ملتقي عطر المحبة ابداع وثقافة وفن
اهلا اهلا اهلا اهلا
لقد سعدنا بقدومك الينا
اتمنا لك ان تفيد وتستفيد وتجد كل ماهو مفيد
وان تقضي اجمل الاوقات معنا
فمرحبا بك في بيت عطر المحبة وفي انتظار مشاركاتك الجميلة





 
الرئيسيةالبوابةالتسجيلدخولاستمع واستمتع لايات الله بصوت القارىء الذى تريد

استمتعوو واستمعو للقرأأأأأأأأاان الكريم بالضغط على صوره الطفل هدانا الله واياكم

نعلن نحن اسره بيت عطر المحببه عن وجود ايميل خاص بالمنتدى لمحادثه المدير ابعت رساله على الايميل التالى nody.2007@yahoo.com

تشكر ادارة المنتدي كل اسرتنا الجميلة لتعاونهم ومجهودهم الرائع والملحوظ دومتم معنا دائما اسرة واحدة


شاطر | 
 

 بصراحه كدا وبكل وضوح

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رحمة من الله
مشرف
مشرف
avatar

انثى
عدد الرسائــل : 122
العمـــــــــــر : 35

مُساهمةموضوع: بصراحه كدا وبكل وضوح   الأحد يونيو 14, 2009 6:38 pm



اسمحولي اتكلم في موضوع بيعتبر البعض انه من غير الحياء ان بنت تتكلم فيه
وفي قناعتي والكل يعلم انه لا حياء فى العلم أو الدين
متتخضوش اوي ... موضوعي مش جديد لكن بتمنى اننا نتناوله بشكل واضح وصريح عشان نعرف ليه اجابه
لأني كمان محتاجه اسمع ارائكم لأني محتاره فى المشكله دي
ونستفيد جميعا

امامي حالة لانسانه مكملتش 21 سنه زوجه من اربع شهور بس... وحامل من شهرين يعني
هتكون ام ان شاء الله... من شهر بالظبط وهي مقيمه فى بيت أهلها... ودلوقتي مصممه
انها ترفع قضية طلاق من زوجها

نفسى أعرف الغلط فيييين ومن مين اكيد الأسباب بتختلف أنا معاكم لكن فى شيء مشترك
بين كل حالات الزواج والطلاق السريع فى أيامنا هذه
أعتقد انه حتى مأصبحش فيه صبر مش عارفين نصبر لحد منفهم بعض ( الزوجين الجدد ) طبعا
وغير كدا بحس ان محدش باقي على التاني مش حابين نستحمل لا الظروف
أو حتى اذا كان فى مشاكل من أهل الزوج أو الزوجه احيانا المركب بيقابلهااااااااا أمواج كتير
وحالات للجو غير مستقره دا مش معناه ان ركاب وقادة المركب يسيبوها فى وسط كل دا
والشاطر اللى يقفز فى البحر قبل الثاني يمكن يلاقو طوق نجاة

وبعتقد كمان أن أهلنا الأفاضل أكيد فى بدايات حياتهم هما كمان كانو بيقابلو نفس الصعاب
ويمكن أكثر بحكم أيامهم الخاليه من كل التقدم التكنلوجي اللى احنا فيه لكنهم كانو أصدق مننا
كانت الأم او الزوجه من دول بتشوف كتيييييييييييير ورغم ذلك بتتحمل لأنها عاوزه تعيش
وغالبا بيكون مستقبل وسعادة أولادها أهم عندها من سعادتها المفقوده
وفي أحيان كتير ربنا بيكافأها على صبرها ويهدي ليها حياتها وزوجها وأسرته
عشان قلبها النقي الصافي البريء الخالي من المخططات والتدابير وكأننا في حرب

كلمة طلاق اصبحت سهله ومتداوله حتى الأب بتاع زمان اللى لما كانت تجيله بنته غضبانه
كان ياخدها من ايديها ويقول ليها بيت جوزك أولى بيكي وحلوا مشاكلكم سوا من غير محد يسمع بيكم
وادبحك لو سمعتك بتقولي طلاق دي تاني
ويميل على الزوج ويقوله كلمتين تهديه وتعرفه حقوق بيته وزوجته وأولاده عليه بمنتهى الحب
فين كل الصور دي دلوقتي بعتقد ان غالبية الأهل بتقوي أولادها وتاخدهم الكرامه وعزة النفس
متناسين تماما العواقب وساعتها بيكون الندم فات وقته وأحيانا بتشجعهم على خراب بيوتهم بأديهم

وعارفين بيصعب عليا جدااااااااا الطفل اللى مش ليه أى ذنب لا فى أختيار ابوه لأمه
ولا حتى هو اختار انه يكون بينهم
لأنهم مش فكرو حتى فيه وضيعوه حتى قبل مييجي للحياه ... تخيلو معايا الصوره

الأهم من كل دا اننا بننسى ان أسعد لحظة عند أبليس اللعين ان لما أحد جنوده يقول ليه انه قدر يفرق بين زوجين
لأنه عارف ومتأكد ان بداية الخراب والكوارث بتيجي من هنا
نزاعات ومحاكم واسر بتكره بعض وأولاد بتتشرد ويعرفو طريق الرذيلة والانحراف لأنهم فقدو القدوه والمثل

عارفه اني طولت عليكم لكن استحملوني ... محتاجين نفكر ونواجه نفسنا لأننا كلنا فى مرحلة الاختيار لشريك الحياة
محتاجين نعرف احنا عاوزين ايه أولا ... وايه اسس الأختيار الصح عشان منتعبش فى حياتنا الجايه
محتاجين نكون أعقل وأنضج فى التفكير وكمان فى التحمل
محتاجين اننا ناخد بأيد بعض
قبل مأبليس هو اللى ياخد بأدينا الى طريق الدمار والخراب اللى بيتمناه

وبكرر أسفي اني اثرت الموضوع باللهجة العاميه لكن حبيت الكلام يكون طالع من القلب وبصدق
عشان يوصل كمان لقلوبكم وأسمع ردودكم ومناقشاتكم بنفس الوضوح والجديه والصدق

وأتمنى لو حد شايف أمامه تجربه تخص موضوعنا يفيدنا بيها ونتناقش كلنا
وارجو منسمعش من بعض تعليقات مش تكون على مستوى خطورة الموضوع
رغم انه مش جديد لكنه ياجماعه زاد عن الحدود المقبولة أو المسموح بيها

لدرجة ان كل بنت وشاب اصبحم بيخافو حتى من مسئلة الارتباط خوفا من نفس المصير

طيب الحل ... نمنع ما أحله الله ؟؟؟؟ ودا طبعا مستحيل
واللا نفكر كلنا ازاى نوصل لحياة سعيده وأسره متماسكه اساسها التربيه الدينيه والحب والترابط
ويقدرو يواجهو الحياه
ويكونو أقوى وهما مع بعض من كل الصعاب
اشكركم على صبركم على طول الموضوع ومنتظره منكم مشاركات جاده
تقبلو خالص تحياتي
الرجوع الى أعلى الصفحة اذهب الى الأسفل
عطر المحبه
المدير العام
المدير العام
avatar

ذكر
عدد الرسائــل : 329
العمـــــــــــر : 35
المــــــــــزاج : عال العال

مُساهمةموضوع: رد: بصراحه كدا وبكل وضوح   الأحد يونيو 14, 2009 9:37 pm

اشكرك رحمه على اثاره الموضوع

وسرد القضيه بطريقه مبسطه


انتى بتتكلمى عن الطلاق السريع

والى انا شوفت منه كذا تجربه


وكنت توصلت لسبب من اسباب هذا الطلاق


وهو

تزويق الكلام والشخصيه زى ما بنقول فى العاميه فى فتره الخطوبه

الخاطب والخطيبه كل واحد منهم بيزوق كلامه للنانى ويرضيه بكل الطرق ومش بيكون على طبيعته

بينتحل شخصيه غير شخصيته

لما يتجوز
ويقابل صعبات الجواز

بيظهر كل واحد على حقيقته

وبالتالى كل واحد بيلاقى نفسه عايش مع شخص ميعرفوش


بيفتكر الاناسن الى كان بيحبه وقت الخطوبه
ومش بيرضى بالوضع الى ظهر بيه


ومن هنا بيتم قول كلمه طلاق

والله اعلم


تقبلوا مرورى


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://3etrelmahaba.ahlamontada.com/profile.forum?
بشير أبدول
عضو جديد
عضو جديد


ذكر
عدد الرسائــل : 9
العمـــــــــــر : 37

مُساهمةموضوع: رد: بصراحه كدا وبكل وضوح   الثلاثاء يونيو 16, 2009 6:52 am

صاحبت الأنامل الرائعة والفكر الثاقب الأخت العزيزة رحمة،موضوع كبير ومهم لإنسانة مشبعة بحب الله وسنة رسوله الكريم، لا أريد أن اطيل كثيرا لأن الموضوع بالفعل محتاج لنقاش مستفيض وكمية من الصفحات والندوات والمحاضرات ولا يمكن أن يختصر أو يبتذل في كلمتين.
لكن أهم ما يميز العلاقة الزوجين الأحساس بالأمان والأحساس بالأمان يعطيك الثقة والراحة النفسية، ويجعلك في وضع الشفافية المطلقة، وبالتالي تكون وضوح الرؤية بالنسبة للطرفين من حيث ا شتراك الفهم و الصراحة والوضوح والاحترام المتبادل.
الحب يعني الامان =الإحترام + الصراحة + الوضوح والشفافية بالتالي تكون العلاقة الزوجية متينة
عكس ذلك خراب ودمار (اني لا أكذب ولكن اتجمل)
.
الرجوع الى أعلى الصفحة اذهب الى الأسفل
Nody
المدير العام
المدير العام
avatar

انثى
عدد الرسائــل : 1540
العمـــــــــــر : 217
المــــــــــزاج : رومانسي

مُساهمةموضوع: رد: بصراحه كدا وبكل وضوح   الثلاثاء يونيو 16, 2009 4:05 pm

[ندعوك للتسجيل في المنتدى أو التعريف بنفسك لمعاينة هذا الرابط]
رحمة قلبي وقفت كتيرا قبل ان ابدا بالرد على موضوعك
جايز لأن موضوعك جه في وقت محتاجة اخد فيه قرار
وجايز لأن موضوعك آثار بداخلي تساؤلات كثيرة مثل تساؤلاتك
محتاجة أنا أيضا الاجابة عليها؟؟؟
هل البنت هي ديما المتحملة مسؤوليه فشل او نجاح العلاقة الزوجية ؟
ليه ديما البنت هي الى تحب اكتر وضحي اكتر ؟
ليه كلمة الطلاق سهله عند الراجل ؟
ساعات بتمني اني اكون من جيل جدي وجدتي الامان والثقة في الجيل ده كانوا موجودين
دلوقتي الامان والثقة اصبحوا خيط رفيع مشدود بين الاثنين وبيتقطع مع اول موجهة للحقيقة
موضوع في غاية الاهمية رحمة
جزاكي الله خيرا رحمتي
[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
رحمة من الله
مشرف
مشرف
avatar

انثى
عدد الرسائــل : 122
العمـــــــــــر : 35

مُساهمةموضوع: رد: بصراحه كدا وبكل وضوح   الثلاثاء يونيو 16, 2009 6:16 pm

اولا سعيده جدا بتجاوبكم مع الموضوع ... وثانيا كلام كل واحد منكم اخونا عطر واخي العزيز بشير اللى منورنا واختي الحبيبه فرحة قلبي ارائكم جميله جدا وكلها اسباب حقيقيه للنتائج اللى بتشوفها
وتعليقا على كلامك فرحتي فى ان ليه البنت هي المتحمله العبئ الأكبر اسمحيلي ارد عليكي
سبحان الله ربنا جعل لكل شخص قدرات وطاقة على الاحتمال وملكات اي سمات فى تركيبة شخصيته وأعتقد فى المسائل العاطفيه والمشاعر ربنا ييسر للأنثى دا لأنها قبل كل شيء الأبنة - والأخت - والزوجة - والأم وفييييييييييين بقى على متكون جده ... كل دي حجات محتاجه قلب من ذهب عشان تقدر تكون حنونه وخادمه لأسرتها عشان توصل بيهم لأسعد حياة
ولما ووصفنا بأننا ناقصات عقل كان المقصود ان العاطفه عندنا بتكون فى المرتبه الأولى قبل العقل
لكن كل دا ميعنيش ان للرجل دووووووور كبير فهو يوما ما أبوها وأخوها وزوجها لازم يكون عنده المقدره على امتصاص غضبها فى أوقات مش بتقدر هي على تمالك زمام أمورها عشان لكل انسان لحظات ضعف كبيره ممكن فيها يدمر كل اللى بناه طول عمره
فالمطلوب منه انه يحتويها فى اللحظات دي ويكون ذكي وحكيم بالقدر اللى يوصل بيه بأسرته لبر الأمان

وفى اعتقادي العمليه تبادل أدوار واننا نتحمل بعض ومش نقول كلمة اني بتنازل او هو بيتنازل ... احنا بنعمل كل دا عشان فعلا محتاجين بعض واحتياجنا دا مرتبط بالسعاده مش فى اننا نعيش جوا ساحة معركة مشتعلة الوطيس طووووووووول الوقت

وصدقوني المسأله محتاجه اننا دائما نضع الله نصب أعيننا نخاف منه فى بعض ونتقيه كل واحد مننا في الآخر ولا نحمل أنفسنا ومن نحبهم بما يفوق طاقة البشر ونفترض حسن النيه أحيانا لأننا مش أعدااااااااء عايشين فى بيت واحد

وصديقنا عطر كان محق فى قوله اننا أحيانا بنزيف حقائقنا وعن جهل من اللى بيعمل كدا انه بيمشي بخطوات أسرع مما يتخيل فى طريق هدم سعادته حتى قبل ما تبدأ لأنه بناها على زيف وكذب وتملق وما بني بأساس هش فمصيره الطبيعي للهدم والخراب

اللهم أحفظنا جميعا وهدانا دائما الى ما فيه الخير لأنفسنا ولمن حولنا يارب ونقي أنفسنا من كل الآثام
ونطلب ونرجو الله أن يحاسبنا بكرمه ورحمته لا بعدله لأنه لو حاسبنا بعدله فنحن حتى لن نستحق لحظتها اننا نعيش تحت سماه وعلى أرضه فهما أيضا من نعمه

اسفه كالعاده على الاطاله بس عارفييييييييين اختكو رغااااااااااااااااااااااايه ( واللا ايه بيشوووووووووووووو ) اسعدكم الله كما أسعدتوني بمروركم على الموضوع الكبير فى الأهميه الضعيف فى الأسلوب والسرد من اختكو الفقيره الى الله
ونلتقي دائما على كل الخير وتقبلو خالص تحياتي
الرجوع الى أعلى الصفحة اذهب الى الأسفل
ملكه
مشرف
مشرف
avatar

انثى
عدد الرسائــل : 994
العمـــــــــــر : 32
المــــــــــزاج : متقلب

مُساهمةموضوع: رد: بصراحه كدا وبكل وضوح   الخميس يونيو 18, 2009 11:06 pm

طبعا يا رحمه هو موضوع مهم لان زى ما قلتى كلنا تقريبا فى مرحله الاختيار
صحيح هو نصيب بس لازم ناخد بالاسباب
وكلامهم طبعا صح لان بقى فى تزيف وخداع والحقيقه بتبان بعد الجواز
بس بجد فى سبب تانى مهم للفشل
اننا بعيد عن ربنا وذنوبنا كتيره فربنا بينزع البركه من الجواز ده
وتبتدى تبان عقوبه المعاصى بعد الجواز
ولان فعلا مش عارفين اهميه الجواز فى دينا وفى حياتنا وعند ربنا
وزى ما قلتى دى اكتر حاجه بتسعد الشيطان لما يفرق بين الاجواز
فبجد لو كل واحد اتقى ربنا فى تصرفاته ربنا هيخلى البركه فى الجواز ويكون ناجح
وسبحان الله على اد قرب الواحد من ربنا ربنا بيبعت للشخص برده الى يعينه على طاعه ربنا
ويكون دخول لسبب الجنه
لانى بجد شايفه ان الجواز مرحله مهمه جدا ان الازواج يعينوا بعض فيها ويتقوا الله لدخول الجنه
وكسب رضا ربنا
وربنا يقوينا يارب على الاختيار الصح واننا نتقى ربنا
ويارب يرزقنا جميعا من يتقى الله ومن يعينا على طاعه الله
وتقبلى مرورى
الرجوع الى أعلى الصفحة اذهب الى الأسفل
رحمة من الله
مشرف
مشرف
avatar

انثى
عدد الرسائــل : 122
العمـــــــــــر : 35

مُساهمةموضوع: رد: بصراحه كدا وبكل وضوح   الجمعة يونيو 19, 2009 1:35 pm

أمين يارب العالمين ... كلامك لا غبار عليه احلى ملكه وكل اللى قلتيه صحيح وأتفق معاكي فيه
وأشكرك على أحلى مرور من احلى ملكه ... ومتنسيش رعاياكي ملكتنا الجميله
الرجوع الى أعلى الصفحة اذهب الى الأسفل
 
بصراحه كدا وبكل وضوح
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقي عطر المحبة ابداع وثقافة وفن :: 
ملتقي عطر المحبة الثقافي
 :: الحوارات الجاده
-
انتقل الى: