عاوز تعرف مين هو المصري ادخل بسرعه

[ندعوك للتسجيل في المنتدى أو التعريف بنفسك لمعاينة هذا الرابط]
أتعلمون من هو المصري
المصري هو اللي لو عمل حاجة حلوة يبعت لجاره طبق يدوقه
وهو اللي لو لقى الدنيا بتشتّي يجري يخبّط عليك يقولك لمّ الغسيل
وهو اللي لو شم عندك حاجة بتتحرق يجري يطمن عليك لا تكون اتخنقت
وهو اللي لو سمع صوت زعيق وخناق عندك يجي يصلح
وهو اللي لو لقى خناقة في الشارع يقف يحوش مش بس يتفرّج
وهو اللي لو لقى حد بيغرق يجري ينط في الميه حتى لو هيغرق معاه
وهو اللي يقف معاك في الأحزان و الأفراح زي مايكون من بقية اهلك
وهو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص جنيه
المصري هو اللي يقعد معاك ع الفطار في رمضان
المصري اللي يشتري بالونات لولادك في العيد
المصري اللي يقف جنبك وانت بتدبح الاضحية
المصري اللي يباركلك لما ابنك يجيب مجموع ويساعدك يجيبله شغلانة
المصري اللي ييجي يقولك تجيب كشاكيل و أقلام بالجملة عشان توفر المصاريف طيبة المصري مش ممكن تلاقي زيّها فى اي بلد تانية

الشعب المصري افضل الشعوب لاننا لدينا العقل الشجاعة
حسن الاخلاق وانا هاكد ليكو اهو كلمة قالها هيتلر ( اذا اخذت جنود
مصرية بشجاعتهم وعقولهم و معهم اسلحة المانية لاخذت الغزوت العالم كله بهم)
كلنا بنشارك بعض في الاحزان و الافراح واللي بيقع في ورطة كله بيساعده الشعب المصري لديه الاخلاق الحميدة
من أجمل الحاجات فى الشارع المصرى مشاهد لن تراها إلا فى شارع مصرى، مشهد شاب يساعد سيدة مسنة أو رجلا اعمى فى عبور الشارع، مشهد صلاة الجمعة او العيد فى الشارع،
من أحلى الحاجات فى الشارع المصرى ،الطيبة اللى زرعها الله فى الوجه المصرى، نوع من الطيبة تزيدها قسوة الظروف جاذبية، طيبة يسهل إستكشافها إذا وضعت وجها مصريا بين وجوه من جنسيات مختلفة.
هوووو ده المصري
يارب اكون قدرت اعرفكم مين هو المصري
وصدقوني دا كمان قليل عليه

[ندعوك للتسجيل في المنتدى أو التعريف بنفسك لمعاينة هذه الصورة]
لو سألتك انت مصرى تقولى ايه ؟؟
تقولى مصرى ابن مصرى
و ابن مصر الله عليه
[ندعوك للتسجيل في المنتدى أو التعريف بنفسك لمعاينة هذه الصورة]
قولها بأعلى صوت و ارفع راسك لفوق
أنا مصرى و ابويا مصرى
بسمارى و لونى مصرى
و بخفة دمى مصرى
و كل مصرى الله عليه
[ندعوك للتسجيل في المنتدى أو التعريف بنفسك لمعاينة هذه الصورة]
ملوك الجدعنه و دى حاجه فى طبعهم
و عشقاهم أنا و أتمنى حبهم
شربت من نيلها ..مصر
و قلبى حنلها .. مصر
و قلت أغنلها غنوة محبه و فرح

يارب تحميها ... مصر
يارب خليها ... مصر
انصرها.. علييها
و احميها من كل شر

قلها بأعلى صوت و ارفع راسك لفوق
أنا مصرى و ابويا مصرى
بسمارى و لونى مصرى
أنا مصرى و ابويا مصرى
و كـــــــــــــــــــــــــــــــــــــل مصرى الله علـــــــــيه !!
[ندعوك للتسجيل في المنتدى أو التعريف بنفسك لمعاينة هذه الصورة]

احنة نحب المصريين
وكل العرب
والناس الطيبين
تسلم ايدك فرحة

طبعا يا فرحه هو ده المصرى بس عايز اضيف حاجات مهمه بعد اذنك
ان مصر هى البلد الوحيد اللى ذكر فى القرأن خمس مرات وذكر خاص جدا فى سوره يوسف حيث قال رب العالمين" ادخلوا "
مصر ان شاء الله امنين"
ان جنود مصر هما اللى ذكرهم النبى عليه الصلاه والسلام وقال اذا فتح اللله عليكم مصر فاتخذوا فيها جندا كثيفا فانهم خير اجناد الارض وقال صلى الله عليه وسلك استوصوا باهل مصر خيرا فأن لنا فيها نسبا وصهرا وذلك لان السيده هاجر ام اسماعيل كانت من مصر وكذلك السيده ماريه زوجه النبى كانت من مصر
المصريين هم الذين وقفوا مه صلاح الدين وجيش مصر هو الذى وقف فى وجه الصليبين
المصريين وجيش مصر وقفوا مع قطز ضد المغول الذين عاثوا فى الارض فسادا
المصريين هم الذين وقفوا فى وجه المحتل الاسرائيلى فى حرب 67 و73 رغم اتهامات الكثيرين بتورط الحكومه المصريه وخيانتها للقضيه الفلسطينيه لكن هؤلاء اصلا لم يقدموا صغير ولا كبير لهذه القضيه وللصراع العربى مع اسرائيل وان كان حكومتنا حاليا لا تتخذ اجراءت حاسمه فى هذه القضيه فشأنها شأ، معظم حكام العرب حاليا ونحن كشعب نطالب ليس حكام مصر بس ولكن حكام كل العرب لوضع حد للتغطرس اليهودى
المصريين هم الذين لا يهان عندهم الضيف ابدا مهمها كان ومن اى بلد كان ويشهد بذلك كل العرب والاجانب الذين يأتون لمصر
ارجو ان اكون وضحت جزء ولو قليل من فضل مصر والمصريين على العرب

وانا اعتز وافتخر انى اكون مصريه

وعمرى ما تمنيت انى اعيش فى بلد غيرها

لانكم زى ما قلتوا يا فرحه و هيما مش ممكن يكون فى ناس زينا

وكفايه فعلا ان البلد اللى ربنا ذكرها فى القراءن

تسلم ايدك يا فرحه على الموضوع الاكثر من رااااااااااااائع

[ندعوك للتسجيل في المنتدى أو التعريف بنفسك لمعاينة هذه الصورة]

تسلموووووووووووووولي يااااااااارب

[ندعوك للتسجيل في المنتدى أو التعريف بنفسك لمعاينة هذه الصورة]

نسيتو حاجه يا جماعه مهمه خفه دم الشعب المصرى اللى تقدر تضحك اى حد مهموم كان او زعلان وبجد يا فرحه موضوع رائع ويلمس الحس الوطنى ومصر هيا ام الدنيا والحمد لله انى مسلمه ومصريه

» شحاته يعلن تشكيلة المنتخب المصري
» وصية لاجيء- للشاعر المصري هاشم الرفاعي
» إلى متى؟ و هل نبادر بسرعه أم تؤجل؟
» ادخلو بسرعه مطابخ تجنن
» تعالوا بسرعه نبارك لرشا على الخطوبه