حكايات و بنعيشها و أمثال و بنرددها

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]
الفكرة ببساطة و من غير رغى

انى فى كل مرة هاحط موقف معين ينطبق عليه مثل من الأمثال الكتير اللى بنرددها

اصلى بحب أسمع الامثال جدااااااااااا و حياة خالتى بمبى اللى ماتت متقطعه فى حادثة موتوسيكل [ندعوك للتسجيل في المنتدى أو التعريف بنفسك لمعاينة هذه الصورة]

أسيبكم بقى مع الموقف الأول

أحمد انا زهقت بقى من الفيفا دى

مش انتى يا شيماء اللى قلتى لى علمنى و هالعب معاك

زهقت بقى ماليش دعوه

طب عايزة ايه يا حبيبتى

باقولك ايه تيجى نلعب كوتشينة

كوتشينة [ندعوك للتسجيل في المنتدى أو التعريف بنفسك لمعاينة هذه الصورة]

أه علشان خاطرى يا حماده و نلعب الشايب

الشايب ماشى بس هايبقى فيها احكام

مش مشكلة ان شاء الله اكسبك

اما نشوف يا جامد

و خلص الدور بهزيمة شيماء

[ندعوك للتسجيل في المنتدى أو التعريف بنفسك لمعاينة هذه الصورة] الحكم بقى يا شوشو

احكم يا سيدى

صينية مكرونة بالباشميل

ايه [ندعوك للتسجيل في المنتدى أو التعريف بنفسك لمعاينة هذه الصورة] انت عارف الساعه كام دلوقتى

ماليش دعوة هاتعشينى مكرونة بالباشميل

حمادة شوف لك حكم تانى ما تبقاش رخم

هو كده انتى مش قلتى نلعب شايب و هاتتحملى الحكم اشربى بقى

ماشى يا احمد بس قبل ما اقوم اعملها نلعب دور تانى

و ماله نلعب بس المرة دى الدور هايبقى على صينية كيك بالبرتقال

العب بس انت و ما تقاطعش ان شاء الله المرة دى انا اللى هاكسب

و فعلا شيماء اللى كسبت المرة دى

شوشو حبيبة قلبى

مفيش حبيبة قلبى الحكم بقى انك تغسل كل المواعين بتاعة صينية المكرونة

شيماء انتى عارفه انى عمرى ما غسلت مواعين قبل كده اقولك خلاص يا حبيبتى انا مش عايز مكرونة

لأ هاعملها و انت هاتغسل المواعين

بقى كده طب و ماله ايه يعنى شوية اطباق مكان المكرونة

لأ يا حبيبى شوية اطباق ايه

دى حلة للباشميل و حلة للحمة و حلة لسلق المكرونة غير الكبة و الملاعق [ندعوك للتسجيل في المنتدى أو التعريف بنفسك لمعاينة هذه الصورة] شوشو

انا قايمة اعمل المكرونة

و انا هاقوم العب لى دورين فيفا على ما تخلصى و اجى اغسل المواعين

مرت ساعه و احمد قلق على شيماء و قام يشوفها فى المطبخ لقاها بتغسل المواعين

بتعملى ايه يا شيماء احنا مش قلنا المواعين عليا انا

لا يا حبيبى روح انت العب و انا هاخلصهم

شيماء الطبق اللى على المطبخ ده مكانه ايه

الكيك

انتى عملتى كيك كمان

طبعا يا حبيبى مش نفسك فيها

خلاص يا شوشو روحى انتى ارتاحى و انا هاشطب المطبخ

لا روح العب و انا هاخلص بسرعه

لا يمكن ابدا انتى لازم ترتاحى و انا اللى هاشطبه

خلاص زى ما تحب اروح انا بقى اخد دش

شوشو

نعم

ممكن نلعب دور تالت على القميص الاورانج الجديد [ندعوك للتسجيل في المنتدى أو التعريف بنفسك لمعاينة هذه الصورة]

بس بقى [ندعوك للتسجيل في المنتدى أو التعريف بنفسك لمعاينة هذه الصورة]

احمد صحيح كنت هانسى

نعم

ما تفتحش على الكيك علشان ما تهبطش زى كل مرة

حاضر

و الحمد لله انى دخلتها الفرن قبل ما تاكل منها و هى نيه

مش بادوقها علشان لو محتاجه سكر يا سكر [ندعوك للتسجيل في المنتدى أو التعريف بنفسك لمعاينة هذه الصورة]

احمد ابتدى يغسل فى المواعين و فجأه جرس الباب رن بيبص من العين السحرية لقى مامته اللى ساكنه معاهم فى نفس البيت

[ندعوك للتسجيل في المنتدى أو التعريف بنفسك لمعاينة هذه الصورة] جرى بسرعه قلع مريلة المطبخ

ماما اتفضلى يا حبيبتى

ازيك يا حماده

اهلا يا ماما

باقولك يا حبيبى كنت عايزة كيس لحمة من اللى شايلاهم عندكم فى الفريزر ما انت عارف الديب فريزر بتاعى باظ

حاضر يا ماما هاجيبه لك حالا

لا استنى انت انا اللى هاجيبة علشان عايزة كيس كبير

اتفضلى يا ماما

ايه ده [ندعوك للتسجيل في المنتدى أو التعريف بنفسك لمعاينة هذه الصورة]

فى ايه يا ماما خير

الحوض ماله يضرب يقلب كده و بعدين مراتك فين

فى الحمام بتاخد دش

بتاخد دش و سايبة المطبخ بالمنظر ده

احمد واقف مبلم مش عارف يرد على مامته لقى شيماء بتنده عليه من بره

شطبت المطبخ يا حماده

لا لسه يا اختى ما شطبهوش

طنط [ندعوك للتسجيل في المنتدى أو التعريف بنفسك لمعاينة هذه الصورة]

ايوه طنط يا حبيبتى مطبخ ايه اللى عايزة الراجل يشطبه و هو شقيان طول اليوم و طلعان عينه علشان يكفى مصاريفك و طلباتك ايه مش مكفيكى تعبه و شقاه بره كمان هاتشغليه خدام عند سيادتك فى البيت

كفايه يا ماما لو سمحتى انا اللى قلت لشيماء انى هاشطبه لانها كانت تعبانه

تعبانه ما هى زى القرده اهى و لابسه و متهيأه ايه يا حبيبتى انتى عايزة تلبسى و تتزوقى و ابنى يشتغل بلدالك

يا طنط و الله ده كان بيساعدنى بس

يعنى ايه بيساعدك هو احنا جايبينك من بيت ابوكى و مدينك راجل طول بعرض علشان يخدم جنابك

كفايه بقى يا طنط لو سمحتى

كفايه ايه هو انا لسه قلت حاجه بصى يا بنت الناس من اولها كده علشان نبقى على نور احنا ما عندناش رجاله بتخدم مراتاتها عاجبك على كده عاجبك مش عاجبك يبقى لينا كلام تانى

ما تقول حاجه يا احمد انا ساكته علشان خاطرك

يا ماما ما يصحش كده

اسكت انت خالص هو ايه اللى ما يصحش النهارده تخليك تشطب المطبخ بكرة اطلع الاقيك بتسيق البلاط

و ماله لما يساعدنى يعنى مش جوزى

لا يا حبيبتى مفيش عندنا الكلام ده لو كانت الست مامتك بتعمل كده فى البيه ابوكى فلازم تعرفى اننا حاجه تانية و رجالتنا رجاله بجد مش زى ناس

هى حصلت تجيبى سيرة بابا و ماما طب و الله ما انا قاعده لك فى البيت يا احمد

يا شوشو استنى بس اعقلى هاتسيبى البيت دلوقتى

ايوه و لما تبقى تعقل الست مامتك ابقى تعالى لى بيت بابا

عاجبك كده يا ماما

اتنيل على عينك بكرة ترجع و رجلها فوق رقبتها و بعدين احنا لازم نعودها على طبعنا من الأول و كله علشان مصلحتك يا عبيط

بس يا ماما

ما بسش ايه ده فى ريحة حاجة بتتحرق

بيفتح الفرن لقى المكرونة و الكيك اتحرقوا [ندعوك للتسجيل في المنتدى أو التعريف بنفسك لمعاينة هذه الصورة]

تمت

و طبعا المثل معروف

[ندعوك للتسجيل في المنتدى أو التعريف بنفسك لمعاينة هذه الصورة] ( قال يا قاعدين يكفيكوا شر الجايين ) [ندعوك للتسجيل في المنتدى أو التعريف بنفسك لمعاينة هذه الصورة]

اشوفكم بقى ان شاء الله فى موقف جديد و مثل جديد المرة الجايه

منقــــــــــول

شكرا منو قصه حلوه قوى

وانا بامن بالمثل ده قوى

اشكرك توته حبيبتي

علي مرورك

هههههههههههههههههههههههههه
جميله يامنو والله
تسلم ايدك

جمييييييييييييييييييله منو
بس خسااااااااااارة زعلت على المكرونة
ياله حصل خير
مستنية المثل الجديد
كملي

اشكرك هميا علي مرورك

اشكرك فرحه

ان شاء الله بشوف حاجه تانيه