تخيل لو دي جدتك كنت عملت فيها ايه!!!!!!

الله أكبر الله أكبر..أذان الظهر..

- يارب.. يارب بحق ده الآدان تنجح يا نون يابن ابنى وأشوفك دكتور أد الدنيا

- ياستى بس أنا فى تجارة

- وماله يابنى هو يكتر على ربنا...... ده ربنا قادر على كل شئ

-ياستى ونعم بالله بس اللى بيطلع دكتور لازم يكون فى كلية الطب مش التجارة

-ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا

-ياستى التجارة اللى فى الوكالة حاجة واللى فى الكلية حاجة تانية

- ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق

-جدى إيه اللى هايخدنى معاه .....ده جدى مات من زمان ياستى

-يامصيبتى عبد الواحد مات..ياحبيبى ياأخويا..مكنش يومك ياسبعى

- ياستى ده ميت من تلتين سنة

- تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

-ياستى حرااام عليكى عايز أذاكر بقى

-يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون

-ياستى دبلون إيه..أسمه البكالوريوس

-أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون

- خلاص دبلوم دبلوم ياستى ..سيبينى بقى عشان أذاكر

-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب وأخلاق..وعلام كمان

- ياستى عبير دى معاها أعدادية

- وماله يابنى ...الراجل مايعبهوش إلا جيبه

- راجل ...راجل مين ياستى...عبير دى بنت

- عبير ...عبير مين ياوله..أنته بتعرف بنات من ورانا

-لا إله إلا الله....أبوس رجلك ياستى أرحمينى بقه

- طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى

- ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات

- صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان

- حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره

- لأ ياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى

- خلاص روحى المطبخ ...أهو زمان أمى خلصت الرز

- رز...رزإيه يابنى....هو أنا ليه سنان للرز...أناهطلع البلكونه أحسن

- طب أبقى خلى بالك من الهوى ياستى

- هوى لما يلطشك

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس
لكن للأسف المراقب سحب مني الورقة قبل ما أكتب أهم حاجة فيها

ياترى أنا كان إسمى إيه؟؟ ياترى كان إسمى إيه؟؟

[size=24]
جميله ستو دي حد يطول جده زيها ربنا يحسن خاتمتنا الست برضه كبرت

هو الحل انه يبطل تعليم وينزل الوكاله وخلاص [/size]

على فكرة والله انا عندي زيها بالزبط

بس مش ستي تبقاء امي ونفس الكلام

وربي يديها ويدي ستي طول العمر

والحل انو واحد ينتحر ولا يخش تجارة ولا طب

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههه
ههههههههههههههه
ههههههه
الله عليكي مليكتي
بجد تجنني
وجميلة ستو دي قوووووووووووي
يارررررررريت عندي وحدة
علشان انسا معها كل حاجة
مش اسمي بس
[ندعوك للتسجيل في المنتدى أو التعريف بنفسك لمعاينة هذه الصورة]
تقبلي مروري يا قمري
[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههه انا اقول يتزوج البنت عبير احسن
ويخلف صبيان وبنات

مهو سبحان الله يا خالد كل ما نكبر نرجع نصغر

ربنا يخليها ليك يارب يا ايهاب ومش تتحرم منها ولازم تستحملها طبعا

انتى اللى تجننى يا فرحه وعندك حق ياريت كان فى ستو كده عشان ننسى بجد

هههههههههههه مهى برده يا روز هترجع تنسى هو اتجوز مين

نورتوا كلكم وكفايه انها عجبتكم

[ندعوك للتسجيل في المنتدى أو التعريف بنفسك لمعاينة هذا الرابط]

هو الى غبى هى كانت تقصد بعد الكليه يكمل ويبقى دكتور فى الجامعه الست مغلطتش يعنى وبعدين مالها عبير حد لاقى

هههههههههههههههههههههههههههههههههههههه

شاطرة بتول فهمتى ستو عايزة ايه

نورتى يا قمر

[ندعوك للتسجيل في المنتدى أو التعريف بنفسك لمعاينة هذه الصورة]

» معلومات ركز فيها
» قصه رائعه فيها عبره
» موواقع اكتب ااسمك فيها
» تعالوا نستمتع بحياتنا ....دعوة للتغيير ما رأيك فيها
» أخطاء في قراءة القرآن يقع فيها الماهر في قراءة القرآن الكريم