اعمل نفسك ميت

موضوع: اعمل نفسك ميت السبت أغسطس 15, 2009 11:42 am

السلام عليكم ورحمة الله وبركاتة

أزيكواكلكم

كل سنة وانتم طيبين

كنت عايز أناقش الموضوع ده معاكم

لأنه منتشر جدا اليومين دول

وهو نظرية "أعمل نفسك ميت"
نفسر أكتر
أي حد دلوقتي بقي ممكن يشوف أي حاجه بتحصل قدامه في الشارع تتضايق
يعني مثلا بنت بتتعاكس
أو حادثه وفيها مصابين

يقوم يقولك: "ياعم... كبر دماغك... أنا مالي... أعمل نفسك ميت "

ويمشي ولا كأن فيه أي حاجه ومايفكرش حتي أنه يشوف فيه اي حد محتاج مساعده ولا لأ
والموضوع أنتشر بشكل كبير جدا وبقينا نشوفه كتير
وبعيد عن أنه مش من الرجوله

طب تعالوا اسمعوا قصه سمعتها في الراديو وضايقتني جدا:
بنت راكبه ميكروباص
اتخانقت مع السواق
السواق وقف العربيه وقام وضربها بالألم علي وشها
أيه اللي مفروض يحصل في الحاله دي
المفروض يعني
أن علي الأقل أوي أوي رجلين تلاته يقفوا جنب البنت ويتصرفوا أي تصرف مع السواق ده
المصيبه أن مفيش أي حد عمل أي حاجه
تخيلوا دي
كله قالك: "ياعم... نفض... المهم الواحد يوصل مكان ماهو عايز... هي أختي يعني... بلاش مشاكل... "أعمل نفسك ميت"
طبعا الموضوع ده كان ممكن أصدقه لو أتقالي في أمريكا أو في أوروبا
لكن بجد لما سمعت أن حصل في بلد الجدعنه والمرؤه مصر مكنتش قادر أصدق

خدو مثال تاني سمعته في البيت بيتك:
فريق عمل مسلسل لـ "محمد صبحي"
ماعلينا
المهم كانوا رايحين مكان بالعربيه وعملوا حادثه علي طريق المحور ومعظمهم اتصاب
بس المره دي فيه ناس وقفوا معاهم
طب فين المشكله
المشكله أن الناس كانوا عايزين يعدو المصابين الناحيه التانيه للطريق عشان... عشان... "مش فاكر والله"
ماعلينا [ندعوك للتسجيل في المنتدى أو التعريف بنفسك لمعاينة هذه الصورة]
المشكله بقي أن العربيات بقت رافضه تماما تقف أو تبطء حتي عشان الناس يعدوا المصابين
تخيلوا شايفين ناس متشاله عالكتاف ومتصابه وبتموت ورافضين يبطأوا عشان يعدوهم
وكل واحد يقولك: ياعم... أنا لسه هأقف ولا أبطء... أنا مستعجل... أعمل نفسك ميت"

بجد ياجماعه الموضوع ده محتاج نقاش مننا كلنا
وأنا متأكد أن كلنا حاسين الموضوع ده وبنشوفه قدام عنينا
ومحتاج أرائنا كلنا
ونلحق نفسنا قبل ماواحد مننا يحصله حاجه "بعد الشر" ومايلاقيش حد يساعده
وكله يعمل نفسه ميت

منتظر ردودكم ومحدش يعمل نفسه ميت

الله عليك هيما بجد موضوع جميل فعلا من غير كلام

ودة فكرنى بتشبية زمان كنت بقولة عن الموضوع دة وهو

(امبراطورية الانامالية(

بمعنى كل واحد يقول انا مالى يبقا احد اتباع الامبراطورية دى

ومع الاسف الشديد الخوف وعدم المبالاة هو المسيطر على الكل دلوقت يعنى محدش قادر يتكلم احسن السواق يطلع قريبة ظابط يبهدلة ولا حاجة او حتى امين شرطة

تسلم ايدك هيما

اللى بيحصل ده لان اننا اتخلينا عن كتير عن مبدانا
وتربيتنا كمان اتغيرت لان لو اتربى الولد زى زمان انه يحافظ ويدافع عن اى حق وعن اى بنت
ولاننا فى زمن فتن كتير
يارب يهدينا جميعا ونرجع زى زمان ويبقى فى شهامه بجد لانها فعلا بقت نادره
[ندعوك للتسجيل في المنتدى أو التعريف بنفسك لمعاينة هذه الصورة]

اشكرك اخي على الطرح الواقعي الذي يحصل في معظم البلدان العربية وليس في مصر الحبيبة فقط::::::::ولكن نقدر نقول الحمد لله انوا لو خليت قلبت لسة فية شهامة وغيرة واجزملك انوا داة القليل ولكن يعم على الاكثرية اتمنى من الكل ان يضع نفسة في مثل هذا المواقف فهل يرتجي ان يتخلى عنة الناس لااظن ذللك لان الحياة دين كما تدين تدان ونوائب الدنيا تدور لكم تحياتي

موضوعك حلو هيما بس ما بعرف بالنسبه لفسطلين ممكن عشان الاوضاع عنا صعبه
الشب بخاف على البنت متل اخته ( مش الكل طبعا) بس الاغلب عنا هيك
طبعا هاد برجع للاحتلال
متلا عنا على الجواجز ان جندي او حد حكى مع بنت الشب عنده استعداد يستشهد عشانها
انا بصراحه بفتخر بشباب فلسطين