كيف نحافظ على حبنا للأبد

[ندعوك للتسجيل في المنتدى أو التعريف بنفسك لمعاينة هذه الصورة]

كيف نحافظ على حبنا للأبد
&&&&&&&&&&&&&&&&&&&&&&&&&&&&&&&&&&&&&&&&&&&&&&&&

اولا: الشباب:-

حاول انك تبقى هادي وشديد في نفس الوقت مع حبيبتك بمعنى انك مش كل حاجة تقولهالك تقول حاضر ياحبيبتي انتي تأمري بس وبرضه مش كل حاجة تقولهالك تقولها نعم؟ لا طبعا خليك متوازن في حبك متخليش حبيبتك تقول عليك انك هايف ومعندكش شخصية وبرضه متخلهاش تقول عليك انك دكتاتور عايز تملكها وخلاص واوعى لو عدت عليكم مشكلة مهما كانت صعوبتها تسلم وتقول لا احنا مبقاش ننفع لبعض لا غلط انت لو عشت قصة حب مافيهاش اي مشكلة هتكون العلاقة مملة جدا وهتلاقي نفسك زهقت منها كل مشكلة تعدي عليكم لازم تواجهها لوحدك او مع حبيبتك متفرقش بس المهم انت تواجهها.

ثانيا: البنات:-

بالنسبة للبنات لازم تحسي بحبك جوه قلبك عشان في بنات تحب بس تيجي تقوليلها انتي حاسة بجد انك بتحبيه ولما تفكر تقولك تصدقي لا وانا شوفت ده بعيني لازم تفكري بقلبك وعقلك مش بقلبك بس والا هتخسري الشباب لو حبو وسابو عادي بالنسبة لهم اه هيزعلو شوية ويكتأبو بس بعد كده هيبقو عادي اما البنات الجرح اللى هيكون موجود عندهم هيكون عميق اوي وصعب انه يشفى بسهولة وغير كده لو البنت من النوع اللى بتحب تتفسح مع حبيبها فاكيد كل الناس هتشوفهم فلو سابو بعض ده هيضر بسمعة البنت عشان كده لازم تفكري بعقلك قبل ما تفكري بقلبك كمان دي كانت اول حاجة اما تاني حاجة المظهر العام بمعني انك لازم لازم لازم يكون مظهرك قدام كل الناس مش حبيبك بس يكون كويس من ناحية الشخصية والادب والملبس وخصوصا يكون قدام حبيبك كويس ده هيساهم في ان الشاب يتعلق بيكي اكتر واكتر بس اوعي لو لاقيتي ناس يامة حبوكي او اتعلقو بيكي تتغري في نفسك ده مش هيخلي حبيبك بس اللى يبعد عنك بالعكس ده انتي هتلاقي نفسك وحيدة في دنيا لازم تلاقي الانسان القريب منك مش لازم يكون حبيب ممكن يكون صديق او صديقة .

دي كانت بعض النصايح للكل اعملو بيها ولو لاقيتو كلامي غلط ابقو قولولي واكيد هيبقى في حاجة غلط حصلت وهتعرفو اني برضه في الاخر هطلع صح
__________________

انا بحبه وهو بيحبني بس ماقدرناش نكمل
الجمله دي بقيت اسمعها كتير اليومين دول

بس فعلا لو الطرفين بيحبوا بعض والاتنين اتاكدوا من كده يبقي في كام طريقه يقدروا يحافظوا بيها علي علاقتهم:

التواصل

التواصل من اهم الحاجات اللي ممكن تحافظ بيها علي علاقاتك بشكل عام
وعلاقتك مع حبيبك بشكل خاص
كتير بقابل ناس تقولي بحبه بس مش بقدر اقول
اوكتير بحس بحاجات بس مش بعرف اعبر عنها لحبيبي
ودي اول حاجه ممكن تبعد اتنين عن بعض
لان كل واحد بيبقي حاسس ان التاني بعيد عنه وكل واحد فيهم في وادي
عشان كده لازم تقدر تحول شعورك واحساسك لكلمات مناسبه تقولها للطرف التاني
وده ممكن يحصل عن طريق المشاركه
هقولكوا ازاي
اعملوا معظم الحاجات مع بعض يعني شوف الطرف التاني بيحب ايه واعمله معاه
حتي لو انت مش بتحبه قوي لان ده ده هيخليكوا تقربوا من بعض
لان فعلا المشاركه اول خطوه لانجاح علاقة ارتباط بين اتنين.

الصدق

من اهم واول الحاجات اللي ممكن تقوي العلاقه بين اتنين هي الصدق والصراحه
وده في كل الاوقات وكل المواقف

وعايزه اقولك ان الصدق مش ان اما حبيبك يسالك علي حاجه تجاوب وتقوله الحقيقه
لا الصدق والصراحه انه يعرف كل حاجه ويتقاله كل حاجه وده حتي من غير مايسال
يعني مايحصلش انك مثلا قابلت حبيبتك الاولانيه وقعدت معاها في كافيه نص ساعه
وماتقولش لحبيبتكاصلها ماسالتش
واعرف دايما ان الاحساس بالامان بيجي اولا من الصدق
واكيد لو مفيش احساس بالامان مش هيبقي فيه استمرار
وكمان الثقه عمرها ماهتتواجد من غير مايكون كل طرف متاكد من صدق الطرف الاخر معاه دايما
وفي تنبيه صغير ان الكذب اللي بيبقي الهدف منه عدم جرح الطرف الاخر برضه بيؤدي لعدم الثقه
بمعني تاني: جملة ماقولتلكيش عشان ماتزعليش.
اعرف دايما ان حتي لو الحقيقه ممكن تجرح فالاكيد ان الكدب هيجرح اكتر
لكن الصدق ممكن يداوي جرح الحقيقه
لكن جرح الكدب صعب انه يداوي

التسامح

لو حبيبك غلط غلطه اوجرحك جرح انت مالقيتش ليه سبب او تفسير يعني كدب او خان او ظلم
اول حاجه تعملها افتكر ان حبيبك ده انسان
وكل انسان مش كامل وعنده عيوب وكمان معرض للخطا
غير كده ان كل انسان في الدنيا بيتعرض للحظات ضعف
لحظات الضعف دي ممكن تخليه يجرح اقرب الناس من غير قصد
هنا هتلاقي نفسك قادر تسامح والقدره عالتسامح موجوده عندنا كلنا
بس احنا اللي بنتحكم في استعمالها
فنصيحه مني سامح حبيبك مهما حصل منه او مهما غلط
وعلي فكره التسامح مش بينفي انك تاخد موقف
يعني انت ممكن تعاقب وتسامح برضه بس المهم تسامح.

تنظيم الغيره

من المؤكد ان مفيش حبيب ممكن مايغيرش علي حبيبه
لكن لازم يكون للغيره دي حدود ونظام
لان الغيره فعلا من اكتر الحاجات اللي ممكن تقتل الحب وتدمر العلاقات
والكلام ده بالنسبه للبنات اكتر
بما اننا في مجتمع شرقي فالطبيعي ان الراجل بيحط حدود للانسانه اللي مرتبط بيها
وحتي لوهو مش موجود هي كانت هتعملها
بمعني ان كده كده عاداتنا وتقاليدنا بتحتم علي البنت ان مايكونش ليها صدقات كتير بالجنس الاخر
وكمان بيحتم عليها انها تحط حدود للكلام والهزار ولطريقه المعامله بينها وبين زامايلها الرجاله
وده طبعا سواء قبل او بعد ارتباطها
لكن الراجل دايما ماعندوش القيود دي عشان كده دايما بيصاحب بنات كتير وبيهزر وبيتكلم وكل ده عادي
الطبيعي انك تغيري لكن ياريت تسيطري علي غيرتك
وده عشان ماتخليهوش يكدب ويخبي عليكي
افتكري دايما انه بيحبك انتي بس وانك واثقه فيه جدا
وان كل البنات دول ماينفعش تقارني نفسك بيهم
ساعتها هتحسي ان لو في وسط 100 واحده غيرك فهو مخلص ومش هيكون لغيرك
فمفيش داعي للمشاكل.

التقبل للاخر

افتكر دايما ان الطرف التاني ليس كاملا
بمعني ان لازم يكون فيه عيوب واللي بيحب بيقبل بعيوب حبيبه

كل التجارب والابحاث في المجال ده بتقول
ان بنسبه عاليه جدا صعب ان الانسان يغير من صفاته عشان الانسان اللي بيحبه
وده شيء مش ارادي علي فكره لان زي مابيقولوا الطبع يغلب التطبع
يعني هيحاول يتغير وشويه وهيرجع تاني
وده دايما بيكون سبب للمشاكل لانك بتشوف ان حبيبك مش عايز يتغير عشانك
وده فعلا صعب انه يحصل يعني مش بمزاجه
والحل اننا نتقبل بعض زي مااحنا كده انت حبيته كده ليه طالب انه يتغير.

الاحترام

دايما الاحترام هو اساس كل العلاقات الانسانيه الصحيحه
فمبالك بالحب اللي هو اهم العلاقات
يعني لازم كل طرف يحترم الطرف التاني سواء بالفعل او في الكلام والحوار العادي بينهم
يعني حاولوا تبعدوا عن الالفاظ اللي تبان بسيطه وبنيه هزار
لان دي بتبقي بدايه لعدم احترام الاخر
ومع الوقت اللفظ الصغير الي بنيه سليمه ممكن يكبر
وممكن يتعاد في لحظه حدوث مشكله وساعتها مش هيتقبله الطرف التاني
وممكن ده يكون سبب في هدم العلاقه

[ندعوك للتسجيل في المنتدى أو التعريف بنفسك لمعاينة هذه الصورة]

موضوع جميل قوى يا حنان تسلم ايدك
واضح انك مؤمنه بالحب قوى وبتدافعى عنه بكل طاقتك
محدش يقدر يقول حاجه الحياه من غير حب متسواش ومتستاهلش نعيشها
بس سنه الحياه ا نها مش بتشمى زى ما احنا عايزين وعلشان كده لاوم هيكون فى عقبات كتير قوى
ممكن نتغلب عليها وممكن منقدرش حسب طبيعه الحبيبن
وارجع واقول تسلم ايدك يا حنان موضوع رائع فعلا

اولا نورت الموضوع

وشكرا على اهتمامك بقرات الموضوع

انا فعلا مؤمنة بالحب جداااا

بس اللى انت مش تعرفة او عرفة وغافل عنة

ان الحياة بتدى اللى عايز

لما بتلقى الانسان متمسك بحاجة مش بتبخل بيها علية

زى المربض بالظبط

لما الدكتور يقول احنا مستنين ردت فعل الجسم

ومدى تمسك المريض بالحياة فى تخطى المرحلة دى

وطبعا مع اننا لا نغفل على ان الاعمار بيد الله

بس اللى عايزة اوصلة اننا اذا عايزين حاجة

برحمة الله اولا والعزيمة والاصرار على الحصول عليها هنحصل عليها

ودا اللى انا بقول علية

اذا الحبيب تمسك بحبيبة

اكيد الدنيا هتديهم اللى هما عايزينة

الحياة مش بتدى اللى مش عايز

لكن بالاستسلام

يضيع الحب

ونفقد الامل فى الحياة

ونشعر بالندم لاخر يوم فى عمرنا

وكما قلت سابقا واكيد مرة ثانية

اصعب ما فى الموضوع هو

الننننننننننننننننننندم

الندم

الندم

بس للاسف بيكون بعد فوات الاوان

[ندعوك للتسجيل في المنتدى أو التعريف بنفسك لمعاينة هذه الصورة]