اتصلت طنط انعام و الده محمد لتسال عن امكانية حضورها

هى و ووالده و اعمامه و كده عشان يقرأوا الفاتحه و لم تصدق طنط انعام نفسها عندما علمت برايي و كان ابنها جوهره

و لا يمكن حد يرفضه وبعد محاولات مستميته للكلام معى

تمكنت امى الحبيبه من اقناعها بعدم جدوى المحاوله و عندما تاكدت طانطى انعام .

طلبت من ماما الهدايا يا نهار ابيض هدايا ؟؟

دى هى هدية واحده بس .

ردت طنط انعام و ما تنسيش الشكولاته

و لما سمعت كده قلت ده و الله يستاهل الصابونااااااااه سبحان المنجى من المهالك

انا كنت حاتجوز واحد عايز علبة الشوكولاته تانى و يا ريتها باتشى و لا باشنيل و لا حتى جواهر

ده كوفرتينا يعنى كان مصيرها ام سيد الشغاله تاخدها و قمت على طول

و صليت صلاة شكر عميق لله ياه فات

اسبوع على طردى من السكشن و كنت باتحاشى اقابل اللى اسمه

د/ حسام ده باى طريقه حتى لما كنت اشوفه

فى الكوريدور كنت باعمل مش واخده بالى كرامتى يا ناس

اتبعترتو كان السكشن ده عملى و تشريح كمان و دخلت السكشن

و لقيت الدكتور حسام باصصلى اوى ومركز معايا فيه ايه بس يا عم

ابعد عننا بقه ادينى جيت اول واحده اهه و ياريتنى ما جيت اول واحده

كان في ضفدعة متشرحة من السكشن اللي قبلنا

وفجاة قامت تنط وهي بطنها مفتوحة و حاجات طالعه من بطنها كتير

كده فجاه لقيت الاصوات كلها بتبعد وصوت وش جامد و الوان داخله فى بعضها

و قلت لنفسى استنى كده يا بت جايز ما تقعيش لكن للاسف تقريبا وقعت

أغمي علي..

و بعد فتره لا يعلمها الا الله لقيت نفسى فى غرفة المعيدين

بعيدا عن رائحة الفورمالين فى السكشن و داده من الكليه ماسكالى كباية ميه بسكر

واغرب منظر ما توقعتش اشوفه ابدا.................

د. حسام واقف قدامى مذهول و الدموع فى عينيه
.
.
.
ياترى ايه هيحصل بعد كده

حرااااااااااااااااام عليك هيما
مينفعش تقف عند الجزء ده
كنت عااااااوزة اعررررررف ايه حصصصصصصصصصصل
ناااااااااازل الحلقة الرابعة بسرعه هيما

لالالالالالالالالالالالالا

لازم تكمل يا هيما

حط باقى الحلقات

عايزة اعرف اية اللى هيحصل

[ندعوك للتسجيل في المنتدى أو التعريف بنفسك لمعاينة هذه الصورة]

ودى الحلقه الرابعه

النهارده رايح السكشن الصبح وانا بافكر فى طريقه اراضى بيها البنات اللى طردتهم المره اللى فاتت انشاله حتى اعيدلهم الشرح

لوحدهم و فجاه لقيت واحده منهم قدامى .

و فجاه لقيتها ماسكه دماغها وعماله تترنح و فى ثانيه وقبل ما تقع ع الارض كنت ساندها .

ايه الاحراج ده ....

الطلبه دخلو على لقونى ماسكها عشان ما تقعش و عمال انادى على الداده عشان اخدها بره بعيد عن الفورمالين

و مر وقت و انا باحاول ارش علي وشها كولونيا لحد ما بدات تفوق .

سبحان الله ملاك يا ربى

ايه ده يا عم حسام اجمد يا دى الاحراج فاقت وانا عمال ابحلق فيها ياخبر
ايه العينين دول ؟
دى عينيها زرقه رغم انها خمريه و شعرها اسود
ما شاء الله لا قوة الا بالله !!!!!

تقريبا كان شكلى اخر هبل لانها بمجرد ما شافت وشى قامت مفزوعه و لمت حاجتها و مشيت من غير و لا كلمه

طيب بالنسبه للشخص اللى شال و تعب ده ما فيش اى شكرا.............
لا حول ولا قوة الا بالله !!!!

منال : حمدلله على سلامتك يا شيرى ايه اللى حصل يا بنتى
شيرين : انا اخر حاجه شفتها ضفدعه بتنط و كل حاجه واقعه منها و بعد كده ما درتش
منال : الا و دكتور هيركليز شايلك

شيرين : ياخبر معقول ... شالنى يا دى الفضايح

منال : مش شالك اوى يعنى هوه سند سعادتك كده و لما دخلو الطلبه كان حيرميكى من كسفته تانى فى الارض لولا انا
و البنات سندناكى

شيرين : ده انا قليلة الذوق اوى انا حتى ما شكرتوش

كل اللى عملته لما شفته قدامى انى قمت جريت

منال : انت حاتفضلى طول عمرك قفل كده

شيرين : المره الجايه لما اشوفه حاشكره ان شاء الله

و خطت شيرين نحو سيارتها لكن كانت هناك عينان تتابعها من فوق

حسام : دى راكبه بى ام . دى بنت مين فى مصر دى

د.اشرف : دى يا سيدى بنت هشام الحديدى رجل اعمال و صاحب شركات

حسام : و انت عرفت منين يا اشرف

اشرف : مانا اعرف جوز اختها الكبيره معرفه شخصيه هوه كمان والده صاحب شركة ادويه و كنت ناوى اشتغل معاه قبل ما اتعين معيد فى الجامعه بس ايه عيله سقع و ابوها مش مخلى حد من بناته عايز حاجه

و فى طريق عوده حسام فى المنزل لم يستطع منع نفسه من التفكير فى شيرين التى كان قد عرف اسمها اخيرا

يعنى ابوها مليونير و جوز اختها صاحب شركات و انت تيجى ايه يا صعلوك عشان تفكر فيها

الله يرحمه ابوك كان موظف على قده و لولا انه سابلك العربيه دى اللى جابها بعد معاناه كنت زمانك راكب الاتوبيس زى غيرك و ما كانش حيلتك غير شطارتك و بس

و لولا مامتك و تشجيعها ليك طول عمرك كان زمانك ولا حاجه , دى فاكره ان العرايس حاتتحدف عليك عشان الشهاده و الشقه الايجار القديم بتاعتك

يعنى معقوله واحده زى شيرين دى ترضى تقعد مع امى فى شقتنا ...

ايه الكلام ده يا حسام انت زى ما يكون اتقدمتلها خلاص و فاضل موضوع الشقه ؟؟!!! اهدا كده الله يهديك

و فى اليوم التالى ذهبت شيرين لمقابله حسام فى مكتبه و هى تقدم رجلا و تؤخر الاخرى من الخجل

نظر اليها حين دخلت الغرفه و رفرف قلبه من السعاده ثم لاول مره بدا يلاحظ ملابسها و حذاءها المتناغم مع الحقيبه الجلديه و عطرها الرائع و النظاره الشمسيه التى تجمع بها شعرها من الامام
وللعجب تضايق........

احس انها اقوى بغناها ومركز والدها

شيرين : صباح الخير يا دكتور حسام

حسام : صباح النور اى خدمه

شيرين : بس انا اسفه انا مشيت من غير ما اشكر حضرتك و البنات قالولى .....ا

رد حسام باقتضاب دون ان يرفع عينيه عن اوراقه : العفو ما فيش حاجه

شيرين : انا بس قلت واجب اشكر حضرتك و حامشى مش حاعطلك عن اذنك

وهمت ان تستدير لتمشى

فقام من مكتبه قائلا:
انسه شيرين انا برضه عايز اعتذر عن يوم ما طردتك من السكشن و لو عزتى اشرحلك اللى فاتك ممكن

شيرين مبتسمه : يا ريت احسن حقيقى مش فاهمه حاجه فى الاناتومى بسبب السكشن اللى ما حضرتوش ده

حسام : خلاص بكره انا ما عنديش سكاشن ممكن تيجى الساعه اتناشر لو فاضيه اشرحهولك

شيرين : اوكى اتناشر مناسب اوى و لو ممكن منال تيجى معايا

رد عليها من تحت اسنانه : اه طبعا امال ايه تتفض
و بعد قليل فى الكليه....

شيرين : انا اتفقت مع د. حسام بكره يشرحلنا السكشن اللى فاتنا

منال : ايوه يا عم ماشى يا ستى

شيرين : انتى مش حاتيجى معايا و اللا ايييه

منال : طبعا لاه انا ما حبش اكون عزول ابدا و بعدين خالد بكره حاييجى مخصوص يقابلنى

عشان هوه ماعندوش حاجه بكره اكسفه يعنى ؟؟

شيرين : انا مش مرتاحه لخالد ده يا منال نظراته كده مش عاجبانى ابدا

منال : يا بنتى كل الشباب بتبص سيبك انتى ده دمه خفيف اوى

شيرين : ربنا يستر بس احنا جايين نتعلم مش نستخف دمنا و ده عايد السنه انا خايفه ياثر عليكى انت طول عمرك شاطره

منال : و حافضل شاطره برضه ياستى ساعه لقلبك بقه و بعدين مانتى كمان رايحه اهه تقعدى مع الجو

شيرين : من فضلك يا منال انتى صاحبتى بس بلاش الكلام ده احسن و الله ما تكلمش معاك

منال : بس بس انت اتحمقت و وشك احمر ليه كده خلاص يا ستى انا باهذر معاكى

و فى اليوم التالى

وجدت شيرين نفسها تستهلك وقتا طويلا فى الوقوف امام المراه اكثر مما تعودت و تنتقى ملابسها بعنايه

اشد من كل يوم لكنها لم تثقل من الماكياج اذ لم تكن بحاجه اليه

انها جميله و هى تعلم ذلك لكنها ابدا لم تكن مغروه بهذا الجمال

و ذهبت للمكتب قبل ميعادها بدقائق و انتظرت بالخارج و اثناء انتظارها لفت انتباهها دخول فتاه من دفعة السنه النهائيه كانت رأتها سابقا ، دفعها الفضول لتنظر من الباب

ازيااااك يا حس

فوجئت بها تسلم بحراره على حسام و هو يبادلها السلام بقلق وينظر حوله كانه يخاف ان يراه احد

فى طريق العوده للمنزل لم تستطع شيرين التوقف عن التفكير فى حسام
هوه انا بحب حسام و اللا ايه ؟؟

ايه اللى ضايقنى اوى لما لقيت واحده بتسلم عليه

و بتدلعه وتقوله يا حس انا مالى اساسا
طب هوه كمان كان مكسوف اوى و متضايق ليه انى شفتها معاه ؟

نكمل بقى ان شاء الله الحلقة الجاية
انتظرو الباقى ويارب الحلقه دى تعجبكم

طب يعني ابات هنا ولا اعمل ايه
كل مرة تقف عند جزء مهم
كده مش في مصلحتك
متنساااااااااش اني مديرة البيت ده
كككككككككمل يا هيمااااااااااا

كمل يا هيما يلا

عايزة اعرف شرين هتعمل اية

يارب تضربة

ابو عين زيغة دا

ولا شكلى انا اللى هضربك عشان مش بتكمل

حطها كلها وخلاص

قصة جميلة اووووى

[ندعوك للتسجيل في المنتدى أو التعريف بنفسك لمعاينة هذه الصورة]

الحلقه الخامسه

شرين
ايه اللى ضايقنى اوى لما لقيت واحده بتسلم عليه
و بتدلعه وتقوله يا حس انا مالى اساسا

طب هوه كمان كان مكسوف اوى و متضايق ليه انى شفتها معاه ؟؟

ايه يا شيرين تكونشى هى دى الكهرباء

انا بس بطنى بتوجعنى كل ما اكون رايحه اشوفه!!

هوه الحب بييجى فى البطن و اللا ايه ؟

بس بافرح لما باشوفه اوى

والحمد لله ان البنت دى كانت مجرد زميلته فى الدفعه سنتين قبل ما تخيب و تسقط و شكله مش طايقها كمان بس ليه هوه كان مهتم اوى يقولى انها مجرد زميله هوه بان على انى انا غيرانه و اللا ايه

بس الحمد لله ما فهمتش اى حاجه فى الاناتومى برضه

يمكن اضطر بقه اخد درس عنده و خلاص

بس هوه بيشرح حلو حسيت كده يعنى من
اخلاصه بس انا كنت مشغوله بيه هوه ايديه .......زى الفنان الراجل فعلا بيبان من ايديه

و عينيه ..........ليه لما بيبصلى مش بحس انه بيبص على زى كل الناس

لا بحس انه بيبص جوايا و ما بقاش قادره احول نظرى عنه و لا حتى قادره ابص له

يمكن هوه ده الحب اللى طول عمرى اسمع عنه من غير ما اجربه........

حسام مش ممكن الزفته اللى اسمها هند دى ... انا مش مصدقها حقيقى يعنى

انا مشفتهاش من سنه تيجى كده زى القضا فى نفس معاد شيرين

هوه انا بحب شيرين و اللا ايه , ليه كنت خايف اوى تشوف هند عندى.....

بس هى بتغير و اللا ايه ؟ لا ما عتقدش دى بس ممكن تضايق عشان اديتها معاد و لقتنى مشغول

انا حاسس انى ما عرفتش اشرح لها و لا كلمه ,متلخبط و كل ما ابص لعينيها الاقى حاجه تشدنى و اتلخبط زياده و اتوتر ليه
ممكن يكون ده حب ؟؟

طب وهند كانت ايه ؟ لا يا حسام عمرك ما حبتها

هى طول عمرها بتفرض نفسها عليك و انت
عمرك ما حسيت بيها
دخلت شيرين الى المنزل هائمه و قبلت امها ثم رن جرس الهاتف

منال : ايه الاخبار يا شيرى؟

شيرين : كنتي فين يا منال طول النهار انت مش قلتى خالد جايلك الكليه النهارده ؟

منال : لا مانا خرجت انا هوه شويه بره الكليه ناكل ايس كريم

شيرين : خرجتي معاه ؟ فى عربيته ؟؟

منال : ايوه و فيها ايه مش زميلى

شيرين : بصى يا منال احنا طول عمرنا كنا فى المدرسة مع بعض لكن ده مش معناه ان اول مانشوف الولاد نتهبل و ننسى نفسنا افرضى باباكى او حد من اخواتك شافك

منال : هاها من نعم ربنا علينا ان القاهره
واسعاااه ما تخافيش انتى بس ده احنا ما قعدناش ساعتين على بعض

شيرين : انا خايفه عليكى يا منال هما الساعتين دول شويه يعنى ربنا يسترها

منال : المهم انتى عملتى ايه النهارده مع حسام شرحلك السكشن ؟

شيرين: ايوه و ما فهمتش حاجه دى ماده صعبه اوى ماتيجى ناخد درس

منال : اه طبعا ماناخدش ليه بكره اروحله المكتب و اطلب منه يدينا درس

شيرين : صحيح يا منال ؟ وناخده عندى فى البيت ايه رايك

منال : طبعا يا ست هانم ما طول عمرنا بناخد عندكم يعنى حناخد فين يعنىّ!!

و فى اليوم التالى ذهبت منال لمكتب حسام

منال : صباح الخير يا دكتور

حسام : صباح النور يا انسه

منال : و الله انا كنت بس عايزه اتفق مع حضرتك على درس عشان احنا مستصعبين الماده شويه و طلبات حضرتك اوامر

حسام : انا مش بادى دروس يا انسه شوفى حد تانى فى القسم

منال : لييه بس يا دكتور ده حضرتك اللى بتدرسلنا فى السكشن و احسن ناخد عندك عشان يبقى الكلام واحد و بعدين ده شيرين حاتزعل اوى اوى

حسام و قد لمعت عيناه : شيرين ؟؟

منال : ايوه مانا وهى حاناخد مع بعض عندها فى البيت لو ما عندكش مانع

حسام : وهى ما جتش معاكى ليه؟

منال : اصلها تعبانه النهارده و ما جتش مامتها قلقت عليها من ساعة ما اغمى عليها و خدتها للدكتور النهارده

حسام : الف سلامه عليها خلاص نبدا الاسبوع الجاى يوم السبت ان شاء الله ممكن العنوان

منال : ثوانى و اكتبه لحضرتك هوه و التليفون عشان لو فيه اى تغيير . و شكرا يا دكتور الف شكر

ثم على الموبايل
منال : تمام يا فندم السبت الجاى ان شاء الله حايكون عندك فى البيت

شيرين : وافق بسهوله كده

منال : لا مش بسهوله وافق لما عرف ان حضرتك حتاخدى معايا مش قلت لك فيه حاجه و النبى يا ريت ده الواد زى القمر يا شيرين طول بعرض و بنات الكليه كلها حاتتجنن عليه و على عنيه الواسعين دول!!

شيرين : و بعدين بقه يا منال فى الكلام ده باى باى بقه اشوفك بكره

صح هوه زى القمر و طول بعرض و حنين اوى ده عيط عشانى , لا و صوته , من الاخر انا باين كده بحبه
عمرى ما حسيت بحد الاحساس ده!!يبقى اكيد ده هوه الحب

معقول حاشوف شيرين يوم السبت فى بيتها ! وحاديها درس كل سبت ؟

انا مش عارف البنت دى عملتلى ايه ؟

ده انا رفضت اى درس جالى قبل كده اشمعنى ده عشان شيرين , انا باين بحب شيرين
لا مش باين انا اكيد بحب شيرين
ممكن اكلمها فى التليفون......
بس اكلمها اقولها ايه ؟
مش مهم انا حاكلمها و خلاص

حسام : الو انا دكتور حسام بادرس للانسه شيرين فى الجامعه اقدر اكلمها

الشغاله : لحظه يا فندم اندهلها .....
انسه شيرين د. حسام عايز حضرتك

شيرين : بتقولى مين .........................؟
.
.

كفاية كدة النهاردة ونكمل الحلقة الجاية
انتظرونى فى الحلقه الجايه ان شاء الرحمن

يوووووووووووووووة

عايزة اعرف هيقولها اية

والله والله والله يلا حط الباقى

يا ترى هيغترف انة بيحبها

هيقولها اية انا عايزة اعرررررررف

هيما حطها كلها

بجد حلوة اوى

حطها احسن اعيط

اهئ اهئ اهئ

[ندعوك للتسجيل في المنتدى أو التعريف بنفسك لمعاينة هذه الصورة]

يعني اعمل فيييييييييييييك اييييييييييييه
والله حرررررررررررام
اعيط يعني وارمي نفسي على البلاط
ولا اعمل ايه
شوفيلك حل مع هيما يا حناااان
كمل يا هيما عاوزة
اعرف هيقولها ايييييييييه

الحلقه السادسـة

شيرين : الو

حسام : ايوه يا انسه شيرين ازيك

شيرين : الحمد لله ( بصوت مبحوح )

حسام : انا بس كنت عايز ...... عايز اغير الميعاد بتاع الدرس و الانسه منال سابت نمرتك معايا انا اسف لو كان فيه ازعاج

شيرين : لا ازعاج مفيش اصدى مافيش ازعاج و لا حاجه يا دكتور , هوه فيه مشكله فى يوم السبت

حسام : ايوه حاقابل الدكتور المشرف على رسالتى عشان كده يعنى لو نخليها الجمعه يكون احسن

شيرين : مافيش مانع يا دكتور زى ما تحب

حسام : الساعه سته كويس

شيرين : كويس خالص حاستنى حضرتك..... قصدى حانستنى حضرتك

حسام : طيب انتى صحتك عامله ايه عشان الانسه منال قالت انك كنتى عند الدكتور

شيرين : انا الحمد لله بس مامى هى اللى قلقانه على اوى عشان كده الدكتور طلب تحاليل و اشعات و انا حاعملها ان شاء الله

حسام بحنان بالغ : خللى بالك من نفسك يا شيرين

شيرين : هه..........

حسام : قصدى يا دكتوره شيرين قدامك مذاكره و شغل ولازم تخلى بالك من صحتك مع السلامه

شيرين هائمه : مع السلامه يا دكتور حسام
يخربيت كده.........

قاللى يا شيرين و انا تنحت زى الهبله ليه كده

ماهو كمان برضه صوته و طريقته و هو بيطلب منى اخلى
بالى من نفسى........

ده انا كان حايغمى على تانى.......... لا اكيد ده الحب امال ده ايه يعنى
اشتغاله ؟؟؟

وعلى الجانب الاخر
حسام

يعنى اعمل ايه فى نفسى يعنى

خليك كده متآمر واهبل و مفضوح كمان زمانها حست

حست بايه ، بص بقه خلاص ما عادش نافع انا بحب البنت دى

بمجرد ما سمعت صوتها نبضى زاد و عرقت و بقت حالتى حاله

بس البنت دى بتحبنى برضه.............تلاته بالله العظيم بتحبنى , ده

صوتها كان طالع بالعافيه , وبعدين ايه صوتها ده ؟ هوه فيه كده

انت وقعت يا حسام و ماحدش سمى عليك

و قبل الميعاد بساعات كانت

شيرين لاول مره تشرف على نظافة غرفة المكتب بنفسها و تنسق الزهور

جاءت امها و هى منهمكه وسالتها : ايه يا شيرين انتى عامله عيد ميلاد و لا درس يا بنتى

شيرين : معلش يا مامى اصل ده استاذ جامعه يعنى مش مدرس ابتدائى برضه لازم نحسسه بوضعه

الام : هوه شكله ايه دكتور حسام ده و عنده كام سنه ؟

شيرين : قمر يامامى ، يعنى طويل و كتافه عريضه كده و عينيه عسلى و واسعه و شيك و...........

تنبهت شيرين الى ان امها تنظر اليها و تهز راسها و ابتسامتها اخذه فى الاتساع

الام : طيب خلاص يا ام سيد طلعى طقم الجاتوه من البوفيه

شيرين : مانا طلعته يا مامتى خلاص بعد اذن حضرتك يعنى هى هى

الام : اما نشوف ايه الدرس الفول اوبشن ده ؟ و منال ما جتش ليه لحد دلوقت ؟

شيرين : فكرتينى صحيح حاتصل بيها

و بعد دقائق

منال : انتى بنت حلال لسه كنت حاطلبك

شيرين : ايه يا نونى اتاخرتى اوى

منال : بصى انا مش جايه النهارده معلش اصلى كنت مديه المعاد ده لخالد من قبل ما يغير حسام المعاد و النبى اوعى ماما تتصل و تقولى انى ما جتش الحصه انتى عارفاهم عندنا فى البيت

شيرين :لا يا منال انا تصرفاتك كلها مش عاجبانى لو ما جيتيش دلوقت حالا حاكلم مامتك و اقولها هه

منال : هاها انا عارفه انك جدعه و ما تعمليش كده عشان خاطرى المره دى بس اصلنا رايحين سينما و حجزنا خلاص التذاكر و حياتى يا شيرى و حياتى

شيرين : بصى يا منال انا مش حاكذب لا عشانك و لا عشان اى حد لو مامتك سالت حاقولها منال مش هنا

منال : هى مش حتسال هى فاضيه زمانها بتذاكر لاخواتى و محتاسه فى الطبيخ انت بس ما تتبرعيش و تسالى على و كله حايبقى تمام سلام يا قمر

يا نهار ابيض ده انا مش واخده بالى من حاجه مهمه اوى

كده حابقى انا و حسام لوحدنا..........

دخل حسام المنزل و فتحت له شيرين بنفسها الباب و سلمت عليه بايماءه من راسها ثم

اصطحبته الى غرفة المكتب

فى اثناء دخوله كان حسام يفكر ايه الذوق العالى ده , البيت رائع

, ما تحسش انه بيت مليونير زى

قد ما تحس انه بيت فنان رقيق كل حاجه فيه رقيقه و بسيطه وجميله

يا رب يا اشرف تطلع بطيخه و مش عارف حاجه و تطلع شيرين بنت تسعه زينا كده

شيرين : منال بتعتذر يا دكتور عشان تعبانه شويه لكن حاتيجى المره الجايه ان شاء الله

حسام : كده طب الحمد ..... قصدى سلامتها

شيرين : تحب تشرب ايه؟

و قبل ان يكمل حسام دخلت الشغاله تحمل صينيه عليها

عصير فواكه و شاى و نسكافيه و كل انواع المشروبات الممكنه......كتوصية شيرين

حسام : حاخد عصير بس شكرا

و دخلت والدة شيرين : اهلا يا دكتور بحضرتك ارجو ان ما نكونشى تاعبينك معانا

هم حسام واقفا : لا يا افندم و لا تعب و لا حاجه

الام : طيب اتفضلو انا حامشى انا بس كنت عايزه اتعرف على حضرتك

حسام : حصلنا الشرف يا فندم

جرى ايه يا واد يا حسام دى صاحبتها مش هنا و جابت لك امها ايه ده ايه ده

باين عليه فخ جامد فخ ايه انت راخر فاكر نفسك لقيه شايف مامتها عامله ازاى

و لابسه ايه انت تطول و النبى تتلهى.......

وحاول حسام الشرح....

حاولت شيرين أن تفهم حتى قالت له: انا تعبت يا دكتور انت كنت

بتذاكر الحاجات دى لوحدك ده موضوع صعب اوى

حسام : اصل انا بحب الموضوع و غاوى مذاكره حتى و انا صغير كنت باجب المجلات العلميه و النشرات حتى ما كنتش بافهمها كلها لكن بعد كده عرفت قيمة الاطلاع

حسام : معلش عندى سؤال

شيرين : اتفضل

حسام : ايه اللى دخلك جامعة القاهره رغم انك ما شاء الله يعنى تقدرى تخشى اى جامعه خاصه و يكون العدد اقل و كل حاجه اسهل بالنسبه لك

شيرين : عدة اسباب اولها انى مش عايزه حد يقول انى داخله صيدله بفلوس بابى لأنى فعلا الحمد لله جايبه مجموع عالى و ثانيا عشان اعز اصحابى دخلو صيدلة القاهره و كنت عايزه ابقى معاهم و ثالثا عشان قريبه من البيت و مامى بتخاف على من السواقه فى طرق الجامعات الجديده اللى كلها خارج القاهره ....... و عشان انا لسه مش عندى رخصه اصلا هاها

حسام : امال سايقه ازاى؟

شيرين : انا حاكمل 18 سنه بعد ثلاث شهور ساعتها بقه اطلع رخصه و اجيب عربيه انشاء الله لكن دلوقت انا باستعبط و اخد عربية مامى عشان هى نادرا ما بتخرج الصبح

و سرح حسام الحمد لله طلعت

ال( بى ام ) بتاعة مامتها ان شاء الله يجيبولها (128) زييى يارب

ايه الحقد ده يا حسام ...

و فجاه و انا شيرين بنتكلم

دخل والدها

راجل شكله طيب جدا لكن كان زعلان

شيرين : اهلا يا بابى

الوالد : اهلا يا شيرين اهلا دكتور حسام نورتنا

حسام : سعيد بمعرفة سعادتك يا فندم

و خرج الوالد فورا و بعدها بثوانى خرج حسام و نادى الاب على شيرين.........

الاب : ايه يا شيرين ده ازاى تقعدى انتى و شاب لوحدك فى اوضه كده مقفوله ثلاث ساعات ما قعدتوش فى الريسبشن ليه انت فاكره نفسك لسه فى ابتدائى و دى الميس بتاعتك

ايه اللى بابى قاله ده ؟

اول مره يكلمنى فى حاجه زى دى ؟؟

هوه انا باين على اوى كده ان بطنى واجعانى ,

اصدى انى بحب حسام ؟؟
.
.
.
.

ووووووونكمل الحلقة الجاية ان شاء الله

انتحر منك
واخلص
بلالالالالالالالالالالالالاش بخل
ونزززززل حلقتين ثلاثة كده
وراااا بعض
وانا اديك وسام جديد
منا المديرة ياله كوسة بقا
كملها ونبي بسرعه
لأني خايفة عليك حناااان مش مضمونه
وممكن تبعت حد يغتالك
انت عارف متهورة وتعملها

فرحتى يا فرحتى

اسحبى منة وسام

ونزلية درجة

عشان يحط الحلقات كلها

بس منال مجتش فى وقتها

واكيد الحج ابو شرين هيعزبها

بلاش بخل والله يا هيما

طيب بلاش كلها بس حط حلقتين

ولا اجى عندكم اخد الحلقات وامشى

واروح لفرحتى ونتفرج برحتنا

فرحتى مش هنطلعة من السجن غير لما يخلص كل الحلقات

بجد قصة مشوقة جدااااااااا

[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههه
حاضر علشان خاطر عيون اختى فرحه وحنان هنزل حلقتين المره دى
بس على فكره القصه لسه فيها احداث كتير ولسه هتبقى مشوقه اكتر واكتر تابعوها بس وانا متاكد انها هتعجبكم جدا جدا

الحلقه السابعه

ايه اللى بابى قاله ده ؟

اول مره يكلمنى فى حاجه زى دى ؟؟

هوه انا باين على اوى كده ان بطنى واجعانى

اصدى انى بحب حسام ؟؟

و بعدين بابى قال كلمته و مضى ..

حتى ما استناش اقول اى حاجه و لا ادافع عن نفسى!

ادافع ؟ هوه انا حاسه بالذنب ليه كده ؟ اول مره بابى يزعقلى على حاجه و ما عيطش

ده لما كان يبص لى بصه كده مش اللى هيه كنت باعيط علطول

ايوه انا حاسه بالذنب حسام مش استاذ زى اى استاذ

ده انا حتى مش فاهمه حاجه فى الاناتومى برضه رغم انى جايبه 99% فى الثانويه العامه

انا الظاهر هاحول تجاره باين ولا ايه ؟ لا لا و حسام اسيبه و امشى ؟؟

و دخلت شيرين غرفتها بين افكارها و فتحت الراديو لانها من عادتها ان تتخذ فالا من اول ما تسمعه من الاغانى
فسمعت:
"قبلك قلبى كان شجره بلا عصافير

جنه بلا الوان فراشه ما فيها تطير

غيرت الزمان بدلت البرد بدفا..........".
.
.
.

قولى يا ست اليسا قولى و سمعينى
.
.
وفى ذات الوقت كان حسام فى طريق عودته للمنزل يفكر كيف يخبر شيرين بحبه

انه يحبها و يتمنى لو كانت من طبقه اقرب له حتى يرتبط بها

انه يعلم تفكير غيره من الشباب قد يفضل ان يتزوج من تعلوه مقاما و مالا لكى ترفعه للاعلى

لكنه لم يكن يحلم غير بشيرين , و يتمنى ان يحقق لها هو كل احلامها لا العكس

و قد ضحكت له اليوم مرتين

و فتح حسام الراديو ليتشاغل عن افكاره فسمع:

"ضحكت يعنى قلبها مال و خلاص الفرق ما بيننا اتشال

ياللا يا قلبى روحلها ياللا قولها كل اللى بيتقال"
.

.

.

قول يا عم عمرو يا كنج قول كمان..........
.
.
.

و على جانب اخر تماما كانت منال عائده الى

منزلها متاخره , لم تسالها امها اين كنت فقد كانت مشغوله بالجرى وراء اخاها

الصغير بطبق الملوخيه و الرز الذى بدا فيه منذ الظهيره و لم ينهه

كذلك ابوها دفن وجهه فى جريدته مشغولا بحل الكلمات المتقاطعه و رد عليها السلام ببرود

دخلت غرفتها ووجدت اختها الصغيره تحتل معظم السرير فعدلت وضعها و نامت بملابسها عليه

و اخذت تفكر فيما دار بينها و بين خالد اليوم لماذا يفترض كل شاب ان من حقه ان يقبل الفتاه

حتى قبل ان يبلغها بحبه , ولماذا يغضب اذا رفضت ؟

لماذا يعتبر موافقتها على الخروج معه موافقه

على كل ما قد يفعله خلال ذلك

انها لم تجرب الحب من قبل و لم ترتبط و حتى الان هى غير متاكده انها تحبه

لكنه فرض اسلوبه و شخصيته عليها بطريقه اخافتها ..

انها لا تريد التفريط فى اى من مبادئها , و لكن هل شرط الارتباط الان هو ان

تستباح كلها لمن ترتبط به

و لماذا سخر منها عندما قالت انها لن تقبل الا

زوجها حين تتزوج ؟

و لماذا اعادها و تركها غاضبا فى الشارع قرب منزلها و بدون كلمه واحده

فليذهب للجحيم لن تتنازل عن مبادئها من اجله

لكن ... خالد اول شخص يجعلها تحس انها متفرده

و انها مرغوبه و ان هناك من يمكن ان يعجب بها و يحبها

هى ليست قبيحه و لكن كذلك ليست فى منتهى الجمال مثل شيرين مثلا

وليست فقيره و لكن ايضا ليست فى منتهى الغنى

انها متوسطه فى كل شىء الا شىء واحد

ذكاءها كانت طول عمرها من المتفوقات و اجتهدت حتى دخلت كلية الصيدله

و هى تتمنى ان تتفوق فيها ايضا لكن منذ دخل خالد عالمها جعلها تهمل دراستها

وتركز بدلا منها فى ما يحبه هو و ما يفضله هو انها حائره حائره

و لا تجد من تكلمه..............

و فى النهايه اتصلت بشيرين

منال بصوت مختنق : ايوه يا شيرين

كادت شيرين ان تعنفها لكن حينما لاحظت اختناق صوتها عدلت عن ذلك

شيرين : ايوه يا منال مال صوتك ؟ انت روحتى ؟

منال : انا تعبانه اوى يا شيرين و مش لاقيه حد اتكلم معاه غيرك ارجو ما اكونشى ازعجتك

شيرين : لا طبعا يا حبيبتى خير يا منال انا قلقت ايه اللى حصل حد شافك

منال بمراره : هوه انا لى حد عشان يشوفنى ؟ انا بس متضايقه من نفسى

عشان كذبت على ماما و بابا و خرجت مع خالد

شيرين : الحمد لله . احسن حاجه يا نونى انك حسيتى الاحساس ده , و بعد

كده انا متاكده انك مش حاتعمليها تانى

منال : بس انا باكون سعيده مع خالد اوى يا شيرين لكن مش قادره اجاريه فى كل حاجه

شيرين : يعنى ايه تجاريه ؟ ايه الكلام ده يا منال ؟ بس انتى اصلا لما خرجتى

معاه من ورا اهلك اديتيله فرصه يفكر فيكى انك سهله

منال : بس انتى عارفانى يا شيري

شيرين : بس هوه لا . هوه ما يعرفش غير ان سعادتك بعد اسبوعين من

معرفتكم خرجتى معاه بكل سهوله

منال : طيب اعمل ايه مانا لو ما خرجتش معاه حايقول على معقده و حايقطع

علاقته بى و هى العلاقه بين اتنين ايه غير انهم يتقابلو

شيرين : هى دى العلاقه ؟ و بعدين يعنى ايه علاقه انا مش فاهمه ؟ فيه حاجه
اسمها حب مشاعر دى ممكن نخاف عليها تضيع لكن علاقه ما تضيع فى داهيه

منال : انتى بتكلمينى ليه كده انا مكلماكى عشان تساعدينى و تريحينى تقومى تتعبينى اكتر

شيرين : نناه كانت بتقول يا بخت من بكانى وبكى على و لا ضحكنى و ضحك الناس عليه

فوقى يا منال انتى اتغيرتى من ساعة ما دخلنا الجامعه حتى اسلوبك و طريقتك

و لبسك و كل حاجه اتغيرت مع ان احلى حاجه فيكى كانت طبيعتك منال على

طبيعتها مش الماكياج التقيل و اللبس الضيق و الحاجات دى......

منال : عندك حق احسن حاجه اقطع علاقتى معاه خالص , و انا اصلا مش

مرتبطه بيه للدرجه يعنى بس الواحد له كرامته برضه

و مر يومين قبل ان ترى شيرين منال مره اخرى أو حتى تسمع صوتها فى التليفون

و فى الكليه

ذهلت شيرين من منظر منال و هى تجلس بجوار خالد على كرسى واحد فى

منظر استوقف معظم الطلبه ............و نظرت

لها نظره قويه و بادلتها منال النظر

و لم يطرف لها جفن

و ذهبت لها و نادتها : منال من فضلك عاوزاكى دلوقت .........
.
.
.

انتظرونى فى الحلقه اللى جايه......ونشوف اية الى هيحصل

الحلقة الثامنة

نظرت منال لشيرين بدون اهتمام لكن شيئا ما فى عينى شيرين جعلها تستجيب و تقوم للرد عليها

و هى تحكم انزال البادى الضيق على ظهرها الذى ظهر جزء منه

شيرين : دى طريقه تقعدى بيها يا منال انتى و الزفت ده على كرسى واحد ازاى كده ؟

انت تقريبا قاعده على حجره ايه ده اتجننتى انت و اللا ايه ؟؟

منال : ايه يعنى انتى مش شايفه البنات كلها قاعده ازاى ما لقيناش كراسى نعمل ايه يعنى ؟

و بعدين يعنى انتى بوليس الاخلاق و اللا ايه ما تهدى شويه كده وما سمحلكيش تقولى عليه زفت .

شيرين : ايه اللى غيرك كده يا منال ؟

انا مش مصدقه ان خالد ده تاثيره عليكى للدرجه دى ! و بعدين ايه اللبس المنيل ده اللى انتى

لابساه ظهرك باين و كل تفاصيل جسمك انت فاكره انك عشان لبستى حاجه على راسك بقيتى

محجبه خلاص. الحجاب ده له احترامه و قدسيته ، مش كده منظر و خلاص

منال : شوف مين بينصحك اساسا لما تبقى تلبسى حجاب الاول تبقى تتكلمى

شيرين : ايوه صح انا مش مغطيه شعرى لكن لابسه هدوم بعيده عن جسمى و مش مفصلاه

زيك كده و بعدين ده مش موضوعنا دلوقتى موضوعنا انتى يا منال انا خايفه عليكى

اوى اوى

منال : شكرا يا شيرين و الله بس انا خلاص مش محتاجه وصايه من حد و بالنسبه لعلاقتنا احنا

برضه حانفضل صحاب لكن ارجوكى تحترمى علاقتى بخالد

شيرين : مش لما انت ولا هوه تحترموها الاول ، يعنى هوه قاعد حاطط ايده على كتفك و انتى

ماسكه ايده التانيه و الناس كلها شايفاكم ممكن توصفى العلاقه دى ايه يعنى خطوبه زماله

صداقه ايه بالضبط

منال : حب ؟ّ؟

شيرين : انا اسفه جدا الحب ده مش علاقه الحب ده شعور يعنى ممكن يؤدى لعلاقه و العلاقه دى

ممكن تكون مشروعه او غير كده ارجوكى يا منال فكرى و راجعى نفسك قبل اى تصرف

عشان انا واضح انى ما عادش لي اى خاطرعندك عشان تسمعى كلامى

قالت شيرين كلمتها و انصرفت حانقه و وجدت قدماها تقودانها

الى الدور الذى يقع فيه مكتب حسام و باى حجه دخلت اليه وهى تساله عن تقرير معين

مطلوب منها فى ماده غير مادته

حسام و قد فرح برؤيتها : بصى انا عندى ليكي ويب سايت على النت ممكن تلاقى فيه كل حاجه

عن الموضوع ده و تنزلى منه اللى انتى عايزاه

شيرين : صحيح يا دكتور طب ممكن تدينى اللينك ده

حسام : هو مش معايا دلوقتى بصراحه اصل هوه فرع من جوه موضوع كبيرعشان كده عايز

ابعت لك لينك الصفحه بالضبط لو ما عندكيش مانع ممكن تدينى الايميل بتاعك ابعتهولك عليه

لو تحبى يعنى ؟

شيرين : اوكى حاكتب لحضرتك الميل بتاعى

و قامت شيرين بكتابة الايميل على ورقه صغيره و اعطتها لحسام الذى قبض عليها و قام

بوضعها فى جيبه على الفور ثم نظر الى عينيها و سرح كعادته و حاولت هى الهروب بعينيها

كعادتها و لم تستطع حتى جاء زميله فى الغرفه د.اشرف و لما راى شيرين :

اهلااان انسه شيرين ازيك و ازى الدكتور خالد

شيرين : هوه بخير الحمد لله ازى حضرتك يا دكتور اشرف

اشرف : الحمد لله انا بخير بس كنت منتظر يعنى انك لما تعوزى مساعده تجيلى ده انا متوصى

عليكى من خالد توصيه جامده

شيرين : متشكره يا دكتور اشرف و الله بس انا كان عندى سؤال و الدكتور حسام جاوبه خلاص

شكرا لحضرتك الف شكر

لا تعرف لماذا كانت تستثقل اشرف هذا ، لقد لمح لها ابيه خالد زوج اختها قبل ذلك انه يسال

عنها و يبدو كانه يريد خطبتها ،لكنها ابدت رفضا من البدايه انها لا ترتاح له على الاطلاق

وتراه نموذجا للانسان الوصولى ده قعد ورا خالد لحد ما عرفه على بابى و انا مش عارفه ماله

هوه و مال بابى و كان عايز قال ايه يجيلنا البيت ؟

بيت ايه ده ان شاء الله ، الحمد لله ابيه خالد وداه المكتب عند بابى

حتى ابيه خالد كان رأيه فيه انه انسان وصولى حاول يشتغل فى شركة والد خالد

حتى وصل لما يريد و بعد ذلك جاءه تعيين الجامعه نتيجه لنقص المعيدين فتركهم فى لحظه دون

حتى ابداء اعتذار و لا ترك فرصه لهم ليجدو بديلا له انها لا تحب هذا النوع من البشر

انهت شيرين اللقاء سريعا و انصرفت

و فى المساء جلس حسام الى جهاز الكومبيوتر و اضاف شيرين الى جهات اتصاله و بعث

لها بميل يحتوى على اللينك و لا شىء اخر و لا حتى كلمه واحده توحد ربنا

و فيما هو يفكر فيها قام باضافتها على المسنجر الخاص به و قام ليتعشى مع والدته ثم عاد

مره اخرى فوجدها قامت بقبول دعوته و ردت عليه بميل شاكره لما ارسله لها

و خطر فى باله ان يقوم بكتابة ما يحسه ناحيتها فى المسنجر و لا يقوم بارساله فقط يكتبه

و يمسحه مره اخرى و قام بالفعل بكتابة الاتى :

شيرين لا اود نداءك باى لقب فقط شيرين

لانه اصبح يمثل لى لقبا فى حد ذاته

منذ رايت عيناك و انا اسير لهما

اعرف انى لن استطيع البوح فى حضرتهما

لن استطيع التعبير عما بداخلى

لم احس احساسا كهذا من قبل فى عمرى

ان كل النساء و الفتيات و البنات على وجه

الارض لهم عنوان واحد هو انت

لهم وجه واحد

وجهك انت

باحبك يا شيرين

قالها بصوت عالى و تحرك لا اراديا

ثم لمس طرف اصبعه

لوحه المفاتيح وضغط على زر الارسال
لا اردايا
.
.
.
ونشوف الى حصل الحلقة الجاية

مووووووووافقة قمرررررري
صح حنون نحبسة ومش نطلعة
بس لحسان يعملها حجة
ويقولك طب انزل الحلقات ازاي وهو مسجون
معلش حنونه اقتراحك ممكن يستغله في عدم تنزيل
الحلقات وساعتها مش عارفة ممكن اعمل فيكم انتو الاثنين ايه
لذلك دوري على حل اخررررر
يكون فعااااااااااااال ومش يستغله

:&*&*:

لالالالالالالالالالالالالالالا

الله حرررام

حررررررررام

اعمل فيك اية

اتصرفى يا فرحة

هيما بجد عايزة اعرف اية اللى هيحصل

يعنى جاى على للحظة اللى بيعترف فيها وتقف

والله وحيات بابا وماما واخواتك واسرتك واولادك

تحطها كلها عايزة اعرف هتستقبل الرسالة ازى

اكيد قلبها هيقف

واذا مش حطتها انا هشتكيك فى القسم

هقول للظابط سرق حلقات القصة ومش عايز يرجعها

والله ارمى نفسى زى فرحة على البلاط بقى

[ندعوك للتسجيل في المنتدى أو التعريف بنفسك لمعاينة هذه الصورة]

حاضر بس مش عايزكم تستعجلوا اتعلموا الصبر
كانكم بتشوفوا مسلسل كل يوم حلقه
ههههههههههههههههههههه
وكرم منى انهارده كمان حلقتين يلا كله لوجه الله
الحلقه التاسعه

ظل حسام مشدوها امام رد شيرين لدقائق لم تكتب و لا كلمه

فقط و ينك ( صوره صغيره ) تمثل شخص احمرت خدوده من الخجل

بس كده.........

الحمد لله انها ما ادتنيش كلمتين فى عضمى يا خبر ابيض .......... دى ما

ادتنيش كلمتين فى عضمى يبقى بتحبنى ، و الله العظيم هى كمان بتحبنى

يعنى اللى كنت فاكره غلطه و كنت عايز اكسر الكومبيوتر بسببه

طلع احسن حاجه حصلتلك يا واد يا حسام

ادى الرهبه زالت و انت قلت لها على اللى فيها قطعت عرق و سيحت دمه

و الله انك ولد ثم تمتم ضاحكا .......انت نسيت يا حس من دقايق

لما كنت عايز تنزل تقطع كابلات النت من تحت البحر المتوسط

و ظل حسام منتظرا امام الكومبيوتر لساعتين لكنها لم ترد على هذا الرد

و هو لم يجرؤ على ارسال اى كلمه اخرى ...ده حتى كان عنده بحث عايز

يكتبه خاف ييجى جنب الكيبورد

اما هى..........

فكانت فى دنيا تانيه ، قعدت تقرا كلامه و تعيده و تزيده خمسين الف مره و هى تتخيله

و هو يكتبه و من شده اعجابها به قامت بحفظ كلام حسام كله على الجهاز

بس هى خلاص اتاكدت انه بيحبها و هى كمان بتحبه ايوه فعلا بتحبه موت

لو اى حد كان كتبلها الكلام ده كانت ورته شغله و بعتت له رساله علمته فيها الادب

او على الاقل تجاهلته تماما و لم ترد عليه هى فعلا فكرت ما تردش عليه ,

لكن خافت يزعل و يفتكرها متجاهلاه .....و كمان ما كانش فيه كلام ينفع خالص

و ذهبت لفراشها و هى تردد :

مكسوفه مكسوفه منك مش قادره

مش قادره اقولك انى ............ا

و فى اليوم التالى ذهبت الى الكليه و ركنت السياره كعادتها ثم فى طريقها الى المبنى كان

حسام يراقبها من مكتبه اقتربت منها سياره فخمه و ظل صاحب السياره يشاغلها

و يضرب لها كلاكسات والتفت اليه بغضب , و بعدين بسرعه جدا ضحكت بصوت عالى

و سلمت عليه و..................

ايه ده ايه ده دى ركبت جنبه يا حلاوه يا عم حسام على المقلب اللى خدته

يعنى انتى طاير فى السما من امبارح و عامل نفسك حبيت بنت الناس المكسوفه و ادى اخرتها

طبعا واحد زيها و من طبقتها و راكب شيروكى و كمان زى القمرحاتسيب ده عشان غرام الانترنت

يا خساره يا شيرين دانت اول بنت حبيتها كان نفسى تكونى قد الحب ده..............

صحيح لازم تعمل كده ما هى لوكانت بنت محترمه صحيح عمرها ما كانت ردت على امبارح

هى ردت عليك يا جدع انت ؟

ايوه مش بعتت لى وش مكسوف عامله وش كسوف اوى و انهار على مكتبه و هو يعانى

اشد حالات الاحباط

ثم دخل عليه اشرف زميله فتمتم فى سره ( يادى النيله ناقصاك اصلها )

كان كل حديث اشرف يتركز على انه عايز يتجوز و انه بيدور على بنت الحلال بس لازم يكون

اهلها جامدين عشان يسندوه و لازم تكون كمان جميله و محترمه

فانفعل حسام و رد عليه

طيب و اللى فيها كل المميزات دى حاتاخدك ليه يعنى يا اشرف انت حيلتك ايه

رد اشرف : هى البنات لاقيه اليومين دول ، واحد حايبقى دكتور فى الجامعه و محترم و ملو هدومه و كمان انت عارف ان ابويا عنده ارض فى البلد و ان شاء الله لما اجى اتجوز حايساعدنى انت متنرفز ليه كده يا حسام مالك

حسام : اصلى حاسس ان موضوع البنات مش لاقيه ده خلى كل واحد فى البلد فاكر نفسه لقطه و ما جابتوش ولاده ،

و برضه صحيح البنات كتير ، بس البنت المحترمه دلوقتى عمله نادره حانلاقيها فين دى ، اديك شايف العمايل اللى فى الكليه قدام عينيك ليل

كل بنت تعرف ولد من اول امبارح بتعامله على انه جوزها و لا هاممها حد يتكلم و لا هاممها سمعتها

يبقى لما نلاقى واحده محترمه فى الزمن ده تضرب لها تعظيم سلام مش كمان عايزها غنيه و اهلها مش عارف ايه و يصرفوا علينا بالمره

و بعدين اصلى عندى مبدأ فى الموضوع ده انا ارفض ان اهل مراتى يكونوا لهم فضل على فى اى حاجه ،

بالعكس انا اتمنى انا اللى اقدر احقق لزوجتى احلامها كلها و تشوف معايا اللى ما شافتوش فى بيت اهلها مش استنى انا منهم المعونه و يبقو كاسرين عينى كده مش عارف افتح فيهم و لا فى بنتهم

اشرف : و ليه الكلام الكبير ده

الحياه كده خد و هات يعنى انت بتديهم اسمك و هما يدوك بنتهم و ما فيش مانع تستفيد من وضعهم يعنى عادى ،

مش احسن ما بناتهم يركنو جنبهم و ما يلاقوش اللى يتجوزهم

حسام : الجواز ده نصيب يا اشرف و ما فيش حد بياخد غير نصيبه عن اذنك عشان انا مضطر امشى

و انطلق حسام لا يلوى على شىء لكنه كان فى داخله حزينا على انهيار امانيه مره واحده امام عينيه ،

صحيح فين البنت المحترمه دلوقتى ؟؟

و فى احد الكافيهات المنتشره بجوار الجامعه جلست منال مع خالد تجرب لاول مره شرب الشيشه

منال : لا يا سيدى دى بتخلينى اكح

خالد : طيب حاشد منها الاول شويه عشان تخف بس خلى بالك حاتجرى ورايا

و اخذ يشد انفاس الشيشه و هى منتظره

و بعدها قام بتقبيل المبسم قبل ان يعطيه لها و قال لها

خدى يا ستى مادام مش موافقه انى ابوسك .......

منال : عيب يا خالد بقه احنا مش اتفقنا ان انا مش حاتنازل عن شروطى و منها حكاية البوس دى ؟

خالد : ده كان قبل ما نعرف بعض كويس لكن اظن دلوقتى احنا خدنا على بعض و تقدرى تثقى فى

منال : بص يا خالد انا واحده باصلى من وانا صغيره و عارفه ربنا و عارفه كمان ان الحاجات دى حرام و انها فى الحلال بتكون اجمل بكتير ليه ما نستناش

خالد : نستنى ايه بس ، خمس سنين لحد ما نخلص كليه ده لو ما سقطناش يعنى ولا سنه و بعدين يعنى هى دى بس اللى حرام ،

و اللبس المحزق اللى جنابك فاكراه حجاب ده و الشيشه اللى فى ايد سعادتك ديه ؟ ده كله حلال ؟

وبعدين انا سمعت مفتى قال البوس حلال مادام احنا مش متجوزين حد تانى و بنخونه

منال : هاهاهاها يا راجل انت بتهذر اكيد

خالد : لا و الله ده جه فى قناه كده فى التلفزيون و قال كده البوس حلال و ممكن خالد يبوس منال هاهاهاهاهاها

ردت منال : عيب يا خالد بقه اختشى انا مش حابوس الا جوزى عشان يبقى عندك فكره

خالد : طيب ما نا عايز اتجوزك و انا قلت غير كده

منال : بجد يا خالد ؟ انت ممكن تتقدم لبابا دلوقتى و بعدين نستنى لما نتخرج و نتــ ...........

قاطعها خالد : بابا ايه بس انا حاروح اقوله عايز اتجوز بنتك و انا لسه طالب فى اعدادى صيدله قدامى عمر لحد ما اتخرج ,

انا اقصد نتجوز انا وانتى كده بيننا و بين بعض وبكده كل اللى نعمله مع بعض يكون حلال يعنى حتى مش محتاجين الشيخ اللى قال اوكى قشطه البوس ده

منال و هى تكح من الشيشه : يعنى ايه نتجوز بيننا و بين بعض انا مش فاهمه

خالد : انتى ما شفتيش فيلم عادل امام لما اتجوز سعاد حسنى و كانت العصافير فى السما شاهده عليهم ؟

و بعدين انا مش باقولك يعنى يكون بيننا علاقه زوجيه كامله يعنى ، لا بس عشان نبقى فى السليم لما نخرج حتى مع بعض ،

انت عارفه انا بتقطع من الشعور بالذنب لما اخرج معاكى و انت مش مراتى

وبعدين احنا مش حانخلى العصافير تشهد علينا عشان انفلونزا الطيور و كده هاها،

لا نجيب اتنين صحابنا جدعان يشهدو عشان نبقى فى السليم

منال : انت عاوزنا نتجوز عرفى ايه يا خالد انت اتجننت انا بنت ناس برضه

خالد : طيب ماهو الجواز ده عشان انتى بنت ناس , بالك لو انتى اى واحده بالنسبه لى عمرى ما كنت اعرض عليكى الجواز

مش انتى كمان عندك مشاعر نفسك تعبرى عنها تجاهى... يعنى احنا حانكتب ورقه عشان الحلال و الحرام بس

منال : حلال ؟ كل الناس بتقول ان الجواز العرفى ده حرام اصلا

خالد : ليه بقه فهمينى ؟ يعنى كل واحد قاعد يفتى ؟ ده حلال ميه الميه مش الجواز اشهار و احنا حانقول لصحابنا الانتيم

منال : صحابنا يا خبر اسود لو صحباتى عرفوا دول يقاطعونى طول العمر

خالد : و مين قال صحباتك يعرفو بس ؟ كفايه يا ستى صحابى انا ، برضه دول رجاله و كلامهم غير كلام الحريم

ثم اضاف خالد و هو يقرأ وقع كلامه على فريسته انا مش باقولك ردى على دلوقتى خدى راحتك

لكن لغاية ما تردى انا مش حاخرج معاكى تانى و لا حتى فى قعده بريئه زى دى عشان برضه انا عندى اخوات بنات اخاف عليهم

منال : انت ترضى كده لاخواتك البنات

خالد : ده جواز مش حاجه حرام

فكرى يا منال و ياللا اوصلك بقه لاخر مره و ربنا يسامحنى لم ترد منال باى كلام بل اخذت

تفكر فى خالد و منطقه , ماهو صحيح يعنى احنا الشباب نعمل

ايه ، المجتمع كله ضاغط علينا من كل ناحيه ، و انا لو ضيعت خالد ده من ايدى اعرف منين

انى الاقى حد تانى لما اخلص كليه و اشتغل و الهم ده ما البنات كلها قاعده اهيه........

انا ممكن اتجوزه دلوقتى عرفى و بعدين لما نخلص كليه يتقدم لى و يطلب ايدى عادى

و نحول الجواز لجواز رسمى , وهو مش حايطلب منى حاجه زى ما قال

مجرد اننا نكون على راحتنا و نرضى ربنا و ما نعملش حاجه حرام

و بعد يومين جاء ميعاد درس الاناتومى فى منزل شيرين ،

و كانت لم ترى حسام خلال اليومين و لا حتى حاولت ان تفتح الكومبيوتر خشية ان يتهور مره

تانيه ، و قررت انها يجب ان تدرس الموقف

صح هى بتحبه لكن هى اللى اخترعت عبارة الحب شعور مش علاقه ، لكن لازم يعرف انه

عشان يكون فى علاقه لازم يكون لها اطار رسمى محترم و رغم ان حسام غالب نفسه اكثر

من مره حتى لا يذهب للدرس الا انه فى النهايه ذهب فى ميعاده ، ولكن كان متجهما على عكس

ما تخيلت شيرين تماما

و جلس معها فى الريسبشن هذه المره حيث ان منال لم تات لان علاقتها بشيرين توترت تماما بعد

اخر حوار لهما فى الجامعه

قابلته شيرين مبتسمه لكن شيئا ما فى عينيه جعلها تبتلع ابتسامتها

و تتساءل فيم اخطات حتى يعاقبها هذا العقاب انه يتحاشى النظر اليها و ينظر

فقط فى الاوراق و يشرح لها كانه مستر حسين بتاع سنه تانيه اعدادى

هل اخطات حينما ردت عليه بهذا الوجه الخجول على النت هل كان من الواجب ان ترد عليه

بعنف و تقول له انها مش بتاعة الكلام ده عشان يحترمها و يزيد حبه لها

هى ما بتحبش التمثيل و ما بتحبش تكون غير نفسها ، دى مسكت نفسها بالعافيه عشان ما

تقولوش انها كمان بتحبه ايه اللى غيره كده ؟؟

و فى وسط تساؤلاتها رن جرس الباب و التفتت هى و حسام

بحركه غريزيه الى الداخل من الباب حيث كانت الشغاله قد فتحته........

و تمتم حسام فى سره : الله الله كمان جايلك لحد هنا ....... دى زاطت و الله
.
.
.
.
ونكمل بقى الحلقة الجاية ان شاء الله

الحلقة العاشرة

دخل هذا الشخص المنزل و القى السلام

فردت شيرين : اهلا شريف

تمتم حسام فى نفسه و كمان بتقولى شريف و لا هامك

شيرين : اعرفكم ببعض د. حسام

استاذى فى الكليه يا شريف ،شريف اخويا سادسه طب

تقدم شريف و سلم على حسام مبتسما : تشرفنا يا دكتور حسام ارجو تكون شيرين بتذاكر و مش تاعباك

حسام متهللا و ضاحكا : انا اللى تشرفت بمعرفة حضرتك ما تتصورش انا سعيد اد ايه انى قابلتك و الله

ثم انسحب شريف للداخل وهو يقول للشغاله: مفاتيحى مع الحارس تحت بيركن العربيه خديها منه لما يجيبها

لاحظت شيرين تبدل احوال حسام تماما بعد ان قابل شريف ، وتهلل وجهه و عاد ينظر الى

عينيها تلك النظرات الهائمه ، لكن شيرين كانت اذكى من ان تفرح بهذا التغيير

حسام : ما قولتليش يعنى يا دكتوره ان عندك اخ كبير فى طب

شيرين : على فكره انا ما قلتش لحضرتك حاجه خالص اساسا

فهم حسام التلميح و ابتلعه لاحساسه بالذنب اذ كانت تقصد

انه مدلوق و انه هو الذى قال كل شىء ماشى يا شيرين ماشى

و اردفت شيرين : انا على فكره عندى كمان اختين اكبر منى شاهيناز فى امريكا و شهيره ساكنه معانا هنا فى العماره

حسام : ربنا يخليهم كلهم و انا اسف يعنى اذا كنت بسال على حاجات يعنى ماليش فيها

شيرين : مين قال كده يعنى دى معلومات عاديه و كل الناس ممكن تعرفها

ابتلعها حسام للمره الثانيه و كانت شيرين قد بدات تفهم لماذا تغير حسام لقد فهمت انها راها اليوم

عندما ركبت السياره مع شريف فى الجامعه لقد مر عليها لاصطحابها لمقابله

احدى زميلاته ، انه يحب زميلته تللك و كان يريد خطبتها ، و قد اصطحب اخته لياخذ رايها فى فتاته

و رغم ان شيرين عذرته فمن يحب بشده يغار بشده لكنها قررت الا تدع هذا الموقف يمر

شيرين : حضرتك شفت شريف قبل كده ؟

حسام متلعثما : لا ..ايوه ... لا اول مره اكلمه دلوقتى

شيرين : اصل و حضرتك بتسلم عليه افتكرتك عارفه يعنى عشان هوه تقريبا دفعة حضرتك

حسام : ايوه عندك حق

و فكر حسام بس يا خفيف هى عرفت انك شفتها النهارده من لخبطتك ، ايوه بس يعنى انا كنت

اعرف منين انه اخوها ، برضه يا اخى ما تشكش فى البنت كده يعنى هى واضح جدا انهما محترمه

و هنا انهى حسام الشرح و استاذن فى الانصراف و شيرين تنظر اليه نظرات ذات مغزى

و بدون كلام فقط بالعينين اتفقا على ان يتقابلا على الشات ، الاشاره وصلت فى لحظه واحده

الى عقل كل منهما ، انهما يجب ان يتكلما الليله دخلت شيرين غرفة المعيشه

و كانت هناك اختها الكبيره شهيره

و والدتها و شريف و ندى ابنة شهيره ، قفزت ندى على ساقى

شيرين و صاحت : أنتى شيرين حضرتك خلصتى الدرس ؟

ردت شيرين : ايوه يا حبيبة أنتى انا مبسوطه منك عشان ما طلعتيش بره و ما عملتيش شقاوه

ندى : بس حضرتك وشك سخن ليه يا أنتى ؟ هوه حضرتك عيانه ؟

ردت شيرين و قد زاد وجهها احمرارا : لا لا انا الحمد لله كويسه

شهيره : صحيح يا شيرين وشك احمر اوى تعالى ندخل اوضتك اقيس لك الحراره هاهاها

و قامت الاختان و دخلا غرفة شيرين

شهيره : اعترفى دلوقتى حالا احسن لك

شيرين : يييه هوه انا مفضوحه اوى كده حتى ندى خدت بالها هاهاها

شهيره : لا لا لا ، معقوله العسكرى بتاعنا وشه يحمر كده ، احكى من الاول احسن لك

شيرين : ابدا يا شهيره و الله بس يعنى كل ما اشوف حسام ده قصدى دكتور حسام يحصلى حاجات و بطنى توجعنى و خسيت اتنين كيلو و......

قاطعتها شهيره و قد تقمصت دور الخبيره :

بطنك توجعك و لا تحسى انك كده راكبه طياره و روحك بتتسحب ؟

شيرين : ايوااه عليكى نور فعلا كده يعنى بحس الحجاب الحاجز كده مش فى مكانه

شهيره : طيب يا بتاعة علمى علوم هاهاها التشخيص بتاع الحاله دى ان تقريبا جنابك بتحبيه و كمان سخونيه وشك دى و احمراره اكبر دليل على كده

شيرين : بس انا خايفه اوى يا شهيره انتى عارفه انى ماليش خبره فى الحاجات دى خالص و عمرى فى حياتى ما كلمت ولد غير قرايبنا

و المدرسه بتاعتى كان كلها بنات و الرجاله الوحيدين اللى باكلمهم ابيه شوكت و ابيه طارق جوز شاهنده و شريف و بس..........

شهيره : يا حبيبتى الحب مش عيب ، دى اسمى عاطفه فى الوجود ،المهم الحب ده يكون بناء ما يهدمش ،

يعنى يخليكى احسن و يخليه هوه كمان احسن ، و ما تنسيش انى برضه ليه تجربه فى المواضيع دى انا طول عمرى بحب شوكت من و انا فى اولى ثانوى ،

بس الحمد لله عمرى ما غلطت و كنت عارفه من اول يوم انه طالما انا مراعيه ضميرى و مراعيه ربنا ،

اكيد حاييجى يوم و نتخطب و نتجوز ده انا باسمع عجب عن البنات اليومين دول و مع ذلك انا واثقه فيكى جدا

شيرين : جواز ؟ مش عارفه يا شهيره انا لسه ما فكرتش فى كده ،

ثم تراجعت شيرين عن كلامها : بصى يا شهيره انا باكذب عليكى انا من ساعة ما شفته و انا شايفه نفسى جنبه فى الكوشه بقه من الاخر

شهيره : و مكسوفه ليه ، هما بنات الناس المتربيين كده ، ما فيش حاجه اسمها الحب للحب و الوهم للوهم دى ، النتيجه الطبيعيه للحب هى الجواز ،

يا اما يكون حب من طرف واحد او من غير امل ، لكن لو الاتنين بيحبو بعض لازم يفكرو كده من اول يوم ،

بس انا عايزاكى تتقلى يا شيرين ، انا عارفه ان اول حب ده بيبقى بهدله مش شايفه شريف اخوكى و اللى بيحصله

شيرين : اسكتى انا قابلت البنت اللى بيحبها النهارده دى ، ما ارتحتش خالص

شهيره : ماهو انا ما رضتش اقابلها الا لما انتى تشوفيها عشان انتى يعنى كنت فى الجامعه صدفه لكن انا عشان اقابلها يبقى ده زى وعد بالجواز و حرام نعشم بنات الناس

شيرين : تصورى انا واقفه فى الكافيتريا معاها هى و شريف راحت ماسكه ايده حطت راسها على كتفه و لا كان اخته الصغيره واقفه

شهيره : ما هو شريف صيده يا بنتى ، غنى و ابن ناس و قمر اربعتاشر ربنا يسترها بقه

هنا دخل شريف عليهما

شريف : شيلى ايدك انتى و هى حرام عليكوا ، دى شكلها فروتى دى اللى ماسكينها و مقطعينها حتت

هنا غرقت الاختان فى الضحك و اردفت شهيره :

و دمه خفيف كمان ايه رايك .....اقعد يا شريف دى شرين كانت بتكلمنى على لبنى زميلتك

شريف : ايه رايك فيها يا شيرين انا ما شفتكيش من الصبح عشان اكلمك

شيرين : بص يا شريف هى كويسه بس مش تيب بتاعك ، يعنى انت متحفظ و هى يعنى عامله فى نفسها البدع

شريف : دى محجبه

شيرين : بقى انت بتسمى الى هى لابساه دة حجاب ، بص شهيره اختى محجبه يعنى تلبس بنطلون عليه جاكت طويل ، تغطى رقبتها ، تلبس ما لا يصف و لا يشف

انما اللى ظهرهم باين و بطنهم كمان و البادى مفصل كل حاجه فيهم دول ما لهمش فيه .

شريف : هاها بكره تكبر و تحتشم بس انا اسف على انها يعنى مسكت ايدى و كده قدامك اصلها بتحبنى اوى و ما رضتش اكسفها

شهيره : هى باباها بيشتغل ايه و ساكنه فين يا شريف

شريف : دى ساكنه فى المهندسين قريب مننا هنا و باباها بيشتغل بره مصر ومامتها عندها مركز تجميل هنا فى المهندسين

شهيره : تعرفه فين بالضبط المركز ده

شريف : اها المفتش كرومبو بدأ تحرياته ربنا يستر ، لا ماعرفوش بس ممكن اسالها على عنوانه

و اقولها يعنى اخواتى عايزين يتجملوا هاهاها مع انكم اجمل بنات فى العالم

شيرين : ربنا يخليك لينا يا شريف يعنى انت بتحب البنت دى

شريف : بصراحه انا مش عارف بس هى اصلها بتحبنى اوى اوى ، و بعدين اصلها حلوه اوى

شيرين : صحيح هى من جهة حلوه هى زى القمر ، بس الجمال يعنى...........

شريف مقاطعا : مش كل حاجه عارف يا ستى عارف ، حتى الرسول عليه الصلاة و السلام قال عن مواصفات الزوجه(اذا نظر اليها سرته)

يعنى مش ضرورى تكون ميس يونيفرس عشان تسره ، بس انا شاب يعنى و لى مشاعيرى هاهاها

شهيره : اوكى ياشريف روح نام بقه هاهاها عشان احنا سهرنا شيرين قوى يا للا انا طالعه فوق عشان شوكت قرب ييجى
.
.
.
.
لم يتوقف حسام لحظه عن التفكير طوال طريق عودته ، اختها ساكنه فوقيهم و الحارس بيركن

العربيه ، و اضح ان العماره ام هيرتليون جنيه دى بتاعتهم ،

يادى الوقعه ، ايه يا حسام انت بتخاف تفرح يا بنى ، انت لما صدقت ارتحت من ناحية اخوها

تطلع بمشكله جديده انت ايه ؟ نكدى ؟

و اسرع بالسياره لانه كان اتفق معها بغير كلام على المقابله على الانترنت

و جلس فى انتظار ان تفتح لمدة نصف ساعه .........

لقد نصحتها

شهيره ان تتقل ماشى حاتتقل اهه ........بس مش اوى و فتحت المسنجر

حسام : اهلا دكتوره

شيرين : اهلا دكتور حسام

حسام : بصى يا شيرين انا عندى كلام كتير اوى عايز اقوله بس ما قدرش استغل اننا فى بيتكم

و اتكلم فى حاجه عشان كده انا مبسوط اوى انك دخلتى

ردت شيرين و قد احست ان الطياره خلاص حاتلمس الارض و الحجاب الحاجز سيقتلع من مكانه تماما

شيرين : خير يا دكتور

حسام :
اظن رسالتى اخر مره وصلتك

شيرين :
It was a little early
ترجمه ( كانت سابقه لاوانها قليل)

حسام:
My love for you doesn’t recognize time ,nor limits I loved you since the very first time I laid an eye on you

ترجمه ( حبى لك لا يعترف بالوقت ولا الحدود لقد احببتك منذ وقعت عليك عيناى .......ومر وقت وشيرين لا ترد)

حسام : ارجوكى ردى يا شيرين انا يمكن احسن اكتب بالانجليزى لانى حاسس انه برضه حبى ليكى خارج حدود اللغات

انا حاسس انى ممكن اكتبلك بالالمانى و الروسى كمان لو حبيت رغم انى ما عرفش ولا حرف فى اللغات دى

عارفه انا عمرى ما قلت لواحده انا بحبك حتى بالعربى و لا توقعت اقولها لكن حبى ليكى غير حاجات كتير اوى اوى فيا

شيرين : بس انا زعلانه منك

حسام : عارف و مش حاعمل فيها عبيط عارف انك زعلانه و ليكى حق بس اللى بيحب اوى بيخاف اوى و بيغير اوى اوى اوى

شيرين : لازم كنت تثق فى شويه زياده ، و لا صحيح انت ما تعرفنيش حاتثق فى ازاى

حسام :
for forever , but I just have my fears , I do fear for this love , shereen , you are too good to be true I feel that I've known you since the day you were born ,
(ترجمه : احس انى اعرفك منذ ميلادك ،عرفتك للابد )
لكن لدى مخاوفى ، اخاف عليك يا شرين ، انك انسانه نادرة الوجود ))

كانت شيرين فى هذه اللحظه تتمنى ان تطمئنه و تقول له انها هى الاخرى تحبه و انه لا داعى لان يخاف.......

كانت تود ان تخبره انه هو الاخر فى قلبها لكنها تذكرت كلام اختها

( اتقلى يابت ) وهمت بالرد عليه

وفى اثناء ذلك........
.
.
.
نكمل الحلقة الجاية بقى ان شاء الله

انتظروناااااااا

الحلقة الحادية عشر

احنا وقفنا فين المرة الى فاتت اة افتكرت
.
.
كانت تود ان تخبره انه هو الاخر
قلبها لكنها تذكرت كلام اختها
اتقلى يا بت و همت بالرد عليه
وفى اثناء ذلك وجدت منال اون
لاين و بعثت اليها طلب اجراء
محادثه ..................
احتارت شيرين هل ترد على صديقتها و خاصة انها تشعر ببعض الذنب تجاهها ، كان يجب ان تقف الى جوارها و ليس ضدها ، ام تتجاهلها و تكمل مع حسام

و فى النهايه قررت ردت على منال المحادثه بالموافقه و طلبت منها ان تنتظرها دقيقه واحده ثم دخلت الى احد القوائم لمواقعها المفضله على النت و بعثت لحسام لينك معين و طلبت منه ان يفتحه حتى تعود اليه لانها ستضطرللغياب لدقائق

وعادت لمنال و قالت : كويس انك فاكرانى و الله يا هانم

منال : انا عارفه انك زعلانه منى بس ما تعاملنيش كده كانى خنت مبادئ اكتوبر

شيرين : لا خنتيها و انا مش خسرانه حاجه انتى اللى بتخسرى

منال : طيب و لو قلت لك ان خالد حايخطبنى بس لما اهله ييجو مصر الصيف ده عشان هما مسافرين بره ، ده حتى واخد الثانويه العامه من بره مصر

شيرين : ايوه عشان كده خيبان و عمال يسقط ما دول بتوع ابناؤنا فى الخارج اللى بيمتحنوا فى السفاره و معاهم مامتهم و باباهم و سلاح التلميذ كمان

منال : هاها ده انتى مش طايقاه خالص عموما يا ستى انا اتفقت معاه ما نتقابلش خالص و نتكلم فى الكليه عادى فى وسط الناس لحد ما يخطبنى ايه رايك ؟

شيرين و هى عايزه تنجز عشان حسام : انا اتمنى لك الخير يا منال اشوفك بكره ان شاء الله فى الكليه يا حبيبتى

منال : طيب ممكن ابقه اجى اخد الدروس معاكى زى زمان

شيرين : طبعا تتفضلى . انت بتهزرى ؟ ، بس بلاش تبقى ستاره لحاجات تانيه يا نونى

منال : ما خلاص بقه تبنا الى الله هاهاها مع السلامه

شيرين : مع السلامه

فوجىء حسام بان شيرين بدلا ان ترد عليه بكلمات معينه بعثت له لينك معين على النت

( لحسن تكون البنت دى عايزه تجيبلى فيرس فى الجهاز و انا دافع فيه دم قلبى )

ثم سلم امره الى الله و ضغط على الرابط
طار حسام فى دنيا اخرى غير هذه الدنيا مش معقول الانسانه دى , كل ما افتكر انها خلاص ما تقدرش تبهرنى زياده الاقى نفسى لسه ممكن انبهر اكتر و اكتر
كانت اغنية اليسا
جوايا ليك احساس بيكبر كل يوم
العين تنام و القلب عمره ما جاله نوم
من كتر شوقى و لهفتى شايل هموم
ارتحتلك احساس غريب باحسه لما بابص لك
و باحن لك لو حتى جنبى فى حضن قلبى باحن لك
سلمتلك اغلى ما عندى حتى قلبى فتحت لك

شيرين :
انا رجعت

حسام : وهو لا يزال يسمع
مش عارف ارد بايه بس لو مت دلوقتى حاموت و انا سعيد

شيرين :بعد الشر عليك

حسام :بجد يا شيرين انتى تقصدى الكلام ده ؟؟ اقصد كلام الاغنيه ؟

شيرين :لا يا حسام ، باشتغل فى ما يطلبه المستمعون

حسام :انت قلتيلى حسام انتى متاكده ؟

شيرين :انت باين عليك شكاك يا حسام ، ايوه قلت حسام بس بالكتابه لسه مش واثقه انى اقدر اقولها بلسانى

حسام :انت كل حاجه مش قادره تقوليها بلسانك ليه كده ؟

شيرين : هاهاهاا

حسام :بتضحكى ليه دلوقتى

شيرين :عشان اللى يسمع كده يقول انك انت مقطع الدنيا كلام

حسام :مهو انا زى ما قلتلك ما اقدرش استغل ثقة والديك فى و وجودى فى بيتكم عشان اتكلم معاكى و كمان فى الكليه صعب عشان مش حاستحمل حد يقول عليكى نص كلمه و برضه بره الكليه صعب لنفس السبب فاحنا على الشات لحد ما يعنى لو وافقتى اتقدم لك

شيرين و قد فشلت فى اخفاء سعادتها : بجد يا حسام بتخاف على

حسام :طبعا و اللى زيك ما ينفعش يتعمل معاها غير كده ، لازم تكونى خطيبتى الاول بس الموضوع ده فى عقبات كتير و انا حاكلمك بصراحه انا خايف اوى يا شيرين

شيرين : من ايه بس

حسام : انا انسان عادى و ساكن فى بيت عادى و والدى الله يرحمه كان صحيح موظف كبير لكن ما سابش غير معاشه من وظيفته اللى ماما عملت معجزات عشان يكفينا و اقدر اتعلم و اكون الانسان اللى انتى شايفاه ده

شيرين :كل اللى بتقوله ده يشرف اى انسان

حسام :اى انسان ما يكونشى رايح يناسب هشام الحديدى ، يا شيرين انتى ما ترضيش انى يتقال على انى تطلعت لناس اغنى منى ، اقسم بالله انى حبيتك قبل ما اعرف اسمك ، و كنت اتمنى تكونى يعنى عاديه زييى

شيرين :ومين قالك بقه انى مش عاديه

حسام :عربيتك و شكل بيتكم و كمان باباكى معروف اشرف زميلى قاللى عليه

شيرين :اهو اشرف ده اكتر واحد له تطلعات فى الدنيا ، تصدق انه كان عايز يخطبنى من ابيه خالد جوز شاهيناز اختى الكبيره من غير حتى ما يعرف شكلى ايه لمجرد انى اسمى الحديدى زيها

حسام و قد بدا يغتاظ :يخطبك ده ايه و انتى عملتى ايه

شيرين :بابى ما وافقش يشوفه اساسا و كمان لما عرف الموقف اللى عمله مع والد ابيه خالد و سابلهم الشغل فجاه بعد ما كان ابيه خالد اعتمد عليه و سافر امريكا و ساب المسئوليه عليه خللى بابى يعرف انه كان صح

حسام :احسن انه غار من الشركه بتاعة جوز اختك و الله اروح اموته يا شيخه لو جه ناحيتك تانى

شيرين :ما تخافش يا حسام بابى و مامى متفاهمين جدا و يمكن يبانو للناس بره انهم طبقه تانيه لكن هما طيبين جدا و انت قابلتهم
حسام :صحيح و الله انا ارتحت لوالدك و والدتك جدا

شيرين :ده زعقلى اول مره كنت عندنا

حسام :ليه كده

شيرين :عشان كنا يعنى قاعدين فى المكتب لوحدنا وهو السبب اننا نقلنا فى الريسبشن

حسام :تصدقى احترمته زياده ربنا يخليه ليكى يا شيرين

شيرين :بس انا بجد سعيده يا حسام انك اول ما فكرت فى ، فكرت انك تخطبنى مش انك تلعب او ترتبط او تحب زى ما بيقولو

حسام :فكرت ؟؟ّّّّّ!!! قولى اتمنيت ....... حلمت .. بس فى مشكله واحده يا شيرين اكبر من كل اللى اتكلمنا فيه ما كنتش عايز ازعجك اضايقك بيها ، لكن حقك انك تعرفى

و فى هذه الاونه كان خالد و منال يتحدثان على التليفون بعد ان نام كل من فى منزل منال

خالد : خلاص خلصت شات مع صاحبتك الرخمه هى حلوه بس رخمه اوى

منال : هاها و الله دى شيرين طيبه بس هى خايفه على و عامله نفسها ولية امرى
و بعدين ايه حلوه دى بقه انا بغير

خالد :تغيرى ايه بس ده انت الحب كله , بس طمنينى خلاص كله تمام ؟

منال : كله تمام من بكره بقه زى ما اتفقنا بلاش وقفه لوحدنا فى الكليه و خلينا زى ما احنا نتقابل بره بس بعيد عن المنيل و كده يعنى ممكن فى النزهه مصر الجديده كده يعنى

خالد : طيب ما فكرتيش فى الموضوع بتاع الجواز تانى

منال : انا بصراحه يعنى سالت يا خالد ناس كتير اعرفهم و قالولى ان الحكايه دى بطلت خلاص و بتعمل مشاكل كتير ، يعنى مادام انا وانت قدام ربنا متفقين على الجواز خلاص و كلام الناس ادينا حانسكته من بكره زى ما اتفقنا

خالد : انا من ايدك دى لايدك دى و لو عايزه زياده فى الامان نتقابل عندى فى البيت ما فيش مشاكل
انتى عارفه انى لوحدى هنا وعيلتى كلها بره مصر نقعد نتفرج على التلفزيون عااااادى يعنى

الحلقه الثانيه عشر

اكمل حسام : انا عمرى ما كان لى تطلعات فى الغنى و الفلوس
زمان لما كنت صغير كان نفسى يكون لي مستقبل علمى اعمل ابحاث و افيد الناس
لكن بعد ما شفتك كل ده اتغير احلامى اتغيرت لما شفتك كل اللى اتمنيته من ربنا بيت صغير يضمنى اناو انت و يكون فيه ابتسامة طفل صغير تهون علينا الايام حتى البيت ده ما كانش له شكل و لا لون بس الشمس بتدخل من شباكه بالنهار و بالليل نور القمر...انت يا شيرين بقيتى كل احلامى

شيرين : و قد نزلت دموعها تصدقنى لو قلت لك انك بتوصف احلامى
طول عمرى احلامى دى كان بطلها فارس طول عمرى ما كنتش عارفه شكله بس كنت بادور عليه من يوم ما اتولدت ويوم ما كنت مغمى على و صحيت لقيتك بتبص لى و خايف على عرفتك ... عرفتك يا حسام و عرفت انك الفارس كنت مراهنه نفسى انى لما اشوفك حاعرفك ، و كسبت الرهان عشان كده ما تقوليش ان فيه مشكله ممكن تقف قدام احلامنا

حسام: المشكله اللى باقولك عليها انى مرشح لبعثه فى انجلترا اربع سنين عشان الماجستير و الدكتوراه و ده حلم امى و حلم ابويا الله يرحمه من يوم ما اتولدت و كان حلمى لكن انا قلت لك دلوقتى على حلمى الحقيقي مش باقولك انت غيرتى كل حاجه

شيرين :عمرى ما اكون عقبه تقف فى طريق مستقبلك
و لا انت ولا انا نقدر نخذل الست العظيمه دى اللى عاشت عمرها عشانك مامتك

حسام :انتى كل احلامى يا شيرين ، انت بتقولى انى شكاك و بخاف انا باخاف افرح يا شيرين عشان الدنيا عملت كتير فيا عشان جربت مرارة اليتم و مرارة ان امى تحرم نفسها من لبس جديد سنين عشان تجيبلى اللى انا عاوزه مرارة ان كل طالب ييجى حفلة المدرسه معاه باباه و انا يحتفلوا بى فى يوم اليتيم
حتى المدرسه دى كان ليها مرارتها عشان كنت باحس ماما قد ايه قاست عشان ما اخرجش من مدرسة اللغات بعد والدى ما توفى..وكل زمايلى واخدين الحياه كحقيقه مسلم بيها و مش حاسين باى حاجه وحدى كنت شايل الهم

ردت شيرين و قد انهارت فى البكاء و تمنت لو كانت بجوار حبيبها تضمه و تعوضه حرمان السنين لكنها تماسكت و حمدت الله انه لا يراها ولا حتى يسمعها على التليفون
طيب بعد كل ده عايز تخذل مامتك و تخذلنى الدكتوراه من انجلترا بقت حلمى انا كمان دلوقتى قبل حتى البيت الصغير
و بعدين انت فاكر يعنى لو انت اتقدمت بابى حايوافق نتجوز قبل ما اكمل تعليمى برضه لازم اخلص الكليه و بعدين نتجوز انا حادعيلك من دلوقتى تجيلك البعثه و برضه حكاية البعثه دى على عكس ما تظن ممكن تكون خير عشان بابى حايتشجع انه يوافق لما يعرف انك حاتسافر و مش حاتعطلنى عن المذاكره

حسام : انا ما بقتش اقدر ابعد عنك ، كفايه اشوفك و لو من بعيد ده انا حامل هم اجازة نص السنه من دلوقتى عشان مش حاشوفك من فضلك ممكن تحددى لى ميعاد مع بابا فى اقرب وقت عشان انا خلاص نويت اتوكل على الله و اتقدم له عشان انا مش حاقدر استنى لحد ما واحد تانى يتقدم و ياخدك منى
شيرين:- طيب استنى الاجازه بس بعد ما الامتحانات تخلص و بعدين احدد لك ميعاد مع بابي و بعدين هوه مسافر فرنسا و راجع ان شاء الله بعد شهر
ياللا بقه يا دكتور تصبح على خير عندك شغل بدرى

حسام : تصبحى على خير يا شيرين

كان يود ان يدعوها حبيبته ، لكن
غلافا من الاحترام يغلف تلك الفتاه
يمنع كل من يفكر مجرد التفكير فى التمادى
رغم انها فى منتهى الرقه و اللطف لكن الاحترام لم و لن يتعارض مع اللطف يكفى ان تكون فى قلبه
حبيبته
اميرته
مليكته
و حلمه
مرت الايام التاليه سعيده شيرين ترى حسام من بعيد فى الكليه
اثناء السكاشن و بين المحاضرات
فى الكوريدور لكنها لم تعد تدخل مكتب المعيدين بناء على اوامرحسام
حتى لا تقابل اشرف
نعم اوامر شيرين المعتده بنفسها و التى لم يفرض احد رايه عليها يوما اصبحت سعيده بان لها فارس وانه يصدر اليها اوامر ، و سعيده اكثر بتنفيذ تلك الاوامر
انه الحب الذى يجعل اسعاد الحبيب ، قمة السعاد هالذى يجعل العطاء ، منتهى الاخذو كان ميعادهما المقدس يوم
الجمعه بعد الدرس على الشات انه حتى لم يطلب منها محادثة تليفونيه ابدا انتظر حتى تطلبها هى لكنها ايضا لم تفعل كانت كالبخيل الذى يضن بحبه على الناس و على نفسه ويقطر منه قطره قطره حتى تدوم لذته لاخر العمر

على الجانب الاخر استمرت علاقة منال و خالد فى الشكل الجديد لها و الذى اصبح من بنوده ان يتقابلا فى سيارته او يذهبا الى السينما او احدالمقاهى البعيده بحيث تضمن الا يراهما احد و لا تلوك سمعتها الالسنه و اخفت العلاقه عن كل صديقاتها و فى مقدمتهم شيرين
كانت احيانا تفكر فى علاقتها بخالد و كيف انها لم تترك الا القليل لما بعد الزواج لكن هذا القليل اعتقدت انه يبقيها مرفوعة الرأس حتى لو لم تتزوج خالد فلتعش لها يومين
كما يقولون انه غنى و والديه يبعثون له بالكثير من النقود ، تتنزه و تجلس فى اماكن لم تحلم بها من قبل ، و لم لا ووالديها فى دنيا اخرى او فى دنيتان مختلفتان انها تحس ببيتها كالجزر المنعزله كل فى نفسه و
مشاكله امها فى عملها و كذلك ابوها وبعد ان تنهى الام معركتها اليوميه فى العمل و احضار اخويها من المدرسه عليها ان تحضر الغداء و تلبى الرغبات و تذاكر لاخواتها ،
اختها عايزه ماما تخيط لها زراير الفستان ، واخاها الصغير يريد ان يستحم ، ووالدها عايز شاى ، ووالدتها كالنحله لتلبى جميع الطلبات
و عندما ياتى المساء تلقى جسدها المكدود على السرير لتبدا رحله المعاناه ثانية فى الصباح

انها لا تريد تلك الحياه انها تريد خدما و حشما انها تريد ان تذهب للجيم والساونا و لمركز التجميل بدلا من العمل و المرمطه والبهدله

صحيح ان هذا العمل لوالديها وفر لهما مستوى معقول من الحياه يحسدهم عليه كثيرون

لكنها لن ترضى ان تنتظر كبنات خالاتها الذين تزوجن جميعا من موظفين عاديين ثم اصبحت كل امنيتهم ان ينتهى الشهر الذى ياتى فى ذيله شهرجديد

انها لن تحيا تلك الحياه ووسيلتها فى ذلك ان تجعل خالد يتعلق بها و لا يتركها و كانت تبذل فى ذلك كل الحيل وتسعى الى ارضائه بشتى

الطرق حتى لو على حساب كرامتها و عرفت طريق شقته يوما

كان والدها يتشاجر مع امها بصوت عال و يتجادلان بشان مصروف البيت فخرجت اليهما و قالت ارحمونا بقه من القرف ده

فلم يحس الاب بنفسه الا بعد ان نزل على وجهها بصفعه مدويه تلك الجاحده ،

بعد كل ما يفعله من اجلها تقول له بلا قرف هذا بعد دورانه فى الساقيه كل هذه السنين ليقدم لها ما تلبس و تاكل

و تحيا فى مستوى يقارب صديقاتها اللى ياما حرم نفسه عشان يدخلها معاهم مدرسه محترمة اما هى فما فكرت فيه كان مختلفا مش

كفايه مستحمله انى اقل واحده فى صحابى ، كل واحده فيهم عندها عربيه و بتصيف فى مارينا ، و مش حامله للدنيا هم

لبست فى ثوان و نزلت الى الشارع ولما سالتها امها انتى رايحه فين دلوقتى قالت رايحه لشيرين خرجت مخنوقه فى الشارع لا تدرى

اين تذهب هى تعرف ان شيرين مسافره الويك اند ده العين السخنه ، ناس عايشة............
.
.
.
ونعرف بقى هى راحت لمين الحلقة الجااااااااية ان شاء الله

والله الواد حسام دا راجل

اهو دا فعلا اللى الواحدة نفسها ترتبط بية

واحد مش يضحك عليها او يخدعها

حد يكون صادق فى المشاعر وفى الكلام

بس يارب ميفضلش يقولها ظروف يصدق بجد فى وعدة

وربنا يتولى منال ويحميها من خالد

الله يخدة انسان كداب ومخادع

وممكن تكمل انت كمان القصة

وبعدين احنا ملناش دعوة بالتلفيزيون

انت احسن منة بكتير

حط باقة الحلقات

يارب تنجح وتدخل طب وتبقى احسن من حسام

ههههههههههههههههههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههه حاضر هكمل بس فى ملحوظه حسام فى صيدله مش طب
بس تعرفوا حسام ده زى بالظبط ادعولى بقى الاقىشيرين ونكمل الحلقات

الحلقة الثالثة عشر

وهنا تفتق ذهنها ان تتصل بخالد..
و تحكى له و تطلب منه ان يقابلها فتعلل بانه مريض و ملازم الفراش وقال لها : ما تيجى انت

فقررت ان تزوره ( وماله زيارة المريض واجبه ) هكذا بررتها و هناك واجهت نظرات البواب المتسائله ، لكن خالد كان قد لقنها اسم جاره لهم طالبه فى الجامعه فقالته بسرعه و دلفت الى العماره و عند باب شقته ترددت و كادت تعود لكنها فوجئت به يفتح الباب كانه كان واقفا خلفه
و قالت : ايه ده يا خالد مانت زى الفل اهه
خالد وهو ياخذ بيدها : انا بقيت زى الفل لما انتى جيتى تعالى اتفضلى دخلت منال تتلفت حولها وتتساءل عن عاقبة ما فعلته بنفسها لكن ما حدث بينهما طول تلك الفتره كان مقدمة طبيعيه لهذا
عبر التليفون وخلال خروجهما سويا
احست فعلا انها زوجته ، كانت له كلها وكان بكاؤها بعد مكالمات اخرالليل اياها قد اختفى ، بعد ان اعتادتها ،
لذلك اصبح ما تفعله الان عاديا ، لقد جربته من قبل و رغم ضعفها و بكاءها وشكواها من والدها ، الا ان عقلها استمر يعمل ، و استطاعت ان
تحافظ على اقل القليل ، ليس حياء و لا خجلا
لكنها كانت اذكى من ان تفرط فى نفسها كلها بلا ثمن ، حتى ورقة العرفى كانت اذكى من ان توقعها
لقد قررت الاحتفاظ بخيوط اللعبه فى يدها هى و ليس فى يده و هكذا اعتقدت او صُور لها خيالها .....!

و فى منزل الحديدى..كان شريف يقاسى احزانه ، كل من فى المنزل احس بمدى الم شريف و صدمته....

فيمن ظن انها احبته لقد اكتشفت شهيره كذب لبنى التى قالت انها تحب شريف فى كل ما ادعته بمساعدة شوكت زوجها ضابط امن الدوله

فهى لا تسكن فى المهندسين بل فى بولاق ، و الداها منفصلان ووالدتها ليست صاحبة مركز تجميل بل كوافيره فى محل يملكونه

تحت منزلهم و لبنى نفسها كانت تساعدها احيانا فى المحل قبل ان تدخل الجامعه

كان هذا المحل يدر دخلا طيبا استغلته امها كله فى تلميع ابنتها و الباسها احدث الازياء

و اغلاها كانت لبنى هى مشروعها لاصطياد عريس ثرى

و كل ذلك كان من الممكن الا يعيبها لكن الذى عابها فعلا هو الكذب و الادعاء و محاولة الظهور بغير حقيقتها

و الادهى من ذلك انه عندما واجهها شريف بما عرفه لم تهتز و لم يطرف لها جفن

و قالت لو قلت لك الحقايق دة من اول يوم عمرك ما كنت حاتعرفني لكن دلوقتى انت بتحبنى و ممكن تسامحني

ما لم تعرفه عن شريف انه من الممكن ان يدوس قلبه بحذاءه قبل ان يسمح بان يكون مغفلا

و قد كان مقتنعا تماما بكلام شهيره عندما حذرته من انه لن يثق فيها يوما ، كيف يمكن ان يثق فيها و هى تكذب بمثل هذه الاعصاب البارده

حاولت شيرين ان تواسيه و كان قد مر اسابيع على صدمته ولكنه كان لازال حزينا

شريف : اللى مش مصدقه ان فيه انسانه ممكن تكذب باعصاب حديديه و ثابته كده

شيرين : انت لسه يا شريف بتفكر فيها

شريف : مش بافكر فيها كحبيبه لا هى صعبانه على كانسانه انتى مش حاتصدقى دى كانت ساعات بتتنطط على انا شخصيا

و تقولى بابى عمل و مامى سوت ، و انا خايفه يا شريف ما تعيشنيش فى نفس مستوايا تصدقى ؟

شيرين : انت لازم تنساها و تركز بقه انت فى اخر سنه و لازم تجيب تقدير زى العاده

شريف : بس انا خايف منها يا شيرين انا عايز اخطب ، باى طريقه ، هى مش سايبانى فى حالى سايقه على طوب الارض عشان نرجع لبعض و اسامحها و بتكلمنى بالساعات فى التليفون و انتى عارفانى

شيرين: طبعا عارفاك قلبك رهيف و مش ممكن تزعل حد

شريف : ايوااه عشان كده عايز اخطب عشان اتحجج بخطيبتى و ابعد عنها

شيرين : بس خطيبتك دى كده حاتتظلم

شريف : لا ابدا ، انا مش باحب لبنى ، انا عمرى ما حبيتها اصلا ، انا حبيت حبها ليا الجو الخيالى اللى كانت معيشانى فية احساسى انها ممكن تعمل اى حاجه فى الكون عشان ترضينى بس هوه ده اللى حبيته

شيرين : يعنى عاوزنا ندورلك على عروسه من الاخر

شريف : لا انا لقيتها ، حلوه و مؤدبه و عارفين اصلها و فصلها و اهلها محترمين و كفايه انهم عشرة عمر ، و على الاقل لسه ما لحقتش تلبس ميت قناع زى غيرها

دخلت شيرين غرفتها و تركت اخاها وهى تفكر بماذا أرد عليه ؟ انه يريد ان يخطب منال ،

و منال مرتبطه بخالد و اخبرتنى انه سيتقدم لخطبتها الصيف القادم لكن هل فعلا منال تحب خالد ،

ام انه عريس و السلام كما يقولون ، ان منال لا يبدو عليها انها تحبه ، لقد توقفت عن الحديث معه حتى لا تثار حولها الاقاويل ،

و هى لا تقابله و لا تكلمه حتى فى التليفون .هل من حقها على ان ابلغها ان اخى يود خطبتها ؟ هل ستترك خالد من اجله ؟

و فى نفس الوقت هل من مصلحة صديقتى ان ترتبط بشريف الان و هو محطم نفسيا من اثر صدمته فى لبنى دى ؟

وهل من مصلحة اخى ان يرتبط بانسانه تحب غيره ، حتى تركت غيره من اجله ؟

تساؤلات حائره ، لم تخلص بعدها شيرين الى قرار معين و نامت والافكار تتقاذفها ان هذه المسئوليه اكبر منها احسن حاجه تسال منال الولد خالد ده جاد ولا مش جاد معاها

منال برضه حبيبتى و شريف اخويا و كفايه انها سمعت كلامى لما نصحتها انها تبعد عنه

اما حسام فقد كان فى هذه الفتره يبذل ما فى وسعه فى المذاكره والتحضير للماجستير ،

وهو غير واثق أنه لو جاءته فرصة السفر سيقتنصها ام سيرفضها من اجل شيرين ليبق فى مصر

و يعمل جاهدا لجمع بعض المال حتى من الدروس ليستطيع خطبة شيرين

و فاتح حسام والدته فى موضوع الزواج و ووجدها فى قمة السعاده ،

و اخبرته انها ستبيع اخر ما تملك و هو بيت صغير فى السيده زينب لم ترد ان تبيعه طيلة هذه السنوات رغم انخفاض ايجاره تركته للزمن حتى ينفع يوما فى زواج حسام يا حبيبتى يا امى ،

يعنى سبتيه طول العمر ده رغم اننا ياما مرينا بزنقات ، عشان خاطر اليوم ده

اما شيرين فطلبت من شريف تاجيل التفكير فى منال قليلا حتى تجس نبضها و تعرف ان كانت مرتبطه

و قد حاولت بالفعل جس نبضها يوما

شيرين : انت ما عدتيش بتكلمى خالد يا منال و الا ايه؟

منال : هه بتسالى ليه؟

شيرين : لا ابدا اصله واقف من الصبح هناك حتى ما صبحش عليكى ايه الادب ده ؟

منال : بنتعلم منك يا ستى ، يا بتاعة المدينه الفاضله ، بالذمه فى حد فى الزمن ده مقضيها شات الا انتى بس

شيرين و قد اتسعت عيناها الجميلتان : امال انتى مقضياها ايه سعادتك

منال بارتباك : لا ابدا ، ده حتى الشات باقابله عليه قليل ، عشان المذاكره و كده

شيرين : انتى بتحبيه يا منال؟ يعنى لو كانت ظروفه وحشه و كده كنتى برضه حاتتمسكى بيه ؟

منال : مش عارفه يا شيرين ، بس لو ظروفه صعبه ما كانش ينفع نتجوز ، و انا مش حاعيش طول عمرى مستنيه سراب

شيرين : يعنى مش بتحبيه

منال : لا مش الحب الفظيع اللى ما بينيمش الليل زى حالاتك كده ، بس مستظرفاه و شايفه انه عريس كويس

شيرين ضاحكه : طيب و لو اتقدملك عريس اكوس منه

منال : هوه عاد فيه عرسان فى الزمن ده ، لو ما ربّطتيش وانتى فى الجامعه مع حد يبقى شكرا جزيلا ،

ان شاء الله لما يبقى عندك تلاتين سنه و عليكى خير و يجيلك بأه المطلق و الارمل ابو العيال

و اللى عايز يتجوز على مراته ما قدامنا يا بنتى النماذج دى

شيرين : لا فيه احسن منه و عايزك فعلا ، و انتى صاحبتى يا منال و حبيبتى من زمان و اتمنى لك الخير ،

و ما تتصوريش انا فرحت قد ايه لما رجعت عن اللى فى دماغك و بعدتى عن بخالد حسيت اد ايه انت قريبه منى

كفايه انى قدرت ارجعك لعقلك زى زمان

منال : انتى بتتكلمى جد يا شيرين جايبالى عريس ؟

ابتسمت شيرين و لم ترد

منال : من فضلك يا شيرين اتكلمى بقه ما تبقيش رخمه

شيرين : بس خلاص انتى مش بتحبى خالد صح ؟ بدليل انك عايزه تسمعى

لو بتحبيه كنتى ادتينى بالقلم على وشى هاهاها

منال : لو ما اتكلمتيش حاديكى بالقلم فعلا

شيرين : طيب اهدى يا ستى ، اللى كلمنى عنك الدكتور شريف الحديدى اخويا

مرت ساعات على لقاء منال وشيرين فى الجامعه

و مع ذلك لا تزال منال ساهمه منذ وصلت الى منزلها ، شريف الحديدى ، حلم بنات مصر كلها ، الطويل العريض الدكتور ،

لاعب الاسكواش اللى واخد بطولات ، شبيه كريم عبد العزيز ، ده انا كنت ماشيه مع صندل ..شيري عاوزني انا!!

انا طول عمرى نفسى يبص لى بس و لما كان يبص كنت انزل عينى فى الارض من كسوفى منه ،

ده احلى منى طيب و خالد ؟ اقوله ايه بس ؟ ده مغرقنى هدايا و بارفانات و فسح

فسح ايه يا عبيطه ؟

انتى عارفه يعنى ايه شريف هشام الحديدي؟؟

يعني العين السخنه ومارينا واسبانيا كمان لو عايزه عربيه فور باي فور وفرح في ماريوت ولا الفرو سيزون

يعنى تسكنى مع شيرين فى نفس العماره اللى كنتى بتتباهى قدام قرايبك انك بتدخليها

شريف ؟؟؟؟؟؟؟؟؟؟؟

معقوله ؟!؟ ؟

انا مش مصدقه نفسى وفى اليوم التالى طلبت منال من خالد ان تقابله فى بيته و كانت تنوى ان تجس نبضه

و ذهبت فى ميعادها و قد تجملت اكثر من اى مره قابلته فيه

و بينما هى فى منزلة سالته...........

خالد انت ناوى فعلا تخطبنى

خالد : ايه السؤال الغريب ده دلوقتى امال يعنى كل اللى بيننا ده ايه

منال : ايه كل اللى بيننا ؟ رد انت على السؤال ده

خالد : بحبك و حاتجوزك بس الظروف يعنى

منال : اصل بابا و ماما بدأوا يضيقوا على قوى فى الخروج و الدخول و كمان متقدملى عريس

رد خالد و قد انتفض و تركها و قام من مكانه....

عريس ....اه قولى كده بقه

بصى يا منال انا الرسم ده ما يمشيش معايا

عريس يا ختى روحى اتجوزيه الف بركه ، انا ما حبش اساليب الضغط بتاعة البنات دى اصلى انا مش تلميذ و لا اوعى تكونى فاكره نفسك ما حصلتيش و اللا حاجه

منال متباكيه : بس انت فهمتنى انى اول حب فى حياتك و اننا حانتخطب

خالد : بصى انتى كنتى عايزه تسمعى حاجه معينه فسمعتهالك و انا و انتى عارفين ان لسه قدامى سنين قبل ما اخلص كليه

و اعرف اتجوز العلاقه بيننا طول عمرها واضحه و صريحه هات و خد

منال : اصدك خد و خد انا اديتك كل حاجه خدت ايه منك ؟

خالد : برضه البت فاكرانى عبيط ، فسح يا ختى عمر اهلك ما حلموا بيها ،

هدوم و بارفانات كنت باحرم نفسى عشان اجيبهالك بالفلوس اللى بيبعتوهالى اهلى من بره

و غير كده دانتى ساعات كنتى بتبقى عايزانى اكتر مانا عايزك و لا ده كان تمثيل و عدة الشغل

منال : عدة الشغل ؟ ايه الكلام ده يا خالد انا عمرى ما تصورت انك تكلمنى كده ؟ انت عارف انى محترمه و ما عملتش كده الا عشان بحبك

خالد : بتحبينى اه ، هاها ضحكتينى و الله ،اوكى حبينى وانا كمان بحبك ، يعنى نقضى وقت لطيف سوا ، نخرج سوا ،

لكن تكلبشينى و تقولى لى عريس و بتاع ، مع الف سلامه و القلب داعيلك

منال : ده انت طلبت منى اتجوزك عرفى

خالد : ضحكتينى تانى ، ده انتى حتى العرفى ما كنتيش عايزاه ، عايزه تبقى براحتك ، خدى راحتك على الاخر يا ماما

و بعدين دى برضه عدة الشغل بتاعتى انتى فاكره ايه ؟

و حتى لو اتجوزتك عرفى ، عمرى ما كنت حاعمل معاكى علاقة كامله تهددينى بيها و لا تدعى انى اعتديت على الشرف المصون

منال : و انت كده ما اعتديتش على الشرف !!!!!

منال : بس انت فعلا اول واحد فى حياتى

خالد : انا ايش عرفنى ، انا قلت لك نخرج بالعربيه ، اوكى ، تعاليلى البيت ، قشطه يعنى ما غصبتش عليكى فى حاجه

و انا برضه حبيتك و ما نكرش انك حسستينى احساس غير اى واحده تانيه عرفتها

منال : بس كده ، و بعدين انت عرفت كام واحده ، انت مش قلتلى انا اول واحده تحبها

خالد : بصى يا منال انا مش حارغى كتير ، انا برضه باحبك و ما ستغناش عنك بس موضوع الجواز ده ، انسيه ،

و لو كان فيه عريس بجد يعنى ، اتفضلى اتخطبى ، و احنا برضه مع بعض زى ما حنا

منال : انت بتقول ايه ؟ ازاى يعنى اتخطب لواحد تانى و نفضل مع بعض

خالد : عشان خاطرى ما تعمليش فيها خضره الشريفه ، غصب عن عينك لما اعوزك حاتيجى ،

لحد ما انا ازهق منك و اسيبك بمزاجى ، انا ما ترميش يا ماما

منال و هى تلملم نفسها و تربط ايشاربها كى تمشى :انت مجنون و انا مش حاتكلم معاك ، انسانى خالص يا خالد و لا كانك عرفتنى ،

الحمد لله ان نجانى منك و انى ما كتبتش ورقه عرفى و لانيله كان زمانك ودتنى فى داهيه

خالد : احنا مش فى عصر الورق يا ختى ، احنا فى عصر البلوتوث اصبرى بس كده اوريكى حاجه اييه عجب

لم تدرى منال اين تذهب ولا الى اين تاخذها قدماها و هى تبكى فى الشارع بعد ما حدث و ظلت تسترجعه فى عقلها

و كلما تذكرت غطت وجهها بيديها اكيد ماحدث كان كابوسا و ستستيقظ منه الان و استمر حوارها مع نفسها .. معقوله خالد يعمل فى كده ؟

انا اديته الامان ، استامنته على نفسى ، معقوله !!انتي اللى غلطانه ، مين قالك تعرفى واحد لمده اسبوع و يبقى حياتك

و تكذبى على اهلك عشان تخرجى معاه و تقابليه .. كل البنات بتعمل كده ؟!!،

اشمعنى انا اللى حظى كده جايز عشان انتي اساسا بنت كويسه ربنا اراد يعاقبك عشان تفوقى

اه يا رب استرها معايا يا رب انا عارفه انى ما ستهلش الستر انا اللى فضحت نفسى بس عارفه انك انت حاتستر عليا

و لم تشعر الا و هى تشير لاحد سيارات الاجره و تعطيه عنوان شيرين صديقتها ،

حبيبتها ستعترف لها بكل شىء انها لا تستطيع ان تبلغ امها او اباها ،لا يمكن ، سيخرب البيت كله ،

و اخواتها ليس لهم ذنب ، سيتركون القضيه الاصليه و ينهمكون فى معرفة من فيهما اخطا فى تربيتها حتى تصبح هى هذا الكائن البشع
.
.
.
.
ونكمل الحلقة الجاية ان شاء الله

اولا انا عارفة انة فى صيدلة

انا بقولك يارب تدخل طب وتبقى احسن من حسام

وحسبى الله ونعمة والوكيل فى الحيوان اللى اسمة خالد

ربنا يخدة هو وكل واحد يضحك على اى بنت او يخدها يأسم الحب

وشريف صعبان عليا اوى

بس انا راى يسمحها وخلاص

اما انت يا هيما

انا مش مسمحاك عشان بتعزبنا عشان تحط الحلقات

يا فرحة اصرفى بقى خلية يحطها كلها

مش انتى المديرة هنا ولا اروح ادور على مدير يجبلنا الحلقات منة

تسلم ايدك يا هيما

يجد قصة راااااااااائعة

go on

[ندعوك للتسجيل في المنتدى أو التعريف بنفسك لمعاينة هذه الصورة]

الحلقه الرابعه عشر

ونكمل تانى .... وبعد ماراحت منال لشرين....

و عندما راتها شيرين اندهشت من شكلها و بكاءها فاخذتها مباشرة الى غرفتها و اغلقت الباب و سالتها :

فيه ايه يا منال

منال : بصى يا شيرين اول حاجه لازم تعرفى انى مش حاقدر اتجوز شريف اخوكى ابدا ابدا

و انى جايالك النهارده بصفتك صاحبتى و اختى و ماليش غيرك

اقفى جنبى يا شيرين الله يستر عرضك

شيرين : انا كده قلقى زاد ، بلاش شريف يا ستى ، ده انا حتى لمت نفسى كتير بعد ما قلتلك ،

حرام يعنى تسيبى واحد بتحبيه عشان واحد اغنى منه او ظروفه احسن ، حتى لو خالد مش عاجبنى كان المفروض انى اقف جنبك

قاطعتها منال :

اسكتى ما توسخيش لسانك بسيرته انا فى مصيبه يا شيرين مصيبه بصى انا كذبت عليكى يا شيرين

انا كنت باقابل خالد كل يوم تقريبا بس بره الجامعه

فى عربيته و فى كافيهات ، و ......فى بيته بس و الله العظيم ما حصلش حاجة

و عادت منال تستدرك:

لا حصل ..حصل حاجات مكسوفه اقولها بس انا لسه انسه ، المصيبه دلوقتى انى مش عارفه اسيبه عشان ..! صورنى على الموبيل ....

انا ما ستهلش تبصيلى ، مش انك تكونى صاحبتى مش عايزه الوث انسانه جميله زيك بحاجه زى دى ..

انا ما ستاهلكيش يا شيرين وما استاهلش اكون صاحبتك

الى هنا و انهارت منال على ركبتيها على ارض الغرفه

فنزلت شيرين الى جوارها و قد المها ما اصاب صديقة عمرها و احاطتها بذراعها وهى ذاهله و غير مصدقه
منال ؟
صاحبة عمرى ؟
تكذب على و تعمل كده فى نفسها!!
و عشان مين و عشان ايه ؟

لكنها لم تواجهها باى خاطره من هذه الخواطر و لكنها قالت فى حزم

بصى يا منال اللى حصل حصل ، و انتى غلطتى و عرفتى غلطك المهم دلوقت نتصرف هوه حاطط الحاجات دى على ايه

منال باكيه :قاللى انه حاططها على كل حاجه ، ميمورى كارد بتاع الموبايل و سي دى ، و على الهارد ديسك بتاع الكومبيوتر

و هوه لما شغلهولى شغله على شاشة الكومبيوتر و لما حاولت اكسره

قاللى انه عنده منه الف نسخه و انه حايفضحنى و حاينزله على النت و حاينزل معاه اسمى ....

شيرين : تعالى معايا دلوقتى حالا

منال : حانروح فين انا مش عايزه اروح البيت ارجوكى

شيرين : تعالى بس حانروح لشهيره انا واثقه ان هى اللى حاتحلها ، دى جريمه اللى عايز يعملها دى ، و بعدين انتى ناسيه ابيه شوكت مين ، و والده مين كمان فى البلد

انصاعت منال لشيرين و صعدت معها لشهيره

شهيره : انت ازاى يا منال يا مجنونه تعملى كده فى نفسك يعنى من كلامك انتى عملتى فالحه ومارضتيش توقعى الورقه العرفى اهه ربطك باللى انيل منها

منال : يعنى هوه كان عايز الورقه العرفى عشان......

شهيره : طبعا ياختى امال انتى كنت فاكراه خايف من الحرام زى ما قالك دى حاجه كان عايز يربط سعادتك بيها و وقت ما يرميكى يقطعها و خلاص

انفردت شهيره بمنال بعد ان طلبت من شيرين ان تدخل لندى ابنتها حتى تلهيها عن الخروج و سماع الحوار

و التفتت لمنال
:
منال هاتى عنوان الواد ده بالتفصيل و سنه اد ايه و كل حته تتوقعى انه ممكن يكون شايل فيها نسخ من التسجيلات دى ،

و ممكن لو سمحتى بقه شيرين مش هنا ، اعتبرينى امك و قولى لى انتى وصلتى لحد فين مع البنى ادم ده

منال : سنه عشرين سنه ، و الله زى ما قلت لك يا شهيره ،

شهيره : منال انتى لسه قاصر ما كملتيش تمنتاشر سنه لكن هوه كمل ، لو عمل فيكى حاجه انا حودى اهله كلهم فى ستين داهيه

منال : و الله ما فيش الا اللى قلته لك يا شهيره

انتى بجد ممكن تساعدينى ؟؟؟

شهيره : ربنا يسهل بس اكتبى العنوان بالتفصيل و تليفونه كمان

اتت شيرين و وجدت منال قد هدات قليلا بعد ان وعدتها شهيره انها ستتصرف و قامت لتذهب لبيتها

شيرين : اغسلى وشك يا منال عشان ما حدش عندك فى البيت يلاحظ ، انا حالبس و اجى اوصلك بالعربيه عشان مامتك تطمن انك كنتى معايا فعلا

منال : انت عارفه يا شيرين ، انت ما فيش منك اتنين فى الدنيا دى ، حساسه و طيبه و حنينه ، ربنا يخليكى لي يا حبيبتى

و كانت شيرين لا تعفى نفسها من المسئوليه عما حدث لمنال ، كان يجب ان تحس بها اكثر من ذلك ،

كان يجب ان تقف الى جوارها وتساندها حتى لا تكون عرضه لاشكال مثل خالد..لا وقت للندم الان ، يا رب تقدرى تعملى حاجه يا شهيره يارب

و فى نفس الوقت كان حسام يدور على السماسره و يستعلم عن اسعار العمارات القديمه فى منطقة السيده ليعرض المنزل القديم للبيع ..

و فكر فى ان يمر بالشارع ليرى المنزلو هناك عرف من بعض الجيران ان المحافظه اتى مندوبوها اكثر من مره لانه يجب ازالة المنزل

لكونه خطرا بعد انهيار المنزل الملاصق له و ان قرار الازاله وقع احد سكان الشقق المؤجره باستلامه ،

و اخفى عنهم هذا الخبر حتى لا يتم اخلاء المنزل

وذلك معناه ان المنزل ثمنه زاد حوالى عشر مرات لانه سيباع ارض فضاء بدلا من عقار مؤجر بالكامل ،

واتصل حسام باحد اصدقاءه المحامين الذى اكد له انها مسألة وقت و يتم اخلاء السكان

و جرى من فوره ليخبر والدته : ماما مش حاتصدقى يا ماما اللى حصل

الام : خير يا حبيبى ، ايه اللى حصل ربنا يفرحك يا ابن عمرى يا رب

حسام : ماما البيت حايتباع ارض يا ماما و ثمنه حايبقى عشر اضعاف ما كنا فاكرين ده ممكن يوصل مليون جنيه يا امى

الام : اللهم لك الحمد و الشكر يا رب ، صحيح صدق الله العظيم لما قال

(و كان ابوهما صالحا)

انت ابوك كان صالح و عمره ما مد ايده على الحرام رغم انه كان فى امكانه ، عشان كده ربنا بارك فى ابنه من بعده

و بقه دكتور و قمر و كمان غنى يا حبيبى يا بنى الف مبروك

حسام : مبروك علينا يا ماما انتى لازم تحجى السنه دى باذن الله ، انا و انتى حانحج مع بعض يا ماما ، مش دى امنيتك طول عمرك

الام : يا ريت يا حبيبى ، لو فضل حاجه بعد مصاريف جوازك احج بيهم

حسام : انتى قبل جوازى و قبل كل حاجه فى دنيتى يا حبيبتى يا امى

و انهار يقبل يديها و هى تحتضنه و لا تستطيع منع نفسها من البكاء لقد صبرت كثيرا و جاهدت نفسها كثيرا حتى لا تبيع هذا المنزل

و اكبر مبلغ عرض عليها كان عشرين الف جنيه من ثلاثة سنوات فقط لا غير .. لكن الله كان يعلم بها و باليتيم الذى تربيه و كان ارحم بهما من نفسيهما

و لم يطق حسام فرحته فاتصل بشيرين رغم انه نادرا ما يفعلها كانت شيرين تقود سيارتها عائده الى المنزل

شيرين : الو ،ايوه يا حسام

حسام : ايوه يا حبيبة حسام ، يا روح حسام ، اقولك حاجه يا خطيبة حسام

شيرين بسعاده لم تستطع اخفاءها : ايه اللى حصل ، انت حتى مش متعود تطلبنى ع الموبايل

حسام : بصى يا شيرين انا ما طلبتش منك اى طلب قبل كده صح ؟

شيرين : صح

حسام : طيب انا عايز اشوفك و اكلم معاكى و لو عشر دقايق بس ممكن ؟

فكرت شيرين و قد كانت لسه متغاظه من جنس الرجال كله بعد ما حدث مع منال

شيرين : ليه فيه حاجه يا حسام ما تقولها فى التليفون

حسام : انت صوتك مش عاجبنى

شيرين : فعلا انا متضايقه فى مشكله كده عند واحده صاحبتى و نفسيتى تعبانه شويه

حسام : يعنى مش ممكن اشوفك

ثم تذكرت ان هذا هو حسام و ليس خالد ، و انه يغار عليها من الهواء ،

و يرفض ان يتكلم معها فى اى موضوع خالص طوال تواجده فى منزلهم رغم انه يقدر لم لا ، انها تحتاج ان تراه

شيرين : طيب بص يا حسام انا رايحه نادى الصيد بعد شويه انا و ندى بنت اختى عشان عندها تمرين ، ممكن استاذن شهيره و اشوفك هناك

حسام : بس انا مش عضو فى الصيد

شيرين : حاسيب اسمك على البوابه و انت بس قول انا ضيف هشام الحديدى

حسام : الساعه كام ؟

شيرين : يعنى على سبعه و نص كده عشان معاد التمرين الساعه سبعه

حسام : عايز اقولك حاجه بس مش حاقولها دلوقت لما اشوفك

شيرين : خلاص اوكى حاستنى اسمعها لما اشوفك

هامت شيرين فى الاغنيه التى كانت تسمعها و هى تحلم بحسام و ماذا ستلبس و ماذا ستقول له حسام قاللى انى خطيبته ! يا ترى فى ايه يا حبيبى ؟ عاوز تقولى ايه ؟

كل هذا الوقت قد مر بين حسام وشيرين بدون حتى ان يلمس يدها بدون ان ينطق كلمة احبك ،

فقط كتبها على الشات كان يخشى ان يلمسها حتى لا يخدشها

لقد وعدها ان يلمس يدها اول مره يوم ان يملك ثمن الشبكه ،

و الان يا ست البنات ، ساحضر لك احلى شبكه ، لن تكونى اقل من اخوتك يا عمرى كما كنت اخاف ، بل ستظلين ست البنات

وقفت ندى تتقافز حول شيرين وهى ترتدى ملابسها

ندى : ياللا يا أنتى حاتاخر ع التمرين ، الكابتن حايزعقلى ، يا ربى كل الناس فى الدنيا بتزعق ، مامى و بابى و الميس و لين ذا ميد

و كمان جابولى الكابتن فيلكس انا ناقصه يا ربى

اخذت شيرين تضحك بعصبيه وقد بدات تحس شعور راكب

الطائره وهى تهبط ، مع الفارق انها بقالها ساعه حاسه بيه من ساعة ما قفلت السكه مع حسام و الطائره لسه بتهبط

وردت على بنت اختها
:
حتى لين الشغاله بتزعق يا نودى ، ايه ده انتى متبهدله فى الدنيا خالص خالص هاهاها

و انتهت شيرين من ارتداء ملابسها و لم يفت ندى الأروبه

ان تتساءل لماذا لا ترتدى التريننج سوت مثل كل مره ،

وتتساءل عن اناقة خالتها هذه المره ..ووصلت النادى قبل الميعاد بنصف ساعه و تركت اسم حسام لدى الامن

جلست شيرين بجوار البيسين اثناء تمرين ندى كما وعدت

اختها ، انها تخاف على ندى كما لو كانت ابنتها و بعد دقائق بدت طويله جدا ، اتى حسام و ما ان راته حتى

زادت ضربات قلبها و احست بشهيقها يزداد حده كانها تنهج و كانها تجرى منذ سنين لتقابله و ما ان صار امامها مباشره حتى مد يده للسلام عليها لاول مره
فى حياتهما و هو يهمس

بحبك يا شيرين
.
.
..
....

وووووووونكمل بقى الحلقة الجاية ان شاء الله

اللللللللللللللللله

حلو اوى كلمة بحبك

كمل بقى يا هيما

عايزة اعرف هيقولها

اكيد هيقولها كلام حب

حط حلقنين اوى ثلاتة

وربنا مع منال

ويخدلها حقها من خالد

بس سيبك من خالد ومنال

خلينا مع شرين وحسام

كمل بقى والله والله والله كمل يا هيما

[ندعوك للتسجيل في المنتدى أو التعريف بنفسك لمعاينة هذه الصورة]

هيما بجد حرام عليك

انا كل شوية ادخل عشان اكمل القصة

مش بلاقى حاجة

انت فين حط الباقى

عايزة اعرف الكلام اللى هيقولة لشرين

اكيد بقى هيقولها بحبك وكدا وهما قاعدين قدام البسين

يلا بقى احسن انا مش عارفة هعمل فيك اية

ممكن اتهور ومعرفش اية اللى هيحصل

[ندعوك للتسجيل في المنتدى أو التعريف بنفسك لمعاينة هذه الصورة]

فعلا الله اجمل كلمه ممكن حد يقولها او يسمعها
الحلقتين اللى جايين دول اجمل حلقتين استمتعوا معاى بيهم بس جهزوا مناديل قبل ما تقروهم وهتعرفوا ليه
الحلقة الخامسة عشر

حسام :
درت فى النادى العريق كما لو كنت تائها منذ ميلادى ابحث عنها .. و............ وجدتها

بدون ان اكلمها او اسالها اين انت ، و جدتها الله الذى جمعنا بغير ميعاد هدانى لمكانها دون سؤال..و ما ان رايتها ،

حتى احسست انى وجدت نفسى ، اكملت وجدانى لم يكن ليكتمل الا بها لذلك عندما سلمت عليها

و اطراف اصابعى لمست اناملها الرقيقه

لم استطع ان انطق بعبارة ترحيب و انتهى منى الكلام كله .. و ظلت جمله واحده تلح على عقلى و قلبى

بحبك يا شيرين

ردت على :

بحبك يا حسام

يا الله ، قد نكون نعلم بحب الحبيب ، وقد نكون متاكدين تماما من ذلك لكن سحر هذه الكلمه عندما نسمعها اول مره و حتى للمره المائه رنينها فى قلبى
و صداها فى كيانى
جعلنى عاجز عن الرد غير بكلمه واحده:
اه
شيرين : سلامتك يا حسام

حسام : ده انا خفيت

شيرين : بس انت بتقول اه

حسام : ده اهة الشفا

شيرين : الشفا من ايه ؟

حسام : من كل حاجه حصلتلى قبل ما تقولى باحبك من كل دمعه بكتيها

من كل ظلم و كل الم و كل ضيق مر بى فى حياتى قبل ما تقولى احبك عالمى كله ، الكون كله اختلف ، بعد ما قلتيلى بحبك

ردت شيرين و قد امتلات عينيها بدموع ارادت بشده اخفاءها في صدره:

بحبك يا حسام حقيقى بحبك

طالت لحظة الصمت بينهما وترقرقت الدموع فى عيناهما في نفس الوقت

يا الله انت خلقت هذه الدموع ليس فقط للحزن و لا ايضا للفرح

للشعور و الاحساس

لكل من لديه قدره ان يشعر و ان يحس و بدون كلام احسا ان وقفتهما قد طالت
و انهم بعد قليل سيحدث لهم احد امرين

اما ان ينهارا بعد ان تفقد سيقانهما القدره على الاحتمال
او ان يطيرا بعيدا على جناحى الحب
اتجها للطاوله القريبه من حمام السباحه

و فى اثناء ذلك كانت شيرين تفكر :
لما لمس ايدى ، و سلم على ، دى ما كانتش لمسه ، ده كان عهد كان وعد

كان بيقولى انا ليكى طول العمرعينيه قالت كده ايديه قالت كده

مش حاسلم عليكى الا لما اتاكد انك حاتبقى لى

ده كلامه و ده وعده

يبقى اكيد هوه بطريقة ما اتاكد انى حاكون ليه ولقيت نفسي ولاول مره في عمري
مش عارفه اسيطر على مشاعرى و باقول

باحبك يا حسام

و كنت لسه حاندم على تسرعى لكن لما شفت عنين حسام بعد ما قلتها لما شفت فيها دموع رقيقه حزينه و سعيده فى نفس الوقت

دموع طفل يتيم لقى امه ....كل الاقنعه وقعت ......وفضل قدامى طفل .....محتاج حبى ....محتاج حنانى

وبعد ما كنت حاندم على الكلمه لقيتنى بارددها تانى:

باحبك يا حسام

حسام : اول مره يا شيرين تقوليها

شيرين : و اول مره اسمعها منك الظاهر حروف الكلمه دي ورنينها في الودن له تاثير معين مختلف تماما عن قرايتها

حسام : صح ، انا برضه لما سمعتها منك

حسيت زى مايكون مسكت نجمه من السما

زى مايكون طول عمرى حته بازل تايهه فى
الدنيا مش لاقيه مكانها فى اللوحه ولما قلتى بحبك لقيت مكانى جنبك طول عمرى
قولى تانى يا شيرين بتحبينى ؟

شيرين : لا ، اكتر من الحب

حسام : زى اللى فى قلبى ؟ عشق ؟

اومات شيرين براسها : عشق

اغمض حسام عينيه و استسلم لشعور اقوى من الكلام
و احس فعلا انه يريد ان يصرخ و يملا الكون اهات

حسام : انت عارفه ليه طلبت اقابلك ، و ليه سلمت عليكي ولمستك ل اول مره في عمري

عشان النهارده بس اتاكدت انى اقدر باذن الله تكونى لي ، تكونى حبيبتى و مراتى طول عمرى

شيرين : كده ياحسام ؟ النهارده بس ؟

حسام : ايوه يا شيرين ، ما كنتش اقدر ارتبط باميرةاحلامى من غير ما اقدملها اللى يليق بيها مع ان الكون كله قليل عليها

شيرين و قد احمر وجهها و قاربت على الاغماء:

ارجوك يا حسام كفايه انا مش حاقدر استحمل كل الفرحه دى حقيقى قلبى مش حايستحمل ، انت قصدك ايه

حسام : قصدى يا حبيبتى ، يا ملاكى ، ان اكبر خوف عندى انى ما قدرش اشرفك قدام باباكى و اخواتك وماقدرش اقدملك شبكه تليق بيكي وعش جميل يضمنا

شيرين : بس انا قلت لك ان الفلو...........

حسام مقاطعاً : انت تقولى براحتك ، انا كنت حابيع عربيتى و كل ما املك عشان اجيبلك على الاقل شبكه ..لكن دلوقتي الحمد لله

اكتشفت ان ابويا الله يرحمه كان سايب اللى يكفينى و يسترنى لحد دلوقتى

و يخليكى راسك مرفوعه قدام اخواتك و اهلك كلهم..انا خلاص مش هاقدر استني

انا حتى شايف ان قعدتنا دى مش من مقامك رغم اننا وسط الناس و فى نادى

لكن انتى مقامك تكونى قاعده بسمع خطيبك

ارتعشت شيرين لسماعها الكلمه وقالت لنفسها و الفرحه لا تسعها يا رب فرح كل البنات ، دى حقيقى كلمه جميله اوى ، خطيبى ، حبيبى

و لم تجب بكلمه لكن عيناها اجابت

و التقطت عيناه اشارات عيناها الجميلتان

فلم يزد كلمه فقط ظل يتطلع اليها ، و يتعجب من الحب انه يراها اجمل فتاه فى العالم ،

اجمل من سندريلا و كل اميرات الحكايات

اكيد كل اميره من اميرات الحكايات لم تكن اجمل من شيرين فقد وجدت من يحبها

و يرى هذا الجمال داخلها

وخرج ليروى للعالم قصته التى راها بعينيه هو

و لو كتب حسام قصته لوصف شيرين باوصاف ليست موجوده علي الارض

لكنه دائما احس بشىء اكبر من جمال شيرين الخارجى

انها جميله من الداخل للخارج اي ان طيبتها و اخلاقها ، ابى الله تعالي الا يكملها بجمال صورتها

و لولا تلك الطيبه و ذلك القلب الابيض و التصالح مع الدنيا والناس

ما بلغت شيرين هذه الدرجه من الجمال و الشفافيه

انه الان يحس احساسا غريبا

يخاف عليها>>>نعم يخاف

يخاف ان يفقدها ، يخاف ان يفترق عنها

يخاف ان يحول نظره عنها فيعود ليجدها

حلما و انتهى

و بعد قليل جاءت ندى تجرى بالمايوه و تنثر الماء على خالتها و اتت وراءها الداده لين

ندى : أنتى انا حاخد دش ...... سورى يا أنتى ما خدتش بالى ان فيه حد مع حضرتك
قالت العباره الاخيره بخبث

بادر حسام : هوه حضرتك بقه ندى ، اللى خالتك اصدى انتى بتموت فيكى ؟

ندى : ايوه انا ندى و حضرتك مين يا فندم

حسام : انا الدكتور حسام

ندى : هوه ده يا أنتى دكتور حسام اللى بيدى حضرتك درس و بتحبسينى جوه فى الليفنج لما ييجى

شيرين : ايوه يا رغايه البسى بقه لحسن تبردى
و اعطت اوامرها للشغاله كى تاخذها للدش و تغير ملابسها

لكن ندى امسكت البرنس و جففت يدها:

اسلم الاول على انكل حسام

مد حسام يدها ضاحكا : على فكره يا ندى انتى شبه أنتى شيرين بالضبط و عينيكى نفس عينيها

ندى : اه ما هو جدو ونناه و كلهم بيقولو على كده

شيرين : و دى حاجه باسطاكى و لا مزعلاكى

ندى : أزعل ، ده حضرتك أمر يا أنتى ........قبلت ندى خالتها و همست لها فى اذنها ....ايوه يا عم
و ذهبت لترتدى ملابسها

و انتبه حسام انه مرت ساعه على لقاءه بشيرين لقد احس بها دقيقه لحظه

حسام : انا مش عايز امشى يا شيرين انا نفسى اكمل عمرى هنا كله و ما روحش حته تانيه خالص بس لازم تمشى عشان اطمن عليكى
و عشان اكيد ندي عندها مدرسه بكره وماناخرهاش
بس من فضلك انا عايز نمرة باباكى

شيرين و قد عاد لها احساس هبوط الطائره اقوى ما يمكن:

على طول كده يا حسام طب استنى شويه انا مكسوفه من بابى اوى

حسام : و انتى ايه دخلك بالموضوع انا معلش مش حاقوله انى كلمتك خالص فى اى حاجه
انا بس حاطلب ايد بنته و باباكى حايقولك
احنا ما عندناش بنات تقول لا
لازم تتجوزى حسام

شيرين : يا سلام على الثقه

رد حسام بابتسامه خائفه : ثقه اه صحيح ، انا بس باحاول اطمن نفسى
انا لو عندى بنت زيك عمرى ما اديها لحد ابدا ابدا..ربنا يكون فى عون باباكى

احمر وجه شيرين مره اخرى و كانت ندى قد حضرت و هى تنظر لها تلك النظره الخبيثه
و مد حسام يده للسلام على شيرين
.
.
ونكمل الحلقة الجاية ان شاء الله

الحلقة السادسة عشر

و نظرت شيرين الى يده كمن يهم بركوب ارجوحه خطره من مراجيح الملاهى و هى تتوقع احساس هبوط الطائره اقوى مايكون الان .. و عندما استقرت كفها الصغيره فى راحته همس مره اخرى:

مش قادر اقول مع السلامه و لااى حاجه..بصى هى برضه بحبك مش قادر اقول غيرها

كانت ندى قد اقتربت بما يكفى لكى تسمعهما لذلك حركت شيرين شفتاها بالكلمه دون ان تهمس لكنها وصلت له وسحبت كفها و مضت من امامه

وقف ينظر اليها و هو غيرمصدق ان هذا الكائن النورانى ممكن ان يكون له فى يوم ما..يا رب قرب البعيد يا رب

فى نفس الوقت كانت منال تبكى فى غرفتها على حالها .. لقد عاقبت نفسها بابلاغ شيرين بالذات عما حدث لها كان من الممكن ان تختار اى شخص اخر......
لكن الله فى هذه اللحظه لم يجعلها ترى غير شيرين كى تفضح نفسها امام شيرين وكذلك شهيره اختها كى تعاقب نفسها بحرمانها من شريف للابد .. انها تستحق ذلك و اكثر..كيف انساقت وراء اوهامها!! أكانت مخدره!!
أم كانت فعلا تحب خالد...لا ابدا لم تحبه ،لم تشعر بذلك الشعور الغريب الذى حكت عنه شرين..فقط بالاثاره و المغامره واحساسها انها تخرق قوانينا تربت عليها منذ الصغر .. و هى الان راضيه و ستتقبل ما يحدث مهما كان حتى لو فضحها الله امام الناس جميعا ستتحمل عقابه صابره علها تكفر عن ذنبها ..و ستطرح من عقلها فكرة الارتباط و الزواج .. حتى تستطيع ان تبنى نفسها وشخصيتها و ستذاكر حتى تسقط من التعب كما اعتادت لابد ان تثبت لنفسها قبل الناس انها ليست فتاه سيئه
و فى منزل خالد كان يدخن سيجاره امام الحاسب
و بينما هوجالس أمام جهازه سمع طرقا شديدا على الباب فاغتاظ و قام ليفتح و هو يشتم

خالد : مين الحمار اللى بيخبط كده ايه دا...؟

و فتح الباب ليفوجأ بصول شرطه بعرض و طول الباب يلهفه قلما على وجهه

الصول : مين ده اللى حمار يا حيوان

و دخل عسكرى و ضابط شاب

قال خالد و هو يتحسس وجهه : فيه ايه يا باشا اكيد انتم جايين غلط

الضابط : انا الضابط حازم حسين من امن الدوله يا خالد و ما بنجيش غلط احنا......

خالد : لا انا مواطن و من حقى انى ما نضربش بالقلم فى بيتى

وهم الصول بان يضربه مره اخرى لولا ان حازم اوقفه

حازم : طيب طالما ما يرضيكش تنضرب فى بيتك ياللا يا حبيبى معانا نوضبك فى امن الدوله

خالد : انا مش حاتحرك من مطرحى الا لما اكلم المحامى بتاعى فين اذن النيابه فين......

قاطعه حازم : بص يا خالد انا مش بقولك انا قسم الشرابيه .. بقولك امن الدوله يعنى قانون طوارىء يابنى..و احنا جالنا بلاغ انك ارهابى و بتتأمر مع مجموعه ارهابيه هدفها تكدير الامن العام

خالد:تكدير الامن العام

يانهار اسود تذكر خالد هذه الكلمه و ان اخر واحد يعرفه اتهم بها اتكدر بقية عمره بعد ان اتفضح
فضيحة اللحمه فى السوق

خالد : يا باشا ارهاب ايه بس انت شايفنى مربى دقنى ده انا صايع اساسا

حازم : انت حاتشتغلنى يااااد ما خلاص كلكو بطلتوا موضوع الدقن ده.....انت عندك هنا فى البيت على الكومبيوتر والسيديهات خطط كامله
و خرايط لمناطق مستهدفه وطرق صناعة قنابل و كمان مخبى اسلحه .......ايه رايك ؟

انهار خالد و هو يصيح : و الله ابدا ، ده انا صايع و بتاع بنات
دول مسميني في الحته خلوده، فى ارهابى بالذمه اسمه خلوده
اقول لسعادتك اسال البواب..ده انا متفق معاه على سيم كده بينى و بينه..لما البنت تقوله طالعه عند عبله مصطفى يخليها تطلع عندى و باديله قرشين كل مره شفت بقي اني صايع..طب انت دخلت على سهوه اهه بص

خالد : اقولك ياباشا هاتلي الاداب طيب بس امن دوله لااااااااااا

امر حازم العسكرى و الصول : صادرولى الجهاز ده

و انطلق بعدها العسكرى والصول الى اماكن محدده فى الشقه ذهل خالد من معرفتهم لها ليجمعوا كل شرائط الفيديو والسيديهات و اسطوانات الدى فى دى و حتى الاى بود و الام بى فور طلبوها منه

حازم : فين سلسلة مفاتيحك ، و موبايلك

خالد :اهيه يا باشا كلها اهيه

قام حازم باخراج فلاش ميمورى كانت معلقه بالسلسله ثم اعطى المفاتيح للصول كى يتم تفتيش سيارة خالد ، و كذلك قام باخراج كارت الذاكره من داخل الموبايل
قام بمسح ذاكرة الهاتف تماما وانصرف بعدها حازم مهددا خالد اذا حاول الهروب خارج مصر

و اخبره انه سيعيد اليه الاجهزه التي اصبحت احرازا بعد تفتيشها

أنه شك في صدق البلاغ ولن يقبض علي خالد.....ولكنه جعله يوقع اقرارا بعدم السفر خارج القاهره حتى انتهاء الفحص

وبعد انصراف الضابط جثا خالد على ركبتيه يبكى مثل الطفل الصغير

الحمد لله كنت حاروح فى داهيه لكن دول سابونى ازاى خدوا الحاجات و مشيوا دول باين عليهم حراميه لا يا واد حازم ده كان شكله ضابط ضابط يعنى و بعدين لو حراميه كانو خدوا العربيه و الموبايل و كل حاجه مش بس الحاجات دي..

ظل لساعات يتخبط من الحيره ثم فكر فى منال ، ليست منال فقط......كل بنت ظلمها وصورها دون علمها، زمانهم اتفضحوا دلوقتى>>>> و فين عند الحكومه

تفتكر يا واد يا خالد حايشدوك عشان الفيديوهات دى ايه يعنى دى استخدام شخصى وانا باتسلى انا حر ..

وبعدين دول امن دوله مالهم ومال الحاجات دي

و بعد ساعه كانت كل هذه الاحراز امام العقيد شوكت وهو يشكر حازم على اداءه هذه المهمه السريه التى كلفه بها و قام شوكت باحضار خبير كومبيوتر مسح ذاكرة جميع الاجهزه و اتلاف السيديهات والفلاشات
و قد كان الخبير معتادا على هذاالصنف من الاحراز فلم يستغرق دقائق فى اعادة الاجهزه كماخرجت من المصنع بدون اى ذاكره
بعدها قام حازم بارسال جميع الاجهزه مع الصول لخالد مره اخرى
سلم الصول الاجهزه لخالد و كان ينوى الانصراف

لكن خالد استوقفه عندما قال:-
شفتو بقه انه طلع على فشوش ، ده انا خلوده

استدار الصول و كان ابا لثلاث بنات دفع خالد

و دخل وراءه الشقه و اغلق وراءه الباب
.
.
.
.
وبعد كدة عينكوا ماتشوف الا النور على الى حصل.....ههههههههههه
نكمل بقى الحلقة الجااااااااااية ان شاء الله

والله العظيم الواد خالد يستاهل اكتر من كدا

احسن ربنا يمهل ولا يهمل

دا جزاء كل واحد ظالم وبيلعب ببنت

واكيد الصول عمل الواجب زيادة

هههههههههههههههههههههههههههه

بس خلينا فى حسام وشرين

الله عليهم وعلى حبهم

جميل اوى بدل ما يسلم عليها

يقولها بحبك

يلا بقى كمل كمل كمل

عايزة اعرف هيروح لباباها امتى

ومنال هتعمل اية يا ترى

كمل يا هيما وانا ادعيلك

ربنا يكرمك انت كمان بشرين

[ندعوك للتسجيل في المنتدى أو التعريف بنفسك لمعاينة هذه الصورة]

متستعجليش يا حنان لسه فى مفاجأت كتير والقصه لسه مشوقه اكتر واكتر
بس انا عايز اسال على فرحه هى فين بقالها يومين مش ظاهره يا ترى فينك يا فرحه
اما خالد بقى كفايه عليه اللى اتعمل فيه ههههههههههههههههه
مش هقولكم هو ايه ربنا يكتبلكم كلكم حب زى حب حسام وشرين وانا كمان يارب
هكمل باقى الحلقات حاضر

فعلا عندك حق فرحتى اختفت مش عارفة راحت فين

انتى فين يا فرحتى

ربنا يطمنا عليها

كمل بقى يا هيما

[ندعوك للتسجيل في المنتدى أو التعريف بنفسك لمعاينة هذه الصورة]

يعنى كدا ينفع يا هيما

فين باقى الحلقات

يعنى انت هدوخنا على الحلقات

ولا مش هنحطها غير لما فرحتى ترجع

ارجع يا فرحتى

حنان تناديكى

وحياة حسام وشربن يلا ارجعى

عشان هيما يكمل

ممكن كبتن طيار مهندس محامى دكتور

تكمل الحلقات وحط اتنين مش واحدة

[ندعوك للتسجيل في المنتدى أو التعريف بنفسك لمعاينة هذه الصورة]

الحلقة السابعة عشر

فى طريق عودته الى منزله ارسل حسام
لشيرين اغنيه على هاتفها المحمول لتسمعها طوال طريق عودته

نفسى الاقى كلمة تانية غير بحبك اقولها ليك

كلمة توصفلك ياعمرى قد اية احساسى بيك.........

طار حسام على جناح السعاده حتى وصل الى منزله كان وجهه يشرق ببريق جديد لم تره امه من قبل

و عيناه تلمعان كأنة ملك الدنيا وشفتاه فى مشروع دائم لابتسامه ، يحاول جاهدا اخفاءها نظرت امه فى وجهه وعرفت

و دعت:
الهى يسعدك يا حبيبى

رد حسام فى خجل:
اطمنى يا ماما انا عمرى ما كنت اسعد من كده فى حياتى

الام:
انت كنت معاها يا حسام صح ؟

رد حسام بتردد و قد كره ان تعرف امه ملابسات لقاءه بشيرين
قد تظنها فتاة سهله تقابله بسهوله

حسام : مش بالضبط يا ماما بس انا مبسوط عشان حاقدر خلاص اقابلها ان شاء الله قريب
انا طلبت منها انى اكلم والدها خلاص

الام : احنا نعرفهم يا بنى قصدى انا اعرفهم

حسام : ما اعتقدش يا امى و لو انهم كانوا زمان ساكنين فى المنيل هنا قبل ما شيرين تتولد و بعدين نقلوا المهندسين

الام بقلق : اه المهندسين ربنا يكرمك يا بنى و يقدرك

حسام : حلوه الدعوه دى يا ماما
هما صحيح اغنياء جدا بس متواضعين و محترمين جدا

الام وهى تنفض قلقها بعيدا : متواضعين مش متواضعين هوه انت شويه يا ابنى وقدامك ان شاء الله مستقبل كبير و اى عيله تتمناك اسالنى انا

حسام : بس انا مش عايز غير شيرين

الام : يا عينى ع الحب ، شيرين ، ربنا يكرمك انت وهى يا حبيب قلبى

حسام : بس انتى برضه ست الحبايب

الام : انا مش عايزه غير انى اشوفك سعيد يا حبيبى
.
.
.
و كانت شيرين هى الاخرى قد وصلت الى منزلها و وجدت شهيره منتظراها

شهيره : اطلعى يا نودى فوق مع لين و غيرى هدومك و نامى ياللا

قالت كلماتها و هى تسحب شيرين الهائمه فى غرفتها و هناك

شيرين : اه ، و النبى استنى الله يخليكى ما تقوليش حاجه دلوقتى خالص خالص
ايه الحب ده ، ايه حسام ده ، ايه الكلام ده ، انا حاسه روحى خفيفه كده و طايرااه

شهيره : اهلا و سهلا ، انا كنت حابعت السواق بصراحه عشان خفت من سواقتك و انتى راجعه
ايه الهيمان ده كله ؟ احكى ليا كل التفاصيل حالا حالا

و انطلقت شيرين تحكى و تبلغ اختها بالتطورات التى حدثت فى وضع حسام المادى وانه فى القريب العاجل باذن الله ، سيكون اهلا للتقدم لوالدها

شيرين : ده حتى اخد نمرة تليفون بابى البرايفت عشان يكلمه قريب

شهيره : طيب بصى يا شيرى اظن ده الوقت المناسب اننا نقول لمامى احسن تزعل و حتزعل منى انا اكتر
لكن انتى عارفه طالما انتى ما طلبتيش منى ابلغها مش حايحصل غير لما تقولى

شيرين : يا مامى ، يا مامى
شهيره ضاحكه : على طول كده ، انتى مستعجله للدرجه دى

و جاءت ام شيرين متهلله و استمعت الى بناتها فى صمت

و كل منهما تكمل قصة الاخرى عن حسام و اخلاق حسام و رغبته فى التقدم لها

ثم القت بقنبله : هو من عيلة مين يا شيرى حسام شكلا و مركزا مقبول
و ما يتعيبش بس انتى عارفه الجواز ده عيلتين مش شخصين بس

شيرين : انا مش عارفه يا مامى بس هو محترم اوى ووالده كان راجل محترم و شريف و كمان عنده اللى يكفى لبدايه كويسه

الام : اه بدايه كويسه ، ده لما يبقى رايح يخطب واحده عاديه ، لكن شيرين الحديدى لا انتى عارفه جوازات اخواتك ، وعائلات اجوازهم و النسب لازم يكون يشرف
ده اخر واحد اتقدم لك مهندس البترول كان والده نائب وزير

شيرين و قد بدات تفقد اعصابها : نائب وزير ، فعلا ، مش قصدك بتاع الصابونه يعنى يا مامى عايزه تقنعينى شوفى مثال احسن من ده شويه
ممكن يكونوا الناس اغنيا جدا و فى مناصب عاليه جدا ، بس جلده و ما عندهمش ذوق وليس الفتى من قال كان ابى لكن الفتى من قال ها انا ذا

الام : حلوه الاشعار اوى الحقيقه بس انا لما اعملك خطوبه زى اخواتك مش حاعزم فيها المتنبى و البحترى
انا حاعزم عيلة العريس مع عيلتنا و عائلات اجواز اخواتك
و انتى ما يخلصكيش ان بعد زمن يكون ولادك اقل من ولاد اخواتك

بدأت عينا شيرين تلتمع بالدمع و هى تحس ان حلمها بات مهددا

فاندفعت شهيره:
ايه يا مامى الكلام ده ، من امتى ده كان تتفكيرنا و لو كان شوكت او جوز شاهى من عيله ، دى صدف و ظروف
و احنا ماخدناهمش عشان كده ، لا عشان الحب و بعدين يعنى ايه من عيله ، الكلام ده اكل عليه الدهر و شرب
دلوقتى اصلك هوه عملك

ردت الام و قد بدات تلاحظ خيبة امل شيرين : انا مش حاتكلم الا بعد الامتحانات عشان نكون سالنا عليهم و عرفنا اصلهم وفصلهم
دلوقتى ما لكيش غير مذاكرتك يا شيرين و مش عايزه حاجه تأثر عليكى

فى الايام التاليه انهمكت شيرين فى المذاكره و انقطع حسام عن الكلام معها الا فى المواد الدراسيه بعد ان اصبح يذاكر لها معظم المواد

كذلك انتظمت منال فى الحضور و المذاكره مع شيرين بعد ان طمأنتها شهيره ان مخاوفها انتهت وان كل ما يخصها قد تم
تدميره بمعرفة شوكت شخصيا دون ان يطلع عليه اى احد ، و كذلك عرفت بتدمير
عشرات التسجيلات المماثله لبنات اخريات
لذلك لم تعيره حتى نظرة شفقه حينما ظهر فى الجامعه بعدها بفتره و ذراعه فى الجبس و احد اسنانه الاماميه مفقود ، و عينه اليسرى مغلقه تقريبا ..

لكن ما آلم منال هى نظرة شهيره لها ، و تلميحها عن سماحها

لمنال بالاستمرار كصديقه لشيرين و للاسره فقط طالما ابدت سلوكا قويما لكن منال ابتلعت الاهانه

و احست انه من حق شهيره اكثر من ذلك فكل ما حدث لها قد جلبته لنفسها بسوء اختياراتها ،

بل انها كادت تقبل يد شهيره عرفانا بجميلها عليها الذى لن تنساه مادامت على قيد الحياه ، كما ان شهيره من حقها الخوف على اختها و سمعة اختها

و حتى شريف انهمك فى مذاكرته بكل جديه ، بعد ان اقنعته اختاه بعدم جدوى الدخول فى اى علاقه الان

و خاصة ان الانسان بعد خروجه من علاقه فاشله يحتاج لبعض الوقت ليتعافى ويستعيد نفسه ،

و افهمت شهيره اخاها بما لا يدع مجالا للشك ان منال ليست له ، لكونها مرتبطه باحد اقاربها و على وشك الخطوبه

اما حسام فقد مضى بكل قوته فى اجراءات بيع المنزل ، و وفقه الله لهذا ،

وقام بدفع مبلغ لاصحاب الشقق المؤجره كمساعده منه لحين تدبير احوالهم ، كثير من معارفه لاموه على ذلك ،

فالمنزل كان ايلا للسقوط ، و سيخسرهالسكان فى كل الاحوال ، لكن شيئا ما بداخل حسام جعله يصرعلى ذلك

و ايدته والدته و كان رايه ان كل هذا المال كان فى علم الله ، وانه اتاه من حيث لا يحتسب ،

لذلك اعتبرها زكاة عن تلك الاموال و فى نفس الوقت مساعدة لاناس فى قمة الحاجه للمساعده لفقدهم المأوى

و اتصل حسام بوالد شيرين قبل نهاية الامتحانات بيوم واحد

حسام : صباح الخير يا فندم

هشام الحديدى : صباح الخير ، مين معايا

حسام : انا حسام شاهين ، مدرس فى كلية الصيدله ، و انا اتشرفت بمقابلة حضرتك قبل كده

هشام الحديدى و قد توترت اعصابه : اهلا يا دكتور حسام ، فيه حاجه ، شيرين جرى لها حاجه فى الكليه ؟

حسام : لا لا لا يا فندم خالص ، ان شاء الله هى بخير ، انا اللى طلبت منها نمرة حضرتك الخاصه عشان عاوز اقابل حضرتك

هشام و قد اطلق زفرة ارتياح : اهلا بيك فى اى وقت يا دكتور ، حضرتك عاوزنى بخصوص ايه ، لو شغل ممكن تيجى لى المكتب

حسام : اتمنى حضرتك تقولى حسام بس من غير دكتور حضرتك فى مقام والدى و اللى انا عايز اقابل حضرتك بخصوصه مش شغل

لوحضرتك عندك وقت يوم الجمعه الجاى ،عشان تكون الانسه شيرين خلصت امتحانات .. و لو سمحتلى اجى انا و والدتى و خالى ، البيت عندكم ، اكون شاكر

قالها حسام بالعافيه و هو يحسب كل اعصابه تشد و بارتعاشه فى كل جسمه حاول السيطره عليها بكل طاقته

فكر هشام قليلا ثم ادرك ابعاد الموقف ثم رد : طيب يا ابنى تنور انت و الست الوالده و خالك كمان ..انا حانتظرك يوم الجمعه ان شاء الله

و فى المنزل

هشام : شيرين ، هى شيرين جت من الكليه

ردت الام : ايوه فى اوضتها جوه بترتاح شويه عشان عندها امتحان تانى يوم الخميس الجاى

هشام : انتى كنتى تعرفى موضوع المعيد بتاعها حسام ، ده عايز ييجى يقابلنا هوه كان بيديها درس ، و لا بيحب فيها ؟

الام : و الله انا عندى فكره انه معجب بيها

بس هو مؤدب و عمره ما تجاوز حدود الادب معاها و انت عارف بنتنا و واثق فيها طبعا ، بس لما طلب نمرتك هى حست و قالتلى

هشام : مش عارف يا ليلى ، انا حاسس ان كل جوازات بناتى كوم ، و شيرين دى كوم تانى البيت حايفضى علينا ،

ده انا كل واحده فيهم اتجوزت كنت تانى يوم اقوم ادور عليها فى البيت ..و عينى تدمع لما ماتقعدش معانا على الفطار ، ما بالك دى الصغيره اللى جبناها على كبر

الام : هى دى سنة الحياه يا هشام ، بس انا عايزاك تسأل عن عيلة الولد ده هوه والده متوفى على ما اعتقد بس انت ممكن برضه تكلف شوكت يسال عنهم اهم حاجه يكون من عيله محترم

هشام : ليه هوه احنا خلاص حانوافق لما ييجوا و نتكلم نبقه نشوف موضوع الاستعلامات بتاعتك دى

الام : طيب بلاش تكلم شيرين فى حاجه دلوقتى عشان ماتشغلهاش ممكن تكون مش عارفه انه كلمك اصلا ، سيبها مركزه اليومين دول فى مذاكرتها

و مرت الايام سريعا حتى خرجت شيرين من امتحان يوم الخميس ، و جدت حسام يتصل بها على الموبايل ،

ليخبرها انهم اتون اليهم غداُ لمقابلة والدها ، و كان قد اخفى عليها هذا الموضوع حتى لا يتشتت انتباهها

شيرين : يا خبر يا حسام و ما قلتليش ليه ، ده انا مش حالحق احضر نفسى اتارى بابى عمال يبص لى نظرات كده من يومين

هوه قالك ايه و قلت له ايه ،وهو عارف انى عارفه انه عارف قصدى

قاطعها حسام :قالى كل خير و بعدين حضرى ايه بس يا شيخه ده انا حاسس انك على طول متحضره زى مانتى كده ، زى القمر

احمر وجه شيرين وهى ترد : طيب هنستناكم ان شاء الله

احست منال باحمرار وجه شيرين وسالتها : ده حسام يا شيرى

شيرين : ايوه ، ان شاء الله جاى يوم الجمعه عشان يطلب ايدى انا فرحانه اوى يا منال ، اوى اوى

و احتضنت شيرين منال بحب لكن منال كانت تتضارب بداخلها المشاعر ، هل تفرح لفرح

صديقتها ، ام هل تأسى على حالها ، لو كانت تركت مقاديرها لله ، لكانت الان خطيبة اخو شيرين ،

و لكانت فرحت من قلبها لصديقتها ، لكن هذا هو عقابها ، و عليها احتمال

رجعت شيرين للمنزل لتجد امها منتظرة اياها ، لتبلغها بما تعرفه هي مقدما، و لتنذرها انه ليس معنى موافقة والدها على مقابلتهم

هو موافقته على الزيجه اطفأ هذا فرحتها قليلا ، و زاد قلقها كثيرا ، لكنها اتصلت

بشهيره و كذلك بشاهى فى امريكا و بدأت الاستعدادات ، تحضير ملابسها ، حجز ميعاد عند الكوافير صباحا و الذى منه

شهيره : انتى عارفه يا شيرى انتى مش محتاجه كل ده بس محتاجه تنامي عشان المذاكره خلت وشك مرهق اوي

و الحب يا ختى خسسك حوالى خمسه كيلو كده

شيرين : و الله انا مش عارفه صحيح ياشهيره ايه الخسسان اللى جالى ده بس احسن الرشاقه حلوه هاهاها

شهيره : بس انتى اصلا كنتى رشيقه ، كمان شهرين حب ، و تختفى خالص هاهاها

شيرين : انا متفألة اوى يا شهيره ،تصورى ان بكره عيد ميلادى و حسام كلم بابا و اتفق على الميعاد من غير ما يعرف انه عيد ميلادى

شهيره و هى تقبلها : و دى حاجه تتنسى طبعا فاكره عيد ميلادك زى ما يكون امبارح

يا بنتى انا شلتك و انتى نونو على اديا دول ، كنتى جميله اوى يا شيرى و لسه جميله و الله ، انتى عارفه انا لما بابص لك باحس انى بابص لندى بنتى لما تكبر

يا رب يا شيرين اشوفها فى جمالك و اخلاقك يا رب

شيرين : ان شاء الله حايحصل ، انتى اللى مربيانى وانتى اللى مربياها بس انا عايزاكى تقفى جنبى فى الموضوع ده يا شهيره

احسن مامى العرق التركى ناقح عليها اليومين دول و انا خايفه موت ترفض حسام

شهيره : سيبيها على الله ، الراجل ما عملش حاجه وحشه ولا انتى كمان ، و تدين بابا يمنعه انه يرفض عريس متدين وعنده اخلاق زى حسام

شيرين : بس انتى عارفه مامى ، دى لحد دلوقتى ساعات تجيب سيرة التاريخ بتاع عيلة الدرمللى

وانها ازاى اتعطفت ووافقت على بابى رغم انه ما كانش من عيله كبيره اوى زى عيلتهم هاهاها

و ده بالرغم اننا عايشين فى مستوى احسن ميت مره من احسن حد فى عيلة الدرمللى المزعومه

ربنا يخليك يا بابى انا عارفه انك حاتقف جنبى

مر اليوم التالى فى استعدادات مكثفه من جانب شيرين

و ايضا من جانب حسام

حيث انه سال منال عن يوم عيد ميلاد شيرين ، لانه كان واثقا انه في تلك الفتره

فقد اخبرته فى اول مره جاء منزلها ، انها ستتم الثامنة عشرفى خلال ثلاثة اشهر

انه لا يصدق مرور ثلاثة اشهر ، احيانا يحس انه يعرفها عمره كله وان ثلاثة اشهر قليل جدا ، واحيانا اخرى يحس ان هذه الفتره مرت في حياته مثل ثلاث دقائق

نزل ليشترى هديتان للعروس الجميله، واحده من اجل الفاتحه، واخرى من اجل عيد ميلادها

لكنه لمح فى محل الجواهرجى الشهير ، دلاية سلسله ، بها ماسه صغيره على شكل قلب ، و لما سال عن ثمنها ،

عرف انها باهظة الثمن فكر لثوان قليله ، ثم اخرج الفيزا كارد التى استلمها منذ ايام ، واعطاها للبائع و هو يقول لنفسه ،

و الله لوكانت حاتسعد شيرين و مش معايا الا تمنها برضه كنت حاجيبها . و اشترى الدلايه ، و اعطاه

صاحب المحل ضمانا للماسه الصغيره ، و كانت اول مره يعرف ان للماس ضمانا ،

و تساءل فى نفسه ده الضمان ده لمدة سنه ولا ايه ؟

و فى الميعاد المحدد ، و بعد شراء الورد و مروره بخاله ، دخل حسام ووالدته و خاله منزل شيرين ، و كان فى استقباله والدها ووالدتها و شهيره و شريف

و احس حسام بسخونه شديده فى وجهه ، و لم يستطع نطق كلمتين متصلتين منذ بداية الجلسه

و بدأ خاله بالكلام ، و بعد قليل ،اكتشف خاله انه يعرف عائلة هشام من زمان و اكتشف هشام ايضا انه يعرف الخال، اذ كان زميل دراسته ،

و بدا كل شىء على مايرام و الحمد لله

و بعد قليل جاءت شيرين، تخطو فى خجل ،

و ترتدى فستانا مضموما عند خصرها الرهيف ، واطرافه واسعه من الاسفل ، و تبدو مثل ملاك صغيره زاده الخجل جمالا

قامت ام حسام من مكانها حين دخلت شيرين و قالت

: بسم الله ما شاء الله ، تعالى يا حبيبتى

و اخذتها والدة حسام فى حضنها، و قبلتها بحب حقيقى ، و حينما تلاقت عيناهما ، كانت عينا العجوز يغطيها غشاء من الدمع

و مثله فى عينى شيرين ، احست شيرين بمدي طيبه هذه السيده،و مدى فرحتها بها

و عندما مدت يدها للسلام على حسام ، كانت تقريبا ترتعش من السعاده و من الخجل ، و سلمت ايضا على خاله الذى اثنى كثيرا على هشام و عائلته وعلى جمال شيرين ايضا

و بعد قليل ، اخرج حسام العلبه الثمينه من جيبه،و قال:

كل سنه و انتى طيبه يا شيرين

انا عرفت من منال زميلتك ان النهارده عيد ميلادك واسمحلى يا عمى تشرفنى بموافقتك على الخطوبه وتخليه عيد ميلادى انا كمان

اخذت شيرين العلبه من حسام الذي قام بفتحها، و هالها مارات ، انها تعرف الماس جيدا ،و تعرف اسعاره ، حتى ان امها

اكتفت بقطعه واحده لكل بنت من بناتها قبل زواجها ، و تهديها واحده اخرى فى يوم زفافها

انها لا تدرى هل تفرح بجمال الهديه ، ام بجمال من اهدى اليها الهديه ،

انها متاكده انه لم يحسبها ، و لم يفكر ، انها تحبه الان اكثر و اكثر و اكثر

ليس من اجل الماس انما من اجل تفكيره فيها ، و تفضيله اياها حتى على نفسه

و رفعت اعينا مليئه بالعرفان والحب و العتاب فى ان واحد ، وشكرت حسام

شهيره : الله يا حسام ، ذوقك يجنن ، مبروك يا شيرى و كل سنه و انتى طيبه

كده حسام حايخلى هديتى ليكى النهارده شكلها وحش خالص

وهنا جاء الدور على والدة شيرين للكلام
.
.
.
.
ياترى هى قالت اية؟؟؟؟؟ هنشوف دة الحلقة الجاية ان شاء الله

الحلقه الثامنة عشر

بعد ماحسام اعطى الهدية لشيرين
تدخلت الام لتلقى دشا باردا فوق راس حسام :

معلش يا حسام احنا مش حانقدر نقبل هديه قيمة زى دى منك الا بعد ما نتفق على كل حاجه ، و نوافق الاول على الخطوبه الحاجات دي مابتتاخدش قفش كده احنا محتاجين وقت عشان نفكر

نظر هشام الى زوجته نظره ذات مغزى ، بعد ان لمح الدموع تترقرق فى عينى والدة حسام ، و قد اطرق حسام براسه الى الارض و شيرين لازالت ممسكه بالهديه غير مصدقه لما قالته امها ودت لو احتضنت حسام و امه ،و اعتذرت لهما عن هذه الاهانه و كأن السنتهم جميعا قد عقدت فلم ينطق احدهم بكلمه لدقيقه مرت كانها دهر ،حتى تكلم هشام محاولا تلطيف الجو :
يا حسام يا بنى ما تزعلش من طنط ليلى ، دى بس مش عايزانا نتسرع ، مواضيع الجواز دى مش عايزه استعجال ، و كمان انت كلفت نفسك اوى بالهديه دى ، احنا بس عايزينك تصبر شويه ، ولو ربنا قسم خير ، تكون دى شبكتك لشيرين ،ياسيدى بدل ما تكلف نفسك تانى والا ايه ؟

حسام : دى هديه عيد ميلاد شيرين ، و كان نفسى تبقى ذكرى لقراية فاتحتنا ، و الحقيقه ما فيش هديه فى الدنيا كتير عليها ، فأنا مش باطلب غير انها تقبل هديتى ، سواء وافقتوا على و ده يشرفنى و يسعدنى العمر كله ، او حتى رفضتونى و ده حقكم

ثم دنا من شيرين وقال :
ارجوكى تقبليها منى يا شيرين ، كل سنه و انتى طيبه

بينما قالت عيناه :
احنا لبعض ، مهما حصل ، و حاستحمل مهما عملوا فيا

و ردت عليها بعيناها :
حاكون للموت ، قبل ما اكون لحد غيرك

و طلب حسام من شهيره ان تلبس شيرين السلسله لو سمح والدها اومأ لها هشام بالايجاب ، و عندما لبست شيرين السلسله ،
تحسستها فى حب و اعزاز و قامت تقبل حماتها كانها تشكرها على هديتها الاعظم على حسام
و فى طريق العوده

ام حسام : انا ارتحت لشيرين اوى يا حسام يا ابنى، و عارفه ان ربنا هايوفقك و يقدم لك كل الخير، اوعى تزعل نفسك ابدا ، انا متاكده انهم لما يسالوا عليك وعلى ابوك الله يرحمه ، حايتمسكوا بيك و مش حايضيعوك من ايديهم ابدا

حسام : انا المهم عندى شيرين يا ماما ، انت شفتي وشها كان عامل ازاى لما مامتها قالت الكلمتين دول ، انا حسيت زى ما يكون حايغمى عليها ، انا مش متصور انها تضيع منى يا ماما ، دى اول مره فى حياتى اعوز حاجه و اتمسك بيها طول عمرى كنت طفل يتيم ، و حاسس انى مش حقى احلم ، و لا من حقى اطلب ، لازم ارضى بنظرة العطف من كل واحد ، حتى لمسة الاهل لشعرى كانت بتحسسنى انهم طالبين الثواب ، اكتر
من رغبتهم فى تخفيف مرارة اليتم عنى .

الام : ايوه يا بنى ، عمرى ما شفت زيك ، حتى عمرى ما قلت لك ذاكر ، و كل حاجه فى الدنيا دى كنت زاهد فيها حتى اللبس و الاكل و اللعب ، عمرك ما تعبت قلبى ابدا ، و لا حملتنى فوق طاقتى عشان كده ربنا مش حايكسفك يا بنى انا عارفه

رد حسام و قد فقد سيطرته على دموعه و انسابت رغما عنه : ادعيلى يا امى ، ادعيلى ، نفسى يوافقوا ، دى اول مره يبقى نفسى فى حاجه اوى كده ، ساعدنى يا رب

اما فى منزل شيرين فكان الموقف عصيبا جرت شيرين الى غرفتها باكيه ، و جرت خلفها شهيره

اما الوالدان فقد دخلا جناحهما بناء على نظره من عينى هشام فهمتها الام فورا

هشام : ليه يا ليلى كده ، انا متاكد انك ما قصدتيش تزعلى بنتك ، بس انتى مش خايفه عليها ، مش عارفه ايه اللى ممكن يجرالها لو كسرتى قلبها بالشكل ده ؟

ليلى : عارفه ، بس كمان عارفه ايه اللى ممكن يحصل لو وافقنا على حسام ، و عارفه انى ممكن افقدها خالص فى خلال شهور من جوازها بيه ،انت ما شفتش يا هشام شكل والدته ، ده وحيدها واملها فى الدنيا ، ازاى ممكن نواجه ست زى دى بحقيقة ان بنتنا .........

هشام : مالها شيرين ، ماهى زى الفل و بقالها سنين ما فيش شكوى من حاجه

ليلى : مش عايزين نكون زى النعامه اللى بتدفن راسها فى الرمل ، انا و انت عارفين ان ما فيش خطوره الا لو اتعرضت لمجهود زى الحمل و الولاده انت عارف انا ليه كنت حاموت على العريس اب و صابونه ده ، و كان نفسى شيرى توافق عليه ؟
عشان عرفت من بره ، ان الولد كان مريض بالغده و هو صغير ، و مش هايخلف ، و امه كانت مخبيه بس الترزى اللى عرفنى عليهم هوه بنفسه قاللى كده عشان يخلص ضميره من ربنا ،عشان كده كنت متمسكه بيه و كان نفسى شيرين توافق ، لكن واحد زى حسام ده ، وحيد امه ومالوش اخوات ، و يتيم يعنى امه عمرها ما حتسكت الا لو شافت حفيد على وش الدنيا و ده حقها ..
انا ام و حطيت نفسى مطرحها ، عشان كده مااقدرش اخدعهم ، و فى نفس الوقت ما اقدرش اجرح بنتى ، نرفضهم بالذوق كده احسن وخلاص ، لما سالت شيرين على عيلته و الله ماكان قصدى النسب بس ، كان قصدى له اخوات ، يعنى يمكن لو ما كانش وحيد مامته كنا صارحناه ، خاصة انى عارفه انه بيحبها و ممكن يستحمل ، و من عينيه و هديته و كل حاجه فيه حسيت اد ايه فعلا بيحبها و هى كمان بتحبه ، الوضع كده مستحيل ، مستحيل يا هشام .

و اجهشت ليلى بالبكاء و اخذها هشام فى حضنه و اخذ يربت راسها و هو يقول :اعمل ايه بس ، ده ابتلاء من ربنا، و شيرين دى يعلم الله انها اغلى على من اى حد فى ولادى
، عمرها ما زعلتنى و لا حتى سمعت صوتها على فى البيت ، وكل اللى يشوفها يمدح جمالها وكمالها ، لكن الكمال لله وحده ،انا ماقدرش اعمل كده فى شيرين..يا ليلى ما اقدرش

و اكمل هشام :انت عارفه يوم ما الولد ده كلمنى فى المكتب ، انا افتكرت جرى لها حاجه زى المره اللى فاتت لما اغمى عليها فى الكليه ، ده احنا لحد دلوقتى مش عارفين نصارحها ،اهدم امالها كلها ، اصارحها انها ممكن تعيش و تتخرج و تتجوز ، و ممكن لا قدر الله ، تضيع منا .. خليك معانا يا رب ، انت ادتنى كل حاجه ، مال و مركز و اولاد و بنات ..لكن الانسان كده ، ظلوم و جهول ، اذا مسه الشر هلوعا ، و فلوسى كلها ما مقدرتش تشترى الصحه لبنتى .

و فى غرفة شيرين كانت شهيره تطيب خاطرها و تمتدح ذوق حسام فى اختيار الهديه الرائعه التى زانت رقبة شيرين و تحاول تجاهل كلمات الام بقدر الامكان

شيرين : ليه مامى عملت كده ، دى كانت طايره من الفرح ساعة قراية فاتحتك انتى و شاهى ، اشمعنى انا ، هوه انا عملت لمامى حاجه وحشه ، يمكن زعلانه عشان صارحتك قبل ما اصارحها ، يمكن حسام مش عاجبها ، او والدته مش عاجباها ؟

شهيره : حسام زى الفل ، و والدته ست محترمه جدا و بابى طلع عارف عيلتها من زمان ، لكن ممكن تكون مامى خافت يعنى يكون جايب الهديه الغاليه دى عشان ياثر علينا و فاكرنا حانتخض لما نشوف الالماظ فقالت تعرفه اننا ما يهمناش ، اضحكى بقه هاهاها....

شيرين : اضحك على ايه ، حسام عمره ما يفكر فى كده ، ده راكب عربيه تمنها اقل من الهديه دى ،يعنى فضلنى على نفسه يا شهيره ، و ما حسبهاش رغم ان حتى المليونيرات بيحسبوها دلوقتى ، ده شاف طول حياته عذاب اليتم و عذاب الفقر و مع
ذلك يوم ما ربنا فرحه ، نيجى احنا نطفى فرحته كده

ربتت شهيره على كتف شيرين و هى تحاول كبح دموعها :انا حاكلم مامى يا شيرى و ما تخافيش كل حاجه حاتبقى كويسه

و ذهبت شهيره لغرفة امها وكانت لا تزال المناقشه دائره بين الام و الاب

شهيره : ليه يا مامى كده ، دا انا لما صدقت شيرين تفرح

ليلى : يعنى انتى مش عارفه ليه يا شهيره ، مانتى راسيه على كل حاجه من ساعة ما شيرين اتولدت و سافرنا بيها بره ، ده انا خايفه عليها من الجواز اصلا ما بالك بقه بالعريس وحيد امه ده اللى لا يمكن يستغنى عن الخلفه و الذريه

شهيره : بس فى امل برضه ان شيرين تعيش طبيعى ، مش كده يا بابى ؟

الاب : للاسف يا شهيره ، بعد اغماءة الكليه دى ، استغليت الفرصه عشان اعملها تحاليل كامله ، والتحاليل اثبتت ان حالة قلبها بقت اضعف ، و حتى الصمام اللى اتركب لها و هى صغيره اصبح مهدد عشان كبرت و طولها زاد ، يعنى لازم خلال السنه دى يتغير
اجهشت شهيره بالبكاء :برضه ده معناه ان فيه امل ، ليه ما نسيبهاش على ربنا ، حتى لو مكتوب انها تعيش فتره قصيره فى الدنيا
هى تعيشها سعيده بدل ما كمان تكون تعيسه و محطمه..حانكون احنا و الزمن و المرض عليها دى مموته نفسها من العياط

جرت ليلى و هى تصيح: بنتى دخلت على شيرين الغرفه
فوجدتها لازالت تبكى دموعها كلها على السرير ، و ترفض حتى مجرد النظر لامها ، و لا تتكلم فقط تبكى و تمسك بهدية حسام على صدرها بكل قوتها كان احدا يحاول انتزاعها منها

ليلى : حبيبة مامى ، مش انتى عارفه انى بحبك اكتر من عينى ، ليه بتعملى كده يا شيرين فى نفسك ، احنا ما رفضناهوش ، بس حانسال عليهم و ده حقنا

نظرت شيرين الى امها نظره ، ابلغ من كل كلمات العالم ، جعلت لام تبتلع كلامها ، و تطيب خاطرها اكثر و هى تقول ، خلاص و الله ما تزعلى ، تحبى اكلمه دلوقتي اصالحه ونحدد ميعا الخطوبه؟؟

انهارت شيرين على يد امها تقبلها

و هى تقول بين نشيجها :ربنا يخليكى يا مامى مش عشانى ، عشانه هوه ، دى اول مره فى حياته يفرح ، ما تكسريش قلبه عشان خاطرى.......

و لم تكمل شيرين كلامها فقد اغشى عليها
.....
..
كفاية كدة النهاردة واستنونى الحلقة الجاية ان شاء الله

يا عينى عليك يا حسام

قلبى بيبكى علية وعلى حظة

وكمان شرين يا حببتى يا شرين

صعبانة عليا اوى

ياااااااارب مش تفرقهم

يارب يكون فى حل

يارب مش تحرمهم من بعض

ولا هما ولا كل اثنين بيحبو بعض

امييييييييييييييييييييييييين

يارب خلى الظروف تبقى معاهم

يارب متخليش اى حاجة تقف فى وشهم

ياااااااااارب يااااااااااارب يااااااااااااارب

تسلم ايدك هيما

go on

[ندعوك للتسجيل في المنتدى أو التعريف بنفسك لمعاينة هذه الصورة]

الحلقة التاسعة عشر

اصيبت الام بالهلع و صاحت تنادى شريف و هشام و جرت شهيره تتصل بالطبيب و حمل شريف اخته كالطفله و وضعها على السرير و هو يسال :شهيره
حنروح المستشفى يا شهيره و لا لقيتى دكتور

شهيره : انا اتصلت بالدكتور عونى جارنا و جاى حالا

و ما هى الا ثوانى حتى اتى الدكتور و كان الام قد بدات محاولة انعاشها بالبارفان والتهويه على وجهها
و بعد دقائق مرت كالدهر
فتحت شيرين عيناها و هى تنادى: مامى، حسام ، زمانه منهار يا مامى ، انا بقالى قد ايه كده ؟

الام : حاكلمه الوقتى حالا و اقوله ما يزعلش منى ، بس انتى قوميلى يا بنتى بالسلامه

و سال الطبيب : انتى اخر مره كلتى امته يا شيرى

شيرين :مش فاكره يا اونكل عونى بس انا شربت نسكافيه الصبح

الاب : ايوه يا دكتور المده اللى فاتت دى كانت وقت امتحاناتها و كانت تقريبا ما بتاكلش خالص ، تحب حضرتك ننقلها المستشفى ؟

رد الدكتور و كان يعلم بحالة شيرين منذ طفولتها: لا لا ، ده بس مجرد اجهاد و ضعطها واطى شويه من قلة الاكل ، انتو بس هاتولها تاكل دلوقتى و انا حاديها حقنه مقويه ، عشان هى حقيقى محتاجه غذاء كويس

تدخلت شهيره : حتاكل حالا ياللا يا داده
و كانت الداده كانت احضرت الطعام على صينيه و امرها الطبيب ان تاكل شيئا مملحا ليرفع ضغطها ثم خرج مع هشام و كلمه فى الرسبشن :
ما تخافش يا هشام ، النبض منتظم و هى كويسه ، الاغماءه دى ما لهاش علاقه بقلبها خالص ، دى دوخه طبيعيه ساعات تيجى للبنات بالذات ايام الامتحانات و المذاكره ، لكن ده ما يمنعش انها مش طبيعيه ، و باين على عينيها معيطه ، حاولوا ما تبعدوا عنها اى حاجه مضايقاها اليومين دول ، عشان حضرتك عارف حالتها النفسيه مهمه جدا ، و ان شاء الله على اول الصيف تعمل العمليه فى ميعادها

و فى الغرفه

شيرين : مامى انا مش حاكل الا لما اكلم حسام ، و اطمن عليه ، ممكن يا مامى ؟

الام : ممكن اوى ، هاتى يا شهيره الموبايل ، تحبى اكلمه انا ، و اقوله كمان اننا موافقين

شيرين : لا يا مامى مش للدرجه دى ، يقول علينا مدلوقين
و ابتسمت شيرين ابتسامه واهنه جعلت الدمع يطفر من عينى امها و هى تتمنى ان تعطيها قلبها وعمرها كله و لا تراها ابدا تئن او تتوجع..تكلمت شيرين
: الو ، انت وصلت البيت يا حسام

حسام : ايوه يا حبيبتى ، مال صوتك يا شيرين ، اطمنى ، انا متاكد ان باباكى لما يسال على ، ان شاء الله حايوافق و حترجعى الترم التانى الكليه و انتى لابسه دبلتى يا شيرين

شيرين : ماهو انا مكلماك دلوقتى عشان موضوع دبلتك ده ، مامى قالت ان بابى موافق يا حسام ، و ممكن تكلمه بكره تحدد معاه معاد الخطوبة

لم يتمالك حسام نفسه من الفرح ، و كان صوته يزغرد :حقيقى يا شيرين ، انا كنت متاكد ان ربنا مش حايكسفنا ، بحبك يا شيرين بحبك

و كان دماء العافيه عادت لوجه شيرين ، او حمرة الخجل بمعنى اصح جعلت وجهها يتورد بابتسامه و لم ترد على حسام غير بكلمه واحده همسا :بحبك
لم يسمعها احد فى الغرفه ، لكنه التقطها و احس بها و غمرته سعاده و ذهب يزف الخبر لوالدته التى كانت تصلى

ماما خلاص يا ماما بكره حاروح لهشام بك احدد معاه ميعاد الخطوبه

انهت الام تسبيحها ثم قالت بحنان: تعالى فى حضنى يا حبيبى

، و ظلت تمسح ظهر وحيدها ، وترقيه و تقرا القرأن ، و عيناها لا تكفان عن الدمع ، و قلبها لا يكف عن شكر الله الذى دعته مرارا ان يسعد وحيدها و يقر عينه بمن احب

لم تدرى شيرين كيف مرت الايام التاليه ، بين استعدادات و حجزقاعة الفرح فى اكبر الفنادق ، و ترتيب الدعوات ، و فستانها الذى احضرته شاهى التى نزلت فى اجازه قصيره مع اولادها ليلى و هشام اول ما علمت بخطوبه شيرين..حتى ندى و ليلى الصغيره احضرت لهن فساتين متماثله ،ليحملن شمع خالتهن ،

اما حسام ، فقد عرف فى هذا الاسبوع ما لم يعرفه طيلة حياته ، اذ اصر اصدقائه على اصطحابه لصالون مخصوص للرجال ، لعمل ماسكات لوجهه و
حلاقة شعره بطريقه جديده و كذلك قام الشباب بالواجب معه فى شراء بدلته ، التى حرص
على انتقاءها من ارقى المحلات ،اما الكرافته فقد طلبت منه شيرين عدم شراءها ، لانها ستهديه اياها ، فقد اشترتها اختها من امريكا مع الفستان ليتناغم
لوناهما سويا

و نزلت شيرين مع حسام و شريف و شهيره اخواها لشراء الدبل و بعد انتقاء الدبل ، طلب منها حسام ان تنتقى شبكتها..فلمست سلسلتها فى اعزاز و قالت : ما خلاص يا حسام مانت شبكتنى

حسام : لا يا عروسه لازم خاتم ، انا عارف ان الشبكه كده خاتم و محبس باين ؟ صحابى قالولى كده ؟ و لازم المحبس هاهاها..انا كنت فاكر المحبس ده بيتاع عند بتوع الادوات الصحيه فى الاول

شيرين : لا بابى قالك قبل كده دى شبكتى خلاص ما تتعبش نفسك بحاجه تانيه

حسام : بصى يا شيرى لو مانقتيش بنفسك ، حاضطر انى انا انقيلك الخاتم و المحبس ، و تخيلى بقه ممكن اجيب ايه ، نقيه بالذوق احسن

شهيره : خلاص يا شيرى ما تكسفهوش..و همست لاختها : ده كان فاكره تبع الادوات الصحيه ارجوكى نقيه بنفسك بس نقى حاجه صغيره و خفيفه و خلاص

و بالفعل انتقت شيرين توينز ماسى صغير ، عباره عن دبله رقيقه بها فصوص ماسيه و معها خاتم سوليتير انيق

...........
....
..
.

الحلقة الجااااااااااية غير اى حلقة . حلقة حكاااااااااية بجد عاوز تخيل وربنا يوعدكوا بالاحسن منها
بقولكوا اية.... نكمل الحلقة الجاية بقى ان شاء الله ....اوك؟

اللللللللللللللللللللللله

الدبلة حلم كل بنت

بجد حسام دا راجل اوى

اول ما حب دخل من الباب

مفكرش يلعب او يخدع شرين

والجميل انة مخفش من مركز والدها واتقدم على طول

مترددش لحظة وقرر انة يحافظ على حبة

اهو دا الحب ولا يلاش

ربنا يكرمنا كلنا يارب بالحب

انا عايزة حسام

ياترى اية اللى هيحصل

[ندعوك للتسجيل في المنتدى أو التعريف بنفسك لمعاينة هذه الصورة]

الحلقة العشرين

الحلقه دى جميلة اووووووووووى اتمنى تعيشوا نفس اللحظات يااااااااااارب وأكتر

اما والد شيرين ووالدتها ، فقد تركوا امور الاعداد للحفل لاولادهم و لادارة المناسبات

بشركة هشام ، و تفرغا لبحث تطورات حالة شيرين و ارسال فاكسات باحدث تحاليل و اشعات خاصه بها ، و ذلك لتحديد ميعاد فى اجازة

الصيف لعمل العمليه ،و كل ما كان يشغل بالهما كيف يخبرا شيرين بحقيقة الموقف ،لقد عملا بنصائح الاطباء و نفذ كل رغباتها للحفاظ

على معنوياتها مرتفعه و بقيت حيرة هشام فى ابلاغ حسام عن حالة شيرين المرضيه ،لكن زوجته اقنعته انه من الافضل الانتظار لما بعد

العمليه ، خاصة ان الزواج لن يتم باى حال قبل انهاء شيرين لدراستها بعد اربع سنوات .

و جاء اليوم المنتظر ، و نزلت عائلة شيرين باكملها فى الفندق المقام به الحفل ، و جاء الكوافير و الماكيير لاعداد شيرين فى غرفتها بالفندق

و كم كانت مهمتهم سهله ، لقد استغرقوا دقائق معدوده ، لتنظر شيرين فى المراه

كان الفستان من اللون الفضى الفاتح ، الذى لا يحمل الكثير من اللمعه ، و لم يكن به تطريز او شغل كثير ، يضيق عند الوسط ،

ثم تتسع اطرافه من اسفل لتبدو مثل الكرانيش من عدة طبقات..و كان شعرها القصير مسدلا كطبيعته مع تكسيره من

الاطراف ، و يزينه مجرد حبات صغيره من اللولى باللون الفضى مثل الفستان ، و ارتدت قرطها الماسى الانيق ، الذى بدا رائعاَ مع قلب

حسام الماسى الصغير الذى اصرت على عدم ارتداء غيره حول عنقها

و بدت شيرين كأميره خرجت لتوها من احدى الروايات الاسطوريه لفت حول نفسها ، فتطايرت اطراف الفستان ، ليبدو حذاءها

الحريرى الذى صنع خصيصا مع الفستان و شكرت شاهى كثيرا على الفستان الرائع

شاهى : و الله يا بنتى مش موضوع فستان خالص ، المهم اللى لابسه الفستان ، انتى كبرتى اوى يا حبيبتى

و دخلت الام فى ذات اللحظه و رات شيرين

و اخذت الانفعالات تعتمل فى داخلها ، هل تفرح ، ام تخاف عليها اكثر

و هتف قلبها : يا رب احفظها لى يا كريم

و احتضنت ابنتها و هى تجاهد كى لا تبكى و تدفع كل من فى الغرفه للبكاء ، فقد كن انتهين كلهن من الزينه و لا مجال للبكاء الان

و كان حسام فى ذات الوقت يرتدى ملابسه فى احد الغرف ومعه صديقه المقرب ، الذى
امسك بالكرافته :
ايه يا ولد ده ،حته دين كرافته ، وقعت واقف يا حس انت ، دى ايف سان لوران يا جدع

و ما انت انتهى حسام من ارتداء ملابسه ، حتى بدا كفؤا لشيرين فى الاناقه و الوسامه

و بعد دقائق التقى العروسان امام باب القاعه

نظر حسام لشيرين ، وقال :انا كنت فاكر ان خلاص مش ممكن تحلوى اكتر من كده ، كل ما اشوفك اكتشف انى غلطان

ردت عليه : ايه الشياكه دى بس يا دكتور

فرح حسام بنفسه لكنه قال : بس ايه الحمالات دى يا ابله ، احنا ما اتفقناش على كده

شيرين ضاحكه : ايه كنت عاوزنى اشيل الحمالات ممكن على فكره يبقى سان بروتال

حسام : لا خليها اهى برضه حشمه ، بس كان نفسى يا شيرين مفيش حد يبص لك يا غيرى

شيرين : بس كده ، بك...........و لم تستطع شيرين الاكمال و قطع صوتهما صوت

هشام عباس يتلو اسماء الله الحسنى ، ودخلا القاعه و قام الجميع وقوفا لاستقبالهما

لم يكونا عروسين عاديين ، كانت جمال شيرين فى هذه الليله فتاكا و قد زادتها الفرحه جمالا ، اما حسام فكان طويلا ممشوق القوام

عريض الاكتاف ، و عيناه واسعتان ساحرتان ، تلمعان بكل ما يمكن ان يحلم به شاب فى مقتبل حياته و الى جواره فتاة احلامه

كان كلاهما عروسى الاحلام فرح حسام باسماء الله الحسنى ، وقال فى نفسه ، و كمان جايبين دى جيه ، لكنه فوجىء بهشام

عباس نفسه يغنى لهما .....

اثر ذكر الله فى الحضور و جعل اعينهم خاشعه و كلهم اذان صاغيه

اما ام شيرين و ام حسام ، لم تتوقف شفاهما لحظه عن التمتمه بالقران لمنع الحسد

و انهمك هشام فى استقبال كبار المدعوين من كبار المسئولين واصحاب الاعمال

اما شريف فكان مع شلته بالجامعه يحضرون انفسهم لاحياء ليله خاصه جدا

و كل صديق من اصدقائه يتساءل اين كانت تختبىء هذه اللؤلؤه ، و يلومون شريف على اخفاءها عنهم ، اذ لم تكن من عادته استقبال

اصدقائه فى المنزل ، بل كان والده يخصص مكتب صغير فى العماره لمذاكرته مع اصدقائه .

و فى ركن اخر صديقات شيرين، و داخل كل منهن احاسيس مختلفه..منهن المخلصه السعيده لسعادة صديقتها و منهن الحاقده على شيرين وعلى جمالها و مالها و منهن من كانت تتمنى حسام لنفسها

لكن على وجوههن نفس الابتسامه لا تستطيع ان تفرق بينهن من شدة اتقانها

و كل واحده تمنى نفسها بعريس من هذه الليله العامره بعد ان ارتدين افضل ما لديهن ، و قضين اليوم كله عند الكوافير لا فرق بين

المحجبه و غير المحجبه، فقد اصبح هناك الان سيدات متخصصات فى ربط الحجاب بطرق مبتكره للافراح و المناسبات

اما منال ، فكانت اكثرهن حركه ،تسوى من فستان شيرين ، وتحضر لها منديلا ، و تجلس من يحضر من الكليه فى مكانه ، وهى تدعو الله

من قلبها بالسعاده لشيرين و ان يكفيها شر الحقد و الحسد .

و تسمرت الطفلتان الجميلتان ندى و ليلى فى الوضع المتفق عليه حاملتان الشموع امام الخاله الجميله وعريسها

ما ان قاربت اسماء الله الحسنى على نهايتها حتى ردد الجميع مع المطرب

اللهم صلى افضل صلاه على اسعد مخلوقاتك "

سيدنا محمد و سلم عدد معلوماتك و مداد كلماتك كلما ذكرك الذاكرون وغفل عن ذكرك الغافلون "

و ابتدعت شيرين و حسام بدعه جديده ، قديمه جدا فى الواقع حيث اتفقا ان يجلسا كأميرين ليتابعا الفقرات ، بدون ان يقوما للرقص مع الشباب كما يحدث عادة و يكتفون بالفرجه

و هذا ما لاقى قبولا شديدا عند والدة شيرين التى كانت تخاف عليها من المجهود و كلما حاول مطرب او مطربه ان يجعلهما يرقصان ،

يرفض حسام و كذلك شيرين..حيث كانت تتمنى الجلوس مثل افراح زمان طول عمرها و ترى ان رقص العروس ده بهدله جامده هاهاها

وعندما حانت لحظة لبس الدبل ، ارتجف قلب شيرين ، و كذلك قلب حسام ، و هو يحس انه فقط يكمل ارتباطه بها ، لانها كانت امتلكته منذ

ان وقعت عليها عيناه..و وضعت شيرين دبلتها فى اصبع حسام ، و وضع هو دبلته فى اصبعها و تلاها المحبس ثم الخاتم طبقا لتعليمات شهيره
ثم ضم يدها الصغيره الى شفتيه ،و لثمها بقبلة عفويه ، جعلت قلوب عذارى الفرح تبتهل الى الله ان يفرحهن مثلما فرحت شيرين ،التى

احمر وجهها بشده ،حيث لم تكن تتوقع هذه القبله على الاطلاق..ثم تقدم هشام والد شيرين باسوره ماسيه ،و البسها لابنته و قبل راسها

و عيناه تدمعان و قلبه متوجه الى الله يدعوه ان يحفظها و يحميها بعدها طلب الدى جي اخلاء القاعه ليرقص العروسان رقصه هادئه على اغنيه اهدتها شيرين لحبيبها كانا يتمنيا الا تنتهى هذه الليله ابدا ......

ونكمل الحلقة الجاية ان شاء الله

الحلقة الواحدة و العشرين

انتهت حفلة الخطوبه مثل كل الاوقات السعيده ، تنتهى ، لكن تظل ذكرى عزيزه لا تمحوها الايام

و صعد كل من حسام و شيرين الى غرفته

و كلمها بالتليفون : شيرين ، اللى حصل النهارده كان حقيقى ؟

شيرين : ارجوك يا حسام ما تشككنيش عشان انا لحد دلوقتى مش مصدقه

حسام : يعنى يا شيرين انتى خلاص بقيتى خطيبتى ؟

شيرين : ايوه و انت خطيبى

حسام : حبيبتى ؟

شيرين : و انت حبيبى

حسام : حياتى كلها ؟

شيرين : و انت اغلى من حياتى

حسام : ساعات باحمد ربنا انى عمرى ما كان عندى فتاة احلام ، عشان اى حلم كان ممكن احلمه ، اي امنيه كانت حاتخطر على بالى ، كانت جنبك ، حاتبقى باهته

شيرين : انا كمان يا حسام ، كنت باسمع بس عن الحب ، و عمرى ما تخيلت انى اقع فيه بالشكل ده ، لكنى بعد ما حبيتك ندمت

حسام : ندمتى ؟

شيرين : على كل لحظه فى عمرى ما كنتش فيها معاك ، رغم انى حاسه ان فى كل لحظه ، كنت برضه بحبك

حسام : يعنى ما كنتيش بتحبى حد من الممثلين او المطربين حتى ؟ لا لا ، ما تقوليش عشان حاغير ، و ممكن اكره الممثل ده و اقتله و ارتاح

شيرين : هاهاها ، لا حاقول هه

حسام : لا حازعل ارجوكى

شيرين : هاهاهاها ، كابتن ماجد هاهاهاها

حسام : هاهاها انا اللى غلطان انى خطبت واحده لسه صغننه زيك ، بس تصدقى مش هوه كارتون ، برضه غيران منه ! ليه كده يا شيرى ؟ عارفه لو كان بوجى يمكن ما كنتش ازعل كده هاها

و قطعت شيرين ضحكته بقولها :
باحبــــــــــــــــــــــــــــــــــك

نزلت هذه الكلمه كقطرة الندى على قلب حسام ، و كأنما ضن ان يتكلم بعدها فيذهب صداها من اذنيه......

ساد الصمت بعدها ، كانا يتكلمان خلالها ، لا بالشفاه ، و لا حتى بالعيون ، بالقلوب فقط نبض قلبه رد عليها ، و كذلك ردد قلبها

احبك احبك احبك
كرجع الصدى لكلمتها

و فى الصباح التالى ، غادر الجميع الفندق ، و كانت والدة حسام قد اعدت الغداء لعائلة شيرين كلها فى منزلها ، فخرج حسام
من الفندق و بصحبته شيرين و ركبت معه سيارته و خلفهم جاء شريف و هشام و حرمه، و اعتذرت شهيره و شاهنده عن
عدم الحضور ، لارتباطهما بالسفر لقضاء باقى اجازة نصف العام مع الاطفال فى العين السخنه
ما ان خطت شيرين داخل منزل حسام ، حتى احست انها تشاهد سنين عمره كلها ، صوره طفلا ،احست انه طفلها و ذاب
قلبها حنانا و عطفا عليه ، و حين رات صورة والده رحمة الله عليه ،
احست شيرين انها على وشك البكاء حزنا ، على رحيله ، و على طفلها اليتيم ، وحين لمحت صورة تخرجه من المدرسه ،
كادت تقفز و ترمى الكاب فى الهواء فرحا به ، أما صورة تخرجه من الكليه ، جعلتها تشعر انها انجزت انجاز عمرها ، بتخرج حبيبها و طفلها من الجامعه
صحيح ان اصل كل عواطف المراه هى عاطفة الامومه ، انها تولد بها و على الرغم بساطة المنزل ،احست شيرين بأثار العز القديم والاصاله فى كل ركن فى المنزل

و نزل حسام ليصحب حماه وحماته ، و صعد بهم حيث كانت امه قد اعدت وليمه عامره
للعروس الجميله و عائلتها .
كان حسام و امه يتوجسان خيفه من والدة شيرين منذ موقفها الاول ، لكن الجليد كان قد بدا فى الذوبان ، و بداوا يحسون
بطيبتها و اصالة معدنها
و قد استمر هشام بك يثنى على كل ما قدم له من طعام ، و كذلك زوجته ، و لم تتوقف ام حسام عن محاولاتها اطعام شيرين
، التى كانت تشبعت بالحب هى و حسام فاصبحت فى غنى عما سواه ، سواء كان طعام او شراب ، او حتى نوم
و بعد الغداء اخبرهم هشام بك انه سيتوجه للعين السخنه حيث بناته هناك لقضاء يومان من الاجازه ،
و دعا حسام و والدته لقضاء يومان معهم
طار حسام من السعاده ، يومين مع شيرين ، انت مسعد يا حسام والله

ثم احس بالخجل ، و عاد ليقول : احنا مش عايزين نتقل عليكم يا عمى ، عشان انا عارف ان اخوات شيرين هناك و ممكن ما يكونشى في مكان
هشام : هاها اطمن يا حسام يابنى ، انا احنا حاننزل فى القريه السياحيه بتاعتى هناك ، سيادتك تنقى اى شاليه و تقعد فيه مع والدتك و أى حد تحب انه ييجى معاكم كمان

فكر حسام اه بدانا شغل التعقيد ، ما حنا برضه كويسين و كان عندنا بيت ملك فى السيده برضه

شكرت ام حسام هشام بك و لكنها اعتذرت عن عدم قدرتها على السفر لارتباطها مع اخوتها ببعض الامور ، لكنها طلبت من حسام ان يسافر ليقضى يومان نظرت شيرين لحسام و كلها امل

، و لم يشأ ان يخذلها فرد :
ان شاء الله يا عمى ، لما توصلوا بالسلامه اكلم حضرتك و........

قاطعه شريف : لا ، انت عايز تزوغ ، ما فيش فايده يا بو نسب ، انا حاعدى عليك بكره بعربيتى عشان اخدك معايا انت و شيرين ، و ماما و بابا ييجو براحتهم
خلاص

حسام : شكرا يا شريف بس انا ممكن اجى بعربيتى

شريف : لا انا حاخدك وارجعك من الباب للباب
...
..
.
كفاية كدة النهاردة عشان شكلكوا عاوزين تناموا
نكمل الحلقة الجاية ان شاء الله

انا جييييييت
معلش مكنتش متابعه
كان عندي برد
بس بجد قصة رااااااااااائعة
تسلم ايدك هيما
بجد انا بقرا الحلقة اكتر من مره من جمالها
وربنا ياااااااااخذ كل الى زاي خالد
ويبااااااااااااااارك في الى زاي حساااااام
وربنا يشفيكي ياشرين
كمل هيما عاوزة اعرف باقي الاحداث
مع اني متاكده انها اول متعرف
بمرضها هي الى هتحاول تبعد عن حسام
علشان تسعده
هو كده الحب الحقيقي ديما صعب
كمل هيما ياله
انا جيت وخاف مني
وحشاااااااااااني حنونتي
ياااارب يكرمك بواحد زاي حسام ده

الف حمد الله على السلامه يا فرحه والف سلامه عليكى من البرد
ومش تستعجلى الاحداث لانها حتى لو عيانه من حقها تعيش وتحب وهو اللى فعلا لو بيحبها مش هيتخلى عنها ابدا ابدا
ويلا كمان مع حلقتين جداد علشان خاطر رجوع فرحه بالسلامه

الحلقة الثانية و العشرين

و حين جاء شريف فى الصباح ومعه اخته ، وجدوا حسام منتظرا فى الشارع ساعتها نزلوا من السياره ليسلمواعلى حسام

و كأن كل عائلة شيرين كان همها الاوحد اسعادها ، و ان يوفروا لها اقصى ما تتمناه من السعاده .

حتى شريف الغيور على اخته ، احب ان يحضر حسام معهم فقط حتى يرى هذه اللمعه و السعاده فى عينى شيرين

تحول اليومان التاليان ، الى حلم من الاحلام ، كان شيرين و حسام يقضيان اليوم باكمله على شاطىء البحر ، امام الفيلا ، لا يفعلان اكثر

من النظر لبعضهما والكلام ، و ادهشهما سويا حبل الكلام المتصل بينهما كانهما يعرفان بعضهما منذ الأزل ،فكان اذا تكلم ، باح بكل

مكنونات صدره ، بدون ذرة خجل من الامه و عذاباته و لحظات ضعفه ، يحس انها نفسه، ايخجل الانسان من نفسه ، كان يكلمها كما لو كان يعرفها طوال عمره
وهى الاخرى ، حكت عن الامها و هى صغيره بسبب نحافتها وصغر حجمها ، و كيف كانت داليا زميلتها تصفها دائما بالمسمومه ، بينما كانت منال دائمة الدفاع عنها ضد تلك الهجمات

وحكت عن اضطرارها لاخذ حقن منتظمه كانت امها تصفها انها مقويه لها ، فى حين انها كانت تزداد وهنا عقب كل حقنه حيث كانت فى

الوريد ، و من شدة نحافتها ، و خوفها من تلك الحقنه ، كانت الممرضه تمضى حوالى الساعه تبحث عن وريد صالح للحقن مما كان يزيد من المها و كراهيتها لتلك الممرضه

و حكت ايضا عن دهشتها ، من نفسها ، انها لم تعد تكره داليا ،و لا حتى الممرضه ، لقد صالحت ايامها و تخطت عذاباتها الصغيره منذ

وقعت فى حب حسام منذ تلك اللحظه ، احست بالسكن ، بالامان ، مما جعلها مستعده ان تغمض عيناها و تترك له قيادة حياتها
للابد ، وهى واثقه انه ابدا لن يضيعها

انها ترى فى عينيه نظرة اباها و اخاها و ..... حبيبها فى نفس الوقت

كانت لا تدرى متى نما الحب داخلها الى تلك الدرجه ، لقد مرت فقط ثلاثة اشهر منذ عرفت حسام ، لكن يبدو ان الحب لا حسابات عنده للزمن

بدليل انه من الممكن ان يعيش اثنان معا لسنين دون ان يطرق الحب ابوابهما

و فى اثناء الرحله ، تلقى حسام تليفونا من الدكتور المشرف على رسالته ، يبشره انه مرشح للسفر الى لندن ، لاكمال دراساته العليا

هناك ، بعد استيفاءه الشروط وكذلك بعد نجاحه بتفوق فى التويفل ( اختبارات اللغه الانجليزيه ) و بالتالى اصبح عليه الاستعداد للسفر فى خلال اسابيع قليله

اجفل حسام من ذلك الخبر ، و احتار فيم يفعل ، لكن شيرين طمأنته و قالت له

شفت وشى حلو عليك ازاى،

و عندما اعترض لانه لا يستطيع البعد عنها

هونت عليه الموقف ، و اخبرته انه من الافضل ان يسافر و يعمل من اجل مستقبله و هى ستحاول انهاء دراستها بكل جديه ، حتى تكون جديره به
لكن مخاوف حسام كانت تؤرقه ،هل ستظل شيرين تحبه رغم الفراق و البعد ، هل سيشاغلها الشباب و يعاكسونها و هل من
الممكن ان تنساه ؟

وعندما صارحها بمخاوفه ، لم تجب غير بجمله واحده :
اطمن يا حسام ، و انا حاطمنك اكتر كمان

و لاول مره بدأ كل منهما يحس بقيمة اللحظه ، لمعرفتهما بالفراق الوشيك مما جعل اللحظه سويا تساوى عمرا كاملا

أما والدا شيرين كانا اسعد الناس بهذا الخبر ، اذ انهما ضمنا عدم تاثير الخطوبه على دراسة شيرين، الى جانب ابعاد حسام و لو مؤقتا ، لحين نهاية رحلة علاج ابنتهما وهو الاهم

وفى اليوم المحدد للسفر ، استيقظ الجميع باكرا للتوجه للقاهره مره اخرى ماعدا شريف الذى كان قد سهر قبلها للفجر مع مجموعه من

اصدقاءه فى الشاليه المجاور ، لذلك صحا متاخرا بعد سفر والده و اخواته البنات وهو فى غاية الارهاق و استاذن من حسام ان ينتظره قليلا حتى يتم ارتداء ملابسه

خرج حسام الى الحديقه ، ليجد الجميع قد غادروا باستثناء شيرين التى فضلت الانتظار لتسافر مع اخاها و حسام حين رأها حسام فى هذا

الصباح ،انعقد لسانه ، و لم يدر ماذا يقول كانت ترتدى جيب بيضاء طويله متسعة الاطراف ، و عليها بلوزه بيضاء ايضا باكمام طويله

،يحليها حزام جلدى انيق ، و كل من الجيب و البلوزه تحمل تطريزا خفيفا باللون السماوى ، الذى تماشى مع الحزام الجلدى ، و الحذاء وايضا تتماشى مع ...الايشارب

نعم كانت شيرين ترتدى ايشارب يغطى شعرها و عنقها باللون السماوى الفاتح ، الذى عكس لون عينيها و احاط وجهها
الجميل بهاله نورانيه و زاده جمالا و فتنه

و لاول مره فى حياته ، بدا حسام يعتقد ان الحجاب يمكن ان يزيد من جمال الفتاه لا العكس ، فعندما غطت شيرين شعرها ،برز اكثر وجهها الجميل و عيناها الرائعتان و عندما لمحت تساؤله فى عينيه

قالت : ايه انا مش قلت لك حاطمنك زياده على

حسام : انت فاكره انى كده اتطمنت ، انت جمالك زاد يا شيرين ، الحل الوحيد انى اطمن هوه انى مش حاقولك اخدك معايا ، لا ادخلك جوايا

شيرين : هوه انا لسه مش جواك يا حسام

حسام بعد تنهيده حارقه : جوه قلبى ، بس كل ما احبك اكتر ، اخاف اكتر

كان شريف متعبا للغايه بعد سهرة امس ،لذلك طلب من شيرين ان تقود السياره بدلا منه ، و احرج حسام ان يطلب قيادة السياره ،الى جانب ان عدم درايته بقيادة السيارات الاوتوماتيكيه زاده احراجا

وطمأنته شيرين عندما لمحت توتره بانها خلاص حصلت على الرخصه فور ما تمت تمانية عشر عاما ، ابيه شوكت احضر لها الرخصه لباب البيت
نام شريف على الكرسى الخلفى ،

و قربت شيرين كرسيها من المقود لتستطيع التحكم فى السياره ، و الى جوارها حسام
يراقب معها الطريق و ينبهها كلما جد جديد

:
و فى لحظه قدريه خاطفه ، قطعت سياره نقل كبيره الطريق عليهم ، و صدمت سياره صغيره على الجانب الايمن للطريق

صدمه قويه جعلتها تدور حول نفسها لتتوقف كلتا السيارتان فى وسط الطريق و اصبح ما من طريقه لتفاديهما فاضطرت شيرين الى ضغط

الفرامل بشده والانحراف بقوه جهة اليمين ، وفى ثانيه واحده او جزء من الثانيه ، حصل الصدام الرهيب بين تلك السياره الصغيره و سيارتهم

ونكمل الحلقة الجاية ان شاء الله

الحلقة الثالثة و العشرين

حدث الاصطدام فى جزء من الثانيه ، لم يكن ممكنا تلافيه بحال، مما ادى لانقلاب السياره

الصغيره ، بينما لاذت السياره النقل بالفرار ، ارتج شريف الذى كان نائما فى الكرسى الخلفى بشده و صدم راسه بمسند الباب، مما اصابه

بالاغماء ، اما شيرين فقد انفتحت الوساده الهوائيه امامها هى و حسام فى نفس اللحظه .فلم تصب فى الحادث لكن حدث لها ما يشبه الصدمه

و اضطرحسام ان يقطع الوساده الهوائيه بنصل صغير فى ميدالية مفاتيحه حتى يحررها من ضغط الوساده الهوائيه على صدرها ، اذ كان

كرسيها قريبا جدا من المقود واصبحت من جراء هذا الضغط فى حاله يرثى لها و عاجزه عن التنفس بصوره طبيعيه .

نزل حسام مسرعا من السياره و كانت السيارات قد بدات فى التوقف للمساعده ، فحمل شيرين حملا ، و وضعها فى الكرسى

بجوار السائق ، و اغلق الباب ،و فتح باب السياره الصغيره عنوه ، و اخرج منها المصاب ،

و ساعد بعض الشباب فى وضعه فى احداها ، وفى اثناء ذلك وصلت سيارة دوريه للشرطه كانت فى المنطقه ، و سالوا عمن كان يقود

السياره الشيروكى وقت الحادث ، فاجاب حسام بانه هو قائدها ، و طلب

الاسراع فى انقاذ المصابين الذين نظر لهم الضابط فى لحظتها و حمد حسام الله انه نقل شيرين الى المقعد المجاور للسائق ، و ساعده

رجل الشرطه فى نقل شريف الذى كان لازال فاقداً الوعى ، و شيرين التى

كانت فى حاله يرثى لها ، و انطلقت سيارةالشرطه و خلفها سياره احد الشباب التى كانت تحمل المصاب لاقرب مستشفى لاسعافهم ، و

كان يبدو على قائد السياره الصغيره انه نزف الكثير من الدماء و حالته خطره

.و فى اثناء ذلك اتصل حسام بهشام بك ، و اخبره ان حادثا بسيطا قد وقع ، و انهم كلهم فى الطريق للمستشفى ، هلع الرجل على ولديه و

امر سائقه بعكس الاتجاه و العوده لمكان المستشفى كما وصفه له حسام .

و فى المستشفى ، دخل شريف غرفه عاديه للكشف و كذلك شيرين ، اما المصاب فدخل العنايه المركزه و كان تشخيص الطبيب لحالة

شيرين، صدمه عصبيه ، اما شريف فاغماءته كانت بسيطه و قرر الطبيب انه

بسبيله للافاقه منها وسأل الضابط حسام عما حدث ،حكى له حسام ما حدث بالتفصيل، و زاد عليه رقم السياره النقل التى فرت من مكان

الحادث ، وكان الشاب الشهم الذى ساعده قد التقطها و دونها على موبايل حسام

الضابط : انت اللى كنت سايق

حسام : ايوه يا فندم انا

الضابط : فين رخصك ؟

تذكر حسام فى هذه اللحظه ان رخصته فى سيارته بالقاهره

و اجاب : هى مش عربيتى انا ضيف و صاحب العربيه تعب و كان عايز ينام ،فسقت مكانه و رخصتى مش معايا انا كنت سايبها فى عربيتى فى مصر

لم ينتظر الضابط اكثر من ذلك ، و قبض على حسام ، و طلب منه التوجه معه للقسم فاستسمحه حسام فى ان ينتظر حتى يصل اهل شيرين لانها كانت ذاهله تماما و عاجزه عن النطق .

ارسل الضابط للدوريات و البوابات مواصفات السياره النقل، لضبطها و احضارها ، و قررالانتظار قليلا مع حسام

وخلال ربع الساعه كان اهل شيرين قد وصلوا جميعا ، و امها فى حالة انهيار

هشام : ايه يا حسام يا بنى ، شيرين وشريف جرالهم حاجه ؟ و انت رايح فين ؟

حسام : ان شاء الله خير ، الدكتور طمنا انها بسيطه باذن الله ، انا حاضطر امشى مع الضابط عشان الاجراءات

هشام : ليه يا بنى انت مالك ، مش شريف اللى كان سايق ؟

رد حسام متلعثما و كان الضابط الى جواره : لا لا يا عمى ، انا اللى كنت سايق ، و ..

لم تدعه ام شيرين يكمل اذ هجمت عليه و خمشت وجهه باظافرها و صاحت :

موتتهم الاتنين ، منك لله يا شيخ ، و انا اللى كنت باقول حاتسعد بنتى ، تقوم تقصف عمرها هى و اخوها كمان ، حرام عليك ، حرام عليك

ذهل هشام مما فعلت زوجته و اضطرلتكتيفها و ابعادها عن حسام الذى تركها تهاجمه و لم يرفع اصبعا لرد هجومها عليه ، فقد كان هو

الاخر خائفا على شيرين ، و لا يهتم بما قد يحدث له ، قدر اهتمامه بها .

و مضى حسام مع الضابط وهو يتصل باحد اصدقائه فى القاهره ، طالبا منه احضار رخصته من داخل السياره ، دون اشعار امه بالقلق

و لكن هيهات ، لقد كانت امه تعلم ان لديه ميعادا مع رئيس القسم بالكليه ، لاستيفاء اجراءات البعثه ، و تعلم انه قادم اليوم لا محاله ،

و اعدت له الغداء و البذله التى طلبها ، ليجرى بها المقابله مع الدكتور لذا

تضاعف قلقها عندما طلب صديقه المفتاح لاحضر الرخص، لكن صديقه كذب عليها و اخبرها ان حسام كان يقود السياره بدون رخصه

و انه موجود قريبا من المنزل فى لجنه مرور عاديه و يريد رخصته .

ازداد الامر سوءً بوفاة المصاب فى الحادث ، و اصبح لزاما على حسام العرض على النيابه ، و تحقيقات طويله لذلك كان لابد من الاتصال بوالدته لطمانتها ، و هذا ما فعله و طلب اليها ان تسال عن شيرين و اخاها و كذلك ان تحدث رئيس القسم فى الهاتف و تطلب ارجاء المقابله يومين حتى يفرج عنه ، و قضى ليلته فى القسم مسهداً ، لا يدرى ماذا حدث لحبيبته ، و لا ماذا سيكون مصيره و مصير بعثته بعد هذه القضيه التى لم تكن فى الحسبان

اما عائلة الحديدى فكانت فى حاله يرثى لها

فما ان افاق شريف حتى وجد امه تبكى على مقربه منه و تقبل يديه و وجهه ، وتحمد الله على سلامته ، و افاق غير متذكر للحظة

الاصطدام ،كل ما يذكره انه كان نائما فى

الكرسى الخلفى ثم اضاف:

انا متهيالى يا ماما مش حسام اللى كان سايق ، ايوه ، شيرين اللى ساقت ، انا مارضتش اطلب من حسام يسوق عشان ما احرجوش،

لكن شيرين واخده على عربيتى و ياما ساقتها

يمكن هوطلب يسوق شويه عشان يريحها ؟

انا السبب فى ده كله ، فين شيرين ؟

كانت شيرين نائمه بعد حقنه مهدئه اعطاها لها الطبيب ، وقناع الاكسجين على وجهها ، و قد تحول وجهها الى اللون الابيض لم يكن بها

اصابات ظاهره ، لكن طبيبها الخاص جاء بناء على طلب هشام بك ، و بعد كشف

سريع عليها ، قرر ان حالة قلبها اسوا ما يكون الان ، و انها لن تستطيع الانتظار لاجراء الجراحه، بل يجب ان تجريها فى خلال ايام قليله

، لان عضلة القلب اصبحت اضعف من ان تحتمل الانتظار، و لم تعد مشكلة الصمام هى مشكلتها الرئيسيه ، بل ضعف عضلة القلب

نفسها .

هشام : انا عارف يا دكتور ان دلوقتى ممكن نغير القلب كله ، انا ممكن ادفع كل ما املك ، عمرى كله ، عشان انقذها

الطبيب : ايوه بس نقل القلب ده بيكون فيه طابور مرضى منتظرين ، لما حد يتوفى و يتم حفظ قلبه بطريقه معينه ، و بعد وقت قصير من

وفاته ، و الكلام ده موجود فعلا فى امريكا ، بس الاولويه للمواطنين الامريكيين نفسهم اللى بيشملهم التامين الصحى هناك

و فى خلال دقائق كانت شاهى اتصلت بزوجها فى امريكا و حجزت المستشفى و الاطباء ، وساهم شوكت باجراءات التأشيره
و الفيزا

لم ينتبه احد ان شيرين بدات فى الافاقه و سمعت طرفا من الحديث هزت راسها يمنه و يسره طالبه ازالة القناع عن وجهها ، الذى

اغرقته الدموع ، و سالت عن اخاها و عن حسام

الام : الحمد لله هما بخير يا شيرين ، منه لله بقه اللى كان السبب

شيرين : مين يا مامى اللى كان السبب ؟ هما مسكوا سواق العربيه النقل

الام : نقل ايه ؟ انا قصدى حسام ، اللى مالوش فى السواقه ده ، و كان حايضيعك منى انتى واخوكى

شيرين : مين قال حسام اللى كان سايق ، و ايه موضوع قلبى ده ، انا سمعتكم بتقولوا عمليه ، مامى انا مش فاهمه حاجه

الاب : قلبك بخير يا حبيبتى ، بس احنا مضطرين نسافر امريكا عشان نعمل عمليه صغيره

شيرين : عملية ايه ، انا فاكره كويس انى ما انصابتش فى الحادثه خالص ، و كل الخبطه كانت فى العربيه ، و انا فاكره حسام وهو بيقطع

الايرباج ،و فاكره كمان ...اه ااااه يا حبيبى يا حسام فاكراه و هو بيشيلنى و يقعدنى فى الكرسى بتاعه..

كان بيعمل كده عشان يقول انه هوه اللى كان سايق..

كنت حاسه ساعتها ان الهوا تقيل و مش قادره اتنفس و لا اتكلم خالص ، عشان كده ما اعترضتش على حاجه

اصفر وجه ليلى حين سمعت هذا الحديث

و صاحت : يا حبيبى يا بنى ، ظلمتك ، شوف محامى يا هشام و لا حد يلحق الولد ، ده بايت من امبارح فى القسم

شيرين : قسم ؟ يا ناس ردوا على ، حسام فى القسم ليه ؟

هشام و هو يحدج زوجته بنظره قاسيه : مش حادثه يا شيرين و فيها مصابين ، لازم اللى سايق يتم استجوابه يا بنتى

شيرين : و حسام ماله بالموضوع يا بابى ، شيلو الكانولا دى من دراعى ، انا رايحه اطلعه من القسم حالا ، حاقول انى انا اللى كنت سايقه ، ده عنده معاد مع رئيس القسم عشان يسافر البعثه ، حرام مستقبله حايضيع

و تداعى صوت شيرين و ازداد ضعفا و هى تردد ،حرام حرام حرام

لم تقوى شيرين على الحركه ، وعادت لوضعها فى الفراش مرغمه ، و قامت الممرضه باعادة تثبيت قناع الاكسجين على وجهها

اتصل هشام بالشئون القانونيه فى شركته ، و طلب ارسال محامى لحسام ، و اخراجه من الحبس باى ثمن ، و لم يدر كيف فات عليه ان

يفعل هذا من فرط قلقه على شيرين .

فوجىء حسام بالضابط ينادى عليه باحترام شديد ، بعد ان جاءت هيئه كامله من المحامين احدهم كان لواء شرطه سابق ، و الاخر كان

استاذا للحقوق

و تم دفع الكفاله و الافراج عن حسام ، بضمان محل اقامته و طلب منه الضابط وديا عدم السفر فى اي مكان خارج البلاد ، قبل ان يتم الحكم فى القضيه

حسام : بس انا عندى بعثه للخارج فى خلال شهر من دلوقتى ، ارجوك ، انا حكيت لك على اللى حصل و فى شهود ، و نمرة العربيه النقل معاك

المحامى : طيب ارجوك تثبت عندك شهادة الشهود ، انه سائق النقل هو سبب الحادث ، و رخص موكلى مع حضرتك عشان تتاكد انه معاه

رخصه ، بس هى الظروف اللى اجبرته يسوق يومها ، كمان انا عايز عنوان المتوفى الله يرحمه عشان نتفاهم مع عائلته بخصوص

التعويض ، اى تعويض يطلبوه حايتم دفعه .

الضابط : ايوه بس فى شهود برضه شهدوا ان اللى سايق العربيه كانت واحده ست مش راجل

حسام : لا طبعا ، انا اللى كنت سايق و انا مصر على اقوالى ، و عايزنى ارجع تانى الحجز ما عنديش مانع

المحامى : لا يا دكتور حسام ، حضرتك مش لازم ترجع الحجز و لا اي حاجه ، و ان شاء الله القضيه تنتهى بشهادة الشهود ، اللى حاندور

عليهم و نجيب عناوينهم باذن الله ، و بتنازل اهل المتوفى ، هشام بك مش عايز حضرتك تحمل هم

غمغم حسام : كويس انه افتكرنى اصلا ، و الله انا كنت فاكر حايعدمونى قبل ما حد يفتكر يخرجنى من هنا

و خرج حسام من القسم و كل همه الاطمئنان على شيرين ، لذلك توجه للمستشفى القريب اولا، قبل ان يذهب لبيته
.
.
.
.
انتظروا المفاجأت الحلقة القادمة ان شاء الله

قبل التعليق على الحلقات

احب اقول حمدلله على السلامة لفرحتى

يا بنتى انت بتختفى فين

بنقلق عليكى

متغبيش اوى كدا يا فرحتى عننا

المنتدا بجد وحش من غيرك

وبعدين مين هيقف معايا ضد هيما

عشان يحط الحلقات كلها

وعايزة اشتكيلك من الاستاذ

كان بيعزبنى عقبال ما يحط الحلقات

ولازم تتصرفى احسن اتصرف معاة بعنف

» اغنية (حسام وشرين ) قصة هيما